[開心速遞]熊若水龔燁 供水線集中討論區（7）

睇完今集感覺劇組嚟真想鋪墊工業成為更立體的角色（工業的王子復仇記）。如果當真，咁工業在工水的比例就要加力度了。不然兩頭唔到岸。不過，有時以呀水視角嚟睇工業的故事，要觀眾齊齊估工業的想法都得意嘅。

請告白2018
係我哋嘅心聲
想龔水2018完之前告白
宜家睇好似難啲

54. You're the only one~~~~


阿龔係阿水房門口捉住阿水，
然後第二次響起only one
雖然mary fing開佢同之後拒絕咗龔燁，
但我好鍾意呢幕
起歌起得好好

膠係膠咗啲
但係（私心）見到編劇影射請回答系列真係好窩心
介紹大家睇請回答1988 同 1997
嗰啲表白／唔表白位真係

因為韓劇有套請回答系列，好出名
請回答1997
請回答1994
請回答1988
1988果套其中一個男主角仲要係朴寶劍，仲有初雪畫面，好浪漫

同你撞機添

想講頭先掛住燥後半part個劇情 啱啱再睇返水水等阿工個到真心忍唔住喊

可能因為密室那次佢令阿龔開始察覺到
呢個世界有好人
先至愛上媽呢空

其實我覺得愛上一個人
不需要有太過複雜的原因
就是因為她就是她
她的存在
令阿龔相信呢個世界仲存在好人美好事物....

呢pair係唔急得但都唔好拖住去做
咁就犯哂sit com的缺點....

原來係咁，冇追開韓劇
費時兩邊都quote，係度多謝埋係龔唔係乸絲解答疑點
編劇真係好鍾意每一分每一秒都玩呼應，好犀利

但最鐘意都係1997，完全經典! 94同88我都站錯隊，諗起七封同狗煥都心痛

我88都站錯左 到最尾2集先發覺站錯 不過估唔到會用88作藍本？本身見到紅色頸巾以為係鬼怪

鬼怪又係紅色頸巾，又係初雪

咁岩朴寶劍宜家個髮型同龔燁撞左

同意，真係要再鋪靚啲條線先。其實我唔覺得龔水今集係輸比時機or其實人(大小姐 and Jenny)，佢哋係輸在冇勇氣冇一往無前嘅決心，而呢樣嘢係要建立在心意互通彼此認定嘅基礎之上。衰啲咁講，就算冇Jenny搞事，阿水都冇確實應承會赴約，又點能夠要求阿龔放棄二十年嘅執念唔去搵傑叔? 同樣地就算冇大小姐訓話，阿龔從來冇對水水坦白過，又點能要求夠阿水在失望透頂之後仲會開開心心咁同佢一齊去賞雪? 睇嚟佢哋仲係長路漫漫啊

講得好中,
佢哋之間最大嘅問題就係佢哋自己

佢哋係輸在冇勇氣冇一往無前嘅決心
只差一點點
即可以再會面


編劇搞搞佢吧

本身龔燁都唔知熊若水背後對感情既不安
佢雖然知佢爭啲做左細龍太
但唔了解佢既心理
另一方面熊若水又唔太了解阿龔
其實都係嗰句
兩隻小學雞都唔太了解對方既時候
真係會卻步
呢樣其實只係時間既問題
畀啲時間佢地啦唯有

阿水最後拒阿龔於門外係因為佢根本未了解阿龔為人，除咗267聽過佢往事之外冇點見過佢真情流露，所以佢覺得阿龔份人口花花、好神秘嘅正常不過，畀大小姐嘅勸喻動搖亦係情理之中，阿水情路咁坎坷，情願收埋自己拒絕阿龔睇雪都理解
反而我覺得阿龔今次真係括咗出去，可能因為天時地利人和，哈爾濱初雪韓劇劇情同埋阿水有沉船signal畀咗佢同279一樣嘅勇氣，發力買頸巾真係準備再去馬，但係遇上咗佢最大嘅難關（過去），佢聽到jenny電話嗰刻依然放唔低，所以拋低咗阿水，但係我覺得佢之後係後悔，然後真係有認真衡量兩者喺佢心目中邊個重要啲
反而我最擔心嘅阿龔又好似279咁再食檸檬，又會縮翻返去，不過宜家阿水應該會行前咗，所以以後應該會由阿龔單戀mode轉做兩人互相試探mode，係關係嘅躍進呀

其實可能我真係諗多咗，但當#415阿龔最後冇選擇信阿水嗰一刻，到#428佢咁嘅表現，回水前阿水啲credits我覺得阿龔要再經歷多幾次感動位先會pick up得番

愛可能真係唔需要任何原因，我大概總係將佢諗得太過理智啦

今集龔攞咗杯俾第2個女人，透過david把口點出:龔唔止對一個女人好，對其他女人都好。(當然我地上帝視覺就知唔係)但站在水角度，龔就係口花花，又撩大小姐又對其他女仔好。加上親耳聽到龔友話佢玩女人。試問水又點有安全感去相信龔。所以佢一直唔信龔係認真，其實都唔怪得佢，龔作死太多次 。

但最虐嘅位係，即使係咁，佢都想信龔一次，去聽之前唔敢聽嘅說話。要一個受過情傷嘅女人踏出一步去回應，仲冰天雪地咁等咁耐。返黎龔仲要講大話。佢梗係會覺得點解自己會咁蠢應約，死賤精只係順口講下，自己竟然當真。係水心中，龔何止歸0，直情歸埋賤男一類 。可以預見，水應該會惱羞成怒，即使會在意呢個人。但難免會嬲一輪，而龔又唔知水嬲咩(水角度自己瘀咗，更加唔會認自己有出去)

而龔的被虐位係，咁耐以嚟嘅努力一下就被抹殺哂，係水心中又由信賴變做賤男(雖然佢自己唔知)。明明追咗咁耐，差一點點就追到女神，就係陰差陽錯咁錯過咗，而佢自己又不知不覺

佢自己都有努力去佈排表白場口，睇定韓劇又搵燈位，仲有搵紅色頸巾。呢下其實佢無廠都會去馬，只係爭在等一個適合時機。(可能上次3連擊太傷，唔敢草率再試)

相信如果佢知道水水有去等佢，仲凍咗咁耐一定會好心疼。我見到蟹係走廊鼻紅紅嘅委屈樣都好sad
不過點都好，今集有水之覺醒，又有帶出二人之間必須解決嘅問題(唔夠担白，安全感不足等)
玻璃渣都食得幾滿足 劇組加油! 慢慢佈靚呢條cp線啦，唔好急最緊要快

啱啱都想講！！！仲要好撚好聽！！
有冇人有埋全首歌詞？

我覺得如果下一集佢哋二個都仲喺哈爾濱未返嘅話，會有少少希望令雙方認識多咗，起碼可以有呢個環境俾佢哋多少少二人獨處時間。一直以嚟，話就話識好耐又同公司，但始終接觸有限，唔通office訴心聲咩。真係剖白自己睇法嘅…數嚟數去得密室海傍，最多加埋同居時天台傾計我哋唔知…今次係好好嘅機會俾佢哋突破大家個關係之間嘅問題…相信一解決到，關係就可以好快去到表白今次都講得咁出面

不過，硬係覺得下回Jenny都會喺度…

我都覺得愛又真係唔多需要咩原因嘅
有啲嘢你自己認定係佢就係佢

不過佢地又唔係十八廿二，
唔似得啲後生仔咁衝動係咪都狗衝先，
凡事都會諗多一步都合理嘅

太過理智就會好似三姨咁 我覺得

絲你個名係咪428台詞？
點解變變下呢度大部份人嗰id名都係龔水相關

其實我個id名最後個k字係代表k先生㗎