[開心速遞]熊若水龔燁 供水線集中討論區（7）

個日先見到個，話都係同博士襯啲
我心諗
唔係因為龔水黨，而家難得兩邊都行得幾好，
博士都要結婚啦，放過佢地啦

告白2018
希望係2018年內就告白到起埋一齊啦
下年先既話就變告白2019啦

我將希望擺係聖誕節

希望聖誕回應番上個聖誕就好喇
至少回禮番隻錶好唔好啊

按照水水既性格
收咗人地禮物一定會回禮既
話晒上年成萬蚊既錶都捨得送

係，依家兩邊好地地，特別工水又幾有火花，博香又幾sweet下，咁咪幾好，格硬變返博水只會傷心速遞
班友係咪on9

唔知大家有冇上大陸貼吧/Lofter睇同人文
我上嚟呢個po之前喺Lofter睇過一篇
叫「『供水』有關告白的那些事」
中間少虐但係happy ending嚟
唔知之前有冇巴絲po過
有就當我冇講過啦
畢竟咳完咁多玻璃渣
要啲甜甜地嘅咳藥水止咳
http://taoyushideng.lofter.com
喺呢個作者個page裏面碌落少少會揾到個合集
就當ff下媽呢空主動出擊會係點

雖然玻璃渣食到胃出血，但真心高質嘅

諗諗下佢地今年一定要一齊喎 如果照返之前個睇姻緣金師傅咁講

收藏先，得閒慢慢睇

Hey stanley你昨晚個集做得超好
劇中就咪再瘋狂花式自殺啦

又有得俾我ff

冇記錯內容係話真命天子會今年再出現
再拒絕佢多次嘅話就冇機會
好似冇講過今年會一齊
不過如果今年佢哋要一齊都幾趕下，我情願慢慢嚟

又好似係喎 慢慢嚟每星期供水一次都夠了

今集有起有落甜虐兼備，只係處境劇廿幾分鐘嘅內容感覺拍得好過正劇，終於明白咩係高汁，高質到出汁

阿龔今集其實向前咗好多，話為咗阿水同佢去哈爾濱呢下真係好冧，會約阿水去探阿爸無非想喺非辦公室時間裡見多阿水幾面，仲有阿龔小學雞式送頸巾呢幕真係又甜又搞笑，之後最尾拉阿水想再出去睇雪可惜timing已經唔啱 相信如果無Jenny嘅出現肯定已經表白咗 宜家傑叔呢個把柄俾Jenny揸住，但阿龔唔係傻同一條橋唔會比Jenny玩到好多次，而且阿龔有佢出軌USB相信佢都唔敢玩得太過份，最好跟住講傑叔出嚟自爆然後解開阿龔個心結正式認真去追媽呢空，不過睇嚟都要過多好多集先解到話

而阿水就真係開始沉船啦 對阿龔嘅感覺肯肯定定已經唔再係普通同事，會呷醋、期待、失望、忐忑，條頸巾除完又戴呢幕已經係形式上肯定，去探龔爸用咩身份？前度阿May喎，今次又唔係有求於阿龔咁都肯制，雖然龔爸最尾嗰句令人誤會，但阿水亦都知龔爸病情未必盡信，相信之後龔爸都應該會以助龔為主。大小姐繼上次艷照幫阿水擋龔今次又再擋，咁講法如果龔水唔發現蓮輝戀而有所轉變似乎大小姐會一直阻水落去，威力唔會細過Jenny搞搞震

可能真係唔夠時間，雪地阿水等待緊嗰陣無FF到，雖然都估到龔水唔會真係咁快一齊，但諗住有啲虛甜場景嚟止下咳都好嘛。好在今集有紅頸巾做實甜，之後冬天景應該有好多出現機會，期待聖誕節呀

嘩好正，多謝絲
BTW，想再加多幾樣 (雖然佢哋相對冇咁經典)
1. Jenny甜片USB（223 <「裸」命事件簿>）
雖然水水唔知道佢嘅存在，但佢幫龔生一次又一次咁保護咗水水，應記一功
2. 真方堂龜苓膏（232 <「欣」愛而走>）
兩人結「仇」嘅重要里程碑之一，但亦因為咁而睇到賤精超強嘅winwiwnwin公關技巧同埋佢賤唔得晒嘅一面
3. 嬤嬤鳳爪（275 <嬤嬤鳳爪>）
龔生由廿四孝順仔秒變廿四孝男友的証據(龔友表示冇眼睇你個衰仔 )，同時亦導致水水第N次潛入龔生office從而引發龔生邀約上屋企搵嘅爆炸性言論
4. 小三補充練習（398 <戰鬥吧！蠢人兵團>）
龔生見到水水啲錯到離晒譜嘅答案都忍唔住甜笑，唯有幫佢買多幾本補補身，當然始終唔夠嗰份黐到十隻手指都損晒嘅標準答案咁sweet啦

今次算唔算拒絕左

無明示表白可唔可以唔計

咁講法我哋其實係咪應該慶幸阿龔昨晚冇真正表白，如果唔係阿水真係一時火遮眼再次拒絕咗佢咁按照金師傅個預言......

留名
尋日睇到我心癢癢

如果聖誕節 情人節
有龔水睇 派下糖
我已經心滿意足

好衰架頸巾都送埋都一齊唔到
個幕睇到我勁開心
雖然真係拖左好耐，不過冇辦法啦，咁多線要顧，觀眾睇落會耐過劇中既時空
但曖昧原本就係有排玩
希望水水早日知道自己既心同工業點諗，佢地一齊個集可能會整喊好多人

你個名
原來454改呢個名表面睇係甜實際上一早已經預示咗結局