[真人真事][校園][純愛]《兩個我加一個妳》

我多謝你支持就真
最緊要故事吸引 等你出文

TGIF，話說尋晚啱啱又翻睇咗一次那些年，呢套嘢睇咗不下十次，但對上一次睇已經一兩年前，睇完就見到巴打新故了

一氣呵成睇哂七章，嗰份親切嘅甜絲絲感覺已經滲啲滲啲緊湧出嚟，不過我預定紙巾架喇，你放馬過嚟啦

食晏嗰陣埋好個尾就出

好耐冇見呀巴打
可能今次唔會呢

long time no see, 留個名先

好耐冇見呀巴打

故仔幾得意 l m

lm,好鍾意睇呢啲校園純愛故
睇咗巴打嘅緣定同總有一天都係sad end,希望呢個唔係啦

可以嘅我都想相認

第八章
講咗咁耐，

或者大家會有疑問

既然我返學同埋放學都係搭巴士，

點解我唔講返學嘅呢

因為其實真係冇特別

每朝都撞唔到佢

因為朝早嗰班車都唔算疏落

變相班次多咗之下，

要撞埋一齊個機會率自然相對要提高

跟住朝早早會排隊嗰陣，

我條隊就太入，

根本望唔晒所有班隊

何況本身自己又唔係高

成堆人阻撚住我，

睇條鐵咩

早知以前飲多啲奶

依家自己唔夠高先知出事喇

講開又講，

之後嗰日，

Cyrus同我講咗一樣好特別嘅野

而我就係因為咁樣，

終於知道嗰個女仔叫咩名

大家都知啦，

以我呢種人一定唔會當面問佢叫咩名

咁究竟係點樣知呢

諗返上嚟都真係幾搞笑

話說Cyrus原來係prefect

真係講你都唔信

證明佢條蛋散真係呃到老師

咁都做到prefect

大家都知prefect係有一個室

我唔知你地嗰間學校個prefect室入面有啲咩啦，

我淨係知我嗰間學校有一本簿仔

入面有基本嘅學生資料

相，名同埋讀邊班，

當然呢啲野都係Cyrus同我講架啦

Cyrus:「你係咪話想知你個女神啲野嘅 」

我:「係呀做咩呀

莫非你有辦法 」

跟住佢就同我講返以上嗰啲野

Cyrus:「所以不如放學我帶你潛入去

搏唔搏一鋪，

反正我有鎖匙 」

我:「梗係搏啦

最多咪俾人捉 」

Cyrus:「頂你又幾有道理

幫到你盡啦 」

我:「簡直係再生父母啦大佬 」

Cyrus:「一陣lunch嗰陣，

我借啲意問下嗰本簿仔擺喺邊度，

咁樣放學入到去就可以即刻拎出嚟

就唔洗左搵右搵嘥晒啲時間

搏俾人捉咩 」

我:「咁點解你又會有鎖匙 」

Cyrus:「嗰條鎖匙好q重

根本就冇人想拎，

我只係唔好彩猜包剪揼猜輸咗先至要袋住 」

我:「今次你輸得好呀 」

Cyrus:「屌你啦講啲咁嘅野 。」

放學之後，

Cyrus話prefect嗰班人通常冇咁快走住

所以我地喺操場踢住波先

打下一場打下一場，

都不經不覺去到五點半

正常呢啲時間學校都唔會多人，

貪學校舒服咩

有得走梗係走

跟住我同Cyrus就拿拿臨去prefect室出面望下周圍環境先，

見到入面冇開燈

亦都聽唔到有聲

嗰度門隔音其實唔好，

有人喺度嘅話實聽到

種種因素都話俾我地知入面冇人

樓梯口亦都唔見有人落嚟，

於是我地就闖入去

Cyrus:「今日問咗呀

係呢本 」

我:「頂你咁q重嘅 」

Cyrus:「梗係重啦，

中一到中七咁鬼多班

有齊全部紀錄，

咁你話喇 」

我:「喺邊度睇好

呢度會唔會太冒險 」

Cyrus:「其實我都覺得呢度麻麻地，

一陣有人入嚟就水洗都唔清

去返班房 」

我:「班房唔係鎖咗咩 」

Cyrus:「擒入去咪得

好易擒 」

我:「信你 」

跟住我地就由地下上返去四樓入去自己班房，

好彩都唔算難擒，

亦都唔見有其他人喺度

所以就快手快腳入去，

我:「搞掂 」

Cyrus:「我都想知你講嗰個係何方神聖 」

我:「我地喺中四到中七嗰度搵啦，

望落去唔似細過我地 」

Cyrus:「好 」

跟住我地就喺中七嗰度開始搵，

點知冇收穫

中六中五都係，

我地已經金睛火眼望住

重複又重複咁樣睇，

都搵唔到

頂原來係中四喎

早知一開始就由中四搵先啦

咁都揀錯開頭我地真係冇鬼用

Cyrus:「你話你幾黑

咁都揀得錯 」

我:「不嬲冇中獎運

認命 」

跟住我地就喺度搏晒命搵，

終於俾我搵到

我:「係佢喇 」

多謝巴打支持

多謝巴打支持
唔好 我啦
可能今次唔會呢

其實我地幾個冇乜特別
鳩下鳩下咁樣

巴打日日都有文 好正

正常每日可以出到兩篇
不過今晚就要夜啲先再有
因為夜晚要出去食飯
尋日嗰啲一早打定

同埋成日都可以扮工打文

啲gag爛到

男主角好撚多濕鳩gag
我細佬話佢啲gag要佢講先好笑
放心係呢一刻先會多啲
之後會少好多唔使咁尷尬

女主角受咪得囉

咁又係呀

LM

話時話巴打序章話唔少聽返嚟嘅經歷嘅結局都差唔多
係咪真係咁多
定係只係

恭喜定啊行先

巴打終於出文啦