[真人真事][校園][純愛]《兩個我加一個妳》

今晚再出

多謝巴打支持

好想聽下佢啲阮兆祥笑聲

芊靈我就未聽過
我都唔覺得佢係咁
反而壹仔我就聽過
真係好笑

你真係黑心

點好笑法

有啲人笑會吸引到其他人一齊笑
佢就係嗰種

一加一等唔等於一千
btw 壹哥有無mon po㗎

唔識答呢條問題
佢有呀
佢話如果你地覺得佢啲濕鳩gag唔好笑嘅話就隨便屌
最好就俾面啦咁樣

第十一章
第二朝朝頭早，

我要比平時早啲返學校

點解

因為有功課未做晒囉

打電話抄功課我又覺得唔方便，

咁就索性早啲返去算數

各位明架啦，

有邊個未試過抄功課丫

亦因為咁，

我就搭早咗兩三班車返去

聰明嘅讀者實估到，

點解要無啦啦講呢件事出嚟

話說當我上到去嗰陣，

竟然見到芊靈

可能佢feel到有人望住佢啦，

跟住就望返住我

個樣好驚愕

微微瞪大對眼

跟住就微笑

咁我就梗係順理成章坐過去啦

既然佢都知道我上咗嚟咯哈哈

佢都重係坐返喺嗰個位，

架車嘅右手邊由頭數落去第六個位

今次應該係我第一次係朝早見到佢，

一定有運行

最衰未夠秤買唔到六合彩

芊靈:「早晨呀 」

我:「早晨 」

芊靈:「係喇

點解你會知我叫咩名架 」

我:「你咁出名係人都知啦 」

芊靈:「你係咪同級 」

我:「唔知喎 」

芊靈:「哼

你以為唔講我就會唔知咩 」

我:「哈哈

你講呀咁易 」

芊靈:「又睇下點

喂你嗰條iq題好難估呀 」

我:「諗下先啦

諗都未諗就話難 」

芊靈:「其實尋晚上到張床瞇埋眼嗰陣我真係有諗

點樣諗到啫，

究竟考第一要做啲乜 」

我:「放學開估好唔好 」

芊靈:「又喺度吊人癮 」

我:「諗多陣先啦 」

芊靈:「咁好啦

放學喺巴士站等呀

今日放學冇野做應該會早啲 」

我:「好

但係我唔知你幾點喎老友 」

芊靈:「咁呀，

如果你四點三之前唔見我就走啦 」

我:「睇死你咪係估唔到 」

芊靈:「返到去問人先嘻嘻 」

我:「你都傻嘅咁易俾你問到 」

芊靈:「幾個一齊諗就唔信諗唔到 」

我:「聽住先啦 」

就係咁，

我因為一條iq題，

就成功約佢放學

你話有時有啲野幾兒戲。

落到車我地就一齊行去學校門口，

老實講個心梗係有啲飄飄然啦

同自己心目中嘅女神一齊行去學校喎，

大個睇返其實冇乜特別

不過嗰陣自己見識少，

鍾意乜都放大嚟睇，

咁咪覺得好出奇囉

加上重係第一次，

種種因素加埋就令到我有啲緊張

好彩喺我隔離嘅芊靈唔知啫

芊靈:「係喎

一陣有早會嘅話咪見到你排邊班囉 」

我:「小姐瞓醒未呀

今日禮拜四邊度有早會 」

事關我地學校逢禮拜二同埋禮拜四就冇早會嘅

咁多年都係咁，

芊靈:「又係喎哈哈

咁咪同你一齊行樓梯上去囉

傻仔嚟嘅 」

我:「傻嘅

我依家去廁所

唔等你嚕 」

芊靈:「懶巴閉

反正今日放學我都會知

避唔到好耐咋嘻嘻 」

跟住佢就上去班房，

我就去廁所，

其實我都唔知自己點解要咁樣做

可能貪好玩掛

同埋我都係嗰啲傳統思想嘅人，

喺學校入面唔鍾意俾其他人見到同女仔咁friend，

成日都覺得咁樣會為我帶嚟麻煩

特別佢重要係靚女

一陣俾佢啲觀音兵鄙視就唔好啦

唔好煩到我平靜嘅生活，

諗返起真係好鬼毒

講開又講佢好似好有信心咁樣

唔通真係咁有把握知道我讀邊班同埋叫咩名

見到自己有好感嘅女仔對自己啲基本資料咁上心，

你話冇暗爽就呃你，

縱使佢喺我面前扮野

好似好緊張但其實只係用緊交際手腕都好啦，

我已經唔理咁多

成個腦都係ff，

有啲人就係咁傻，

淨係諗啲自己鍾意嘅野，

喺度呃自己。

若凝姐今日係咪好靚

係
特別係播返中學啲片/相嗰陣
諗返好多野
咁就十幾年

我冇示意圖
不過純睇相真係幾靚

應該會好感慨

係
Btw都係講返今個故為主好啲
費事各位混亂

Sorry要再岔亂一下歌柄
好想知樂仔今日點

唔使Sorry
班中學同學同新娘新郎影相嗰陣佢兩個有見面,
佢話嗰一刻原來都係會緊張
去到最後都係決定唔好理咁多,
簡單問好一句,
呀琳都有同佢傾返計
寒喧一下

有無解釋返件事
定係繼續屈係心度
Btw 三個月前親身體驗咗一次極相似嘅劇情
不過我做咗啊琳個角色

又係過左十幾年？

係時候開外傳

冇解釋
過去就由佢過去
巴打你咩事呀

唔係