其實而家電話影相已經咁勁, 仲有冇需要相機？

手機對焦又慢又廢又唔準 低光高noise又對唔到焦

以前冇相機，又冇乜要求，電話+堆apps已經夠，但玩過相機，就知電話同相機係幾大分別，我覺得電話唯一好處係方便。

試過拎部note8影銀河，係影到呀，但啲雜訊多到....

銀河咁緊係啦咁專業
但平時同朋友食飯啊，行街見到d 景點呢類佔8 9 成既野呢

所以各有各好，但我傾向相機，不過有時都會用手機影。

其實而家Google Map , AI 咁勁，去旅行重有無需要特登拎相機/手機影相

影相關google map咩事

如果係影人多其實都夠，
但要影景影動物之類就最小要整部機仔，
如果再上單反就真係要學要摸熟啲基本快門光圈，角度位置光源同帶幾支鏡頭，但我見大部份都是auto一支鏡走天涯同拎部DC仔唔知有咩分別

IPHONE既APP已經可以較光圈快門曝光白平衡等等...勁方便
但係相機既立體感同景深 , 的確無一部現有既電話可以取代到。

睇下 影乜 同去邊

廣角、重炮、散景、Details、聞相 、極端環境抵抗力

如果以上都唔需要/唔重要嘅，真係可以用手機就得。

樓主你自己都解答咗仲有無需要相機啦

咩app較到光圈

佢地應該指app 扮光圈較光暗同軟件景深
但其實手機物理光圈係改唔到

以我所知 電子光圈得努比亞改到 真正嘅識變光變暗嘅光圈

打下卡
咁你呢種就唔係攝影係即食啦ching

淨係恒圈同RAW呢個factor都夠屌到電話撚反艇

係啊反正而家個個影完都用app執到變曬色
利申 鐘意用相機

其實拗咁多咪又係雞同鴨講 有咩意思

用得相機自然係知道佢對比起手機價值係邊
選擇用翻手機亦自然係因為唔覺得相機既優勢有幾重要

同上面班開口埋口話人攝影撚既人講根本係對牛彈琴
亦冇必要強行要人地要明白相機勁在咩野地方

因為每個人既要求唔同
有人唔放大唔執相唔中意麻煩用手機影都好滿足
亦有人覺得相機性能優勢可以帶比佢更多空間自由去創作

最簡單咁諗
你用過相機 用自己標準覺得同手機冇大分別 咪用翻手機算
你用過相機 又發現到佢既優勢 咪轉用相機囉

根本兩者冇衝突 亦冇話邊個可以取代邊個

所以上面已經提到 根本係為釣魚而唔係為討論
本身已經存在立場同角度既問題, 加埋釣魚性質

咁手機電話夠可以彈琴啦, 係咪全世界唔使買樂器？

手機個AI後期仲未成熟, 好多位都好假
少數好處就係HDR合格
如果真係想記錄人生都係正經用相機會好D

正解