[真人真事][校園][純愛]《兩個我加一個妳》

口語化好似傾計咁講返以往嗰啲野?

對你個故仔幾有興趣

實爛尾比人屌死

這些機會不是屬於我的

咁又係

多謝巴打支持

唔使咁灰

好sweet

巴打好有心

對我黎講佢太特別
只係 我自己都知 有d野男朋友做既野係浪漫
但係普通朋友做就over 哂

到呢一刻我都仲好質疑緊咁做岩唔岩

其實女主係咪已經鍾意左壹仔

講得幾岩

我依加可以做既就唯有等

文呀

好得意

係咩

反正都過咗去
再咁樣諗都冇意思

你估下

好快
多謝你成日推

第二十三章
老實講

拎到芊靈啲聯絡方法梗係爽啦

我諗各位巴打都明白，

唔需要好詳細去形容

總言之你會將佢擺喺個腦入面

重要擺好耐，

無論他日你兩個發展好唔好，

甚至從來都冇發展過都好，

點樣再冇意義，

都重會記得某個人嘅電話號碼同埋其他聯絡方法

自己覺得每個人心入面都有個咁嘅人

返返嚟先

咁我拎完佢sms同埋msn之後，

我絕對冇好似嗰啲狗公咁樣

成日喺度搵佢

你知啲狗公架啦

失驚無神就無啦啦煩人地

講嗰啲話題真係好尷尬

我覺得呀，

想拉近距離都唔使用啲咁嘅方法啫

特別係冇野講但係又想R水吹

講嗰啲話題真係唔係人講

「你點呀 」

「出面好大雨喎。」

「今日好猛太陽呀有冇帶遮呀 」

淨係諗都打冷震

都唔使講出口

咁就知嗰個程度啦

咁樣喺禮拜六之前嗰一晚

佢就喺msn搵我

因為之前已經講夜晚嘅話就用電腦搵我啦

除非我msn冇on啫

芊靈:「聽日晏晝三點半 」

我:「好

但係喺邊度等 」

芊靈:「你知我住邊度架啦 」

唔通我同佢講，

我曾經好無聊咁樣去過佢屋苑樓下撞佢咩

所以我點都話唔知著數啲

我:「唔知 」

芊靈:「xxx呀

你去到嗰度呢會有個商場嘅

商場樓下有一間七仔，

七仔門口等 」

我:「好

使唔使幫你隻狗買野食 」

芊靈:「唔好呀

依家我都驚佢太肥

都已經唔敢俾太多零食佢 」

我:「即係我咩都唔使帶就可以 」

芊靈:「你放心，

我會幫你帶埋報紙同埋一樽水

俾你去廁所 」

我:「幽默咗喎芊靈姐 」

芊靈:「都係跟你啫 」

我:「你隻狗鍾唔鍾意生保人架 」

芊靈:「佢見人都會玩

佢點都會行埋嚟搵你同你玩

亦都唔會興奮到咬人

所以唔使驚 」

我:「咁好啦聽日見啦 」

芊靈:「咁好啦拜拜 」

我:「等陣先 」

芊靈:「做咩呀 」

我:「我屋企重有一條狗繩

聽日使唔使帶埋出嚟

易啲拖住你 」

芊靈:「唔使啦留返俾你自己帶住啦 」

我:「用手拖住得唔得 」

芊靈:「死人頭你真係好鬼煩

唔得呀 」

我:「咁好啦真係拜拜喇 」

芊靈:「早唞 」

我重記得嗰晚臨瞓前喺張床度好鬼興奮

估唔到聽日禮拜六都可以見到芊靈

當然毒撚梗係唔會將自己最真實嘅感情表露無遺啦

所以我諗聽日都要盡量抑制

跟住第二朝好快就醒咗，

好彩嗰陣重係二月

唔算好熱，

咁就唔使驚陣間出汗搞到臭晒

你知呢啲野好緊要架啦

或者喺佢心目中，

我自己個形象根本就對佢冇影響

佢唔會上心，

但係自己都重係會好無聊咁樣做好佢

跟住三點鐘我就出門口，

慢慢行去佢嗰個屋苑個商場

一路行重一路諗，

唔知佢會點著呢

由於我預鬆咗時間嘅關係

所以我去到嗰陣佢都重未到

跟住我就開始喺七仔門口徘徊，

講開又講我咁多年都係咁樣，

永遠等人嗰陣，

我都係鍾意行嚟行去

唔鍾意企定定喺度

正當我喺度徘徊嘅時候，

我就聽到後面有把聲叫我

芊靈:「咁快到咗嘅 」