其實而家電話影相已經咁勁, 仲有冇需要相機？

專業既話唔計啦，普通人去旅行個種既話有冇需要？？？

無
不過實有D 「專業攝影撚」出黎話你唔識野 ：「有好撚大分別囉ching! 」

Tautology
你所謂嘅普通人咪即係唔需要用相機嘅人囉

去旅行影下風景同記錄下咁

已經放棄拎相機好耐
有部iphone影張相記錄下就夠

正如一個有料既作家 用咩筆都寫得好一手好字

普通生活照咪無分別囉
一到夜拍星空日出日落要求高少少就收晒皮

有時用相機影出黎嘅相，係真係會靚到嘩一聲
唔係話電話冇，但我自己ig已經絕少upload電話影嘅相

主要都係長曝光攝影
手機CMOS太細，暫時都係挑戰唔到相機

利申：除左專去攝影既旅行，其餘用手機

少/唔用相機既會覺得無分別
正如好多人拎住D假景深覺得好正

唔好玩啦,你用一用個稍為入門少少既單反就已經知手機影相只係好小朋友
手機相,無論影人定影景,如果放大影遠少少既野用肉眼已經睇到好明顯既噪點,但相機影出黎,成個感覺已經唔同晒

對焦有得比？

如果你只要求影得到嘅,的確唔需要相機.

不當類比.

其實我睇落好似唔zoom 既話，放哂ig 睇唔出有分別

咁你已經唔洗買相機

樓豬係咪冇用過相機？稍為用過都會發現用相機先真係叫影相，手機只不過係拍緊證據

其實呢啲係真係因為你未試過/唔識用相機影相，所以先會咁諗。

係，你用手機影係可以影低個場境，紀錄低呢件事，你去過邊度。 但係好多時真係冇辦法重現返你當前眼見到嘅嘢。 即係你望下 四五十年前嘅黑白相， 你都知發生咗啲咩事， 但係好多時你真係感受唔到個場景。

你話啲專業攝影師好勁嘅用手機都可以影得好靚， 係嘅， 但係會畀用相機影得靚困難， 而且需要多啲心機。 即係你喺黃昏時段的陽光打得好靚，個背景好靚， 你又識人攞景嘅話 ，的確係用咩機都可以影得到靚相。 但係個問題係， 你唔係成日都會有呢啲機會囉。

同埋好多時， 你同朋友家人一啲聚會嘅地方，旅行嘅地方的燈光都未必咁好， 或者你想好快咁影低啲轉眼即逝嘅表情， 同埋moment， 或者你想突出某一個你睇緊既事/人。

用手機係好難做到㗎。

我有部無反既Lumix GM1
同一支wide 鏡一支人像

部野其實都細嫁啦但加埋支panasonic 7 14mm 都好重

會唔會sony rx100 6 先係我呢種用家岩買

咁其實係咪我唔專業既人
用sony rx 個類機仔做到上面既野，但又冇單反咁重
又比手機好

聽講下屆奧運會，場邊d 攝影師都會改拎電話影

咁又over 左，體育野要快門好快wor

奧運會有個重用緊大底菲林