[開心速遞]熊若水龔燁 供水線集中討論區（7）

37. 唉我唔明點解送嘢俾人都要潑到人成身咖啡咁作死 好彩阿水收到條頸巾之後即刻冧晒，如果唔係，阿工死十次都唔夠

其實 條頸巾咁貴係咪真係要咁樣疊上去件污糟咗嘅衫度
雖然呢幕好冧

直筆甩唔係大晒 滑捋捋唔係罪過
返工記住食早餐 雞髀打人牙骹軟


其實都幾啱阿水

如果講返佢點搵到我而又比水水知道咗個過程嘅話，個畫面應該好sweet

希望收視破紀錄
準備每日上mytv loop十幾次

實食冇黐牙

其實好想多謝編劇們對龔水咁好
龔水嘅劇情全部都係有舖排過嘅
唔似得之前嘅安Bon孝心同潮善都係莫名咁突然就一齊咗

我睇嘅時候都係咁諗
點解送嘢唔可以好好地送

47. 阿水同阿工講個幕人哋係表白，阿工個反應係（點頭）

呢到我都留意到

未打完搞到9唔搭8添 sorry
大小姐 可以話係今集好重要 某程度上點醒阿水自己缺乏安全感
龔燁就算真係表咗白，兩人都無真係處理到一啲根本嘅問題就太「容易」一齊，以後大把手尾跟
可能係Jenny 傑叔救咗龔水呢

我係阿水真係打死佢
件衫污糟都疊上去
就咁送咪得，個衰仔真係

有之前啲實驗品
試過水溫知道反應 編劇們都識諗
同埋之前唔知添唔添食 劇情諗唔到咁遠 難免會有bug

其實基本上係最後個十分鐘玻璃渣，甚至係狂切洋蔥那種感覺
仲有原來阿龔鳩衝原來搵jenny攞傑叔消息

49. 阿工呢個時候開大絕：「定係有啲嘢你唔夠膽聽呀」
那一幕阿龔擋門個真心型真心charm

其實阿龔肯放下過去，同媽呢空坦白，其實就搞掂哂

59. 好同意有絲打講，阿工呢到放低傑叔張相，可能代表阿水可能係阿工心中地位開始高過傑叔，不過應該都冇咁快斷呢條線，阿工要realize到阿水係可以信賴可以依靠，仲有一段路要行

呢句係我講嘅，估唔到recap竟然有份出鏡
呢個動作係好細微，但係反應到好多嘢，開心速遞喺呢啲細微位做得好好
454之所以咁精彩，唔單只佢點出咗龔水之間嘅矛盾位，仲同時表現到阿水同阿龔嘅心態轉變
阿水沉船就唔洗講啦，阿龔都喺呢集畀人逼到喺過去同未來二選一，雖然佢依然猶豫緊，冇正面做出選擇，但係擺低張相呢個moment我覺得係有影射到佢潛意識已經揀咗，相信以後會有一集正式令佢表態
呢集劇情、演技同呢啲細節位真係好好睇，我會不斷自虐翻睇

小學雞

其實阿龔點頭仲微笑
阿水唔知點應先急住退場

真係有舖排過嫁
現家就好想知下回

其實我到依家都仲未敢睇翻今集 真係好虐心...

可以用google docs?
呢個list比大家／幕後劇組留嗰紀念都好

終於收拾心情來報到~~
睇完今集後嘅千頭萬緒都比大家講晒出嚟啦
讚又好插又好，能夠引起咁多討論反思足以証明今集有幾成功。唔似其他CP咁有啲實實在在嘅障礙，龔水裹足不前嘅位係出於一種唯心的偏執，係種好虛無飄渺嘅束搏，所以會有觀眾覺得佢哋段關係拖拖拉拉不能理解其實都好正常。不過正正因為係咁，如果佢地唔徹底解晒之前啲誤會，拆晒阿龔啲心結，清晒阿水嘅疑慮先至一齊，兩個人日常就算再甜都只會係糖衣表面內裡空空如也。其實阿龔每次「口花花」嘅撩撥背後都冇點真正行近過阿水內心，講真除咗阿水好正(嘅剪影)同埋好孝順好有義氣之外，我未睇到有咩位會令阿龔覺得非水不可，而阿水嗰邊就更加單薄啦，唔通真係外貌協會到咁咩。所以話就話希望2018請告白，但我真心認為呢pair其實唔急得。

35. 廢羊今集可以話係全劇以來最有用 ，助工助得好之餘又唔會太白


羊羊係龔燁房話佢似寶劍
龔燁暗爽加偷笑

羊羊今日助龔mvp

佢嗰下暗爽偷笑好cute

41. 雖然大小姐呢度阻礙咗進展，但係睇得出佢真係關心阿水，真係驚阿水俾人呃，真心勸佢要小心啲，其實都幾窩心
42. 奈何阿水一向就係拿開個肚皮俾人睇嘅人，阿工都好清楚添
43. 大小姐好似係全世界唯一一個記得阿水「鍾意」過阿工咁
44. 但係阿水等大小姐一走開，就即刻戴返條頸巾

大小好錫mary同mandy所以先教女咁提醒佢

上次花生三友都有笑過阿水追龔燁
可惜今集無機會俾佢地出嚟派膠

係，循序漸進咁先可以鋪靚條線，今集基本上解決同點名咗龔水線最主要嘅問題（一直以嚟缺乏阿水視覺、阿水唔了解阿龔、阿龔放唔低過去等），雖然虐，但係呢集真係唔少得
宜家思緒清晰返少少先發現套韓劇名好膠
請告白2018

我又覺得唔係，阿工中意阿水嘅理由係已經非常充分
比起好正嘅剪影，同阿水好有義氣好孝順
真係吸引阿工嘅係阿水嘅無私善良，令到阿工相信返呢個世界真係有好人
佢係阿水身邊亦感到無比嘅安穩，好耐都無訓得咁好（參見報仇記）
加上阿工自小缺乏母愛，阿水當晚攬實佢，佢中意阿水都好正常

阿水相對係一個直腸直肚，無咩城府嘅人
阿工無咩點樣了解佢嘅內心，最多都係無為意阿水硬頸背後重重嘅不安全感
但其實佢已經摸清楚阿水個人，就算誤會阿水公開個blog，佢都可以原諒
因為「見係佢咋」，You don't love because, you love despite.
就算阿水咁衝動咁天真，佢都一樣咁愛佢