[真人真事][校園][純愛]《兩個我加一個妳》

可能今次唔係

咁快

之後解答你

我之前有兩個fd追同一條女但係仲好fd
唔知點做到

第九章
Cyrus:「邊個丫攞嚟睇下 」

原來呢個女仔叫做芊靈

就讀4b班

喺度講呀我學校分班先，

其實制度就好正常嘅

去到高中之後都係按照文科理科商科咁樣分，

ab就係文科，

cd就係理科，

e就係商科，

我都唔知點解商科得一班其他有兩班

邊會理呢啲野

原來佢係文科人

芊靈芊靈，

個名真係有靈氣

我係盲捧呀係咪唔得先

Cyrus:「原來你講芊靈呀

等我重以為係邊個 」

我:「我q知佢叫咩名咩

依家先知原來係同一級 」

Cyrus:「我地之前日日喺度搵佢

又上去中五中六中七嗰幾層，

頂原來喺四樓 」

我:「真係唔知

唔係有心玩你

呢個女仔咩料呀 」

Cyrus:「我同佢唔算好熟，

淨係記得前年同過佢同一班

正正常常一個靚女咁囉

幾nice同埋都算受歡迎，

點樣講都係靚女 」

我:「有冇拍拖先 」

Cyrus:「中三聽講過有，

不過好似好快就分咗手

咩原因你就唔好問我

依家應該係單身掛 」

一聽到單身就成個人爽晒

我都覺得應該係單身

成日一條友搭巴士點會拍緊拖丫

不過嚴格嚟講其實唔關我事

都唔知爽啲乜哈哈

Cyrus:「佢多數係同呢班人玩 」

Cyrus喺本簿仔上面指住幾個女仔，

其中有一個係嗰日放學陪佢一齊嗰個

原來係叫做Michelle，

嗰陣我喺度諗，

究竟應該點樣親近佢呢

又唔想做到成隻狗公咁樣喎

雖然你地都可以話依家已經好似

不過大家唔同班唔同科最麻煩

事關小弟係理科仔，

以前睇嗰啲電視劇都係架嘛，

大家同一班同一科一齊溫書坐下隔離

咁就搞掂咯

但係我同佢依家完全唔係咁

唔通真係日日問佢iq題咩

我都諗唔到咁多條啦

不過冷靜落嚟我就喺度諗，

其實諗咁多都係冇用，

都係見招拆招算

有啲野冇得逼嘅。

咁樣嗰日因為我要留喺度潛入prefect室

搞到好耐先走，

所以就見唔到芊靈啦，

跟住之後我就用返同一招啦

喺學校一路踢波一路望住出口，

一見到佢就走，

呢招真係萬試萬靈

又成功咗

不過以免佢懷疑，

今次見到佢出咗校門之後，

我就拿拿臨行捷徑去巴士站

重要係急步行

你試下將心比己，

如果有一條友成日都喺你後面，

每次一放學佢就企喺你後面等巴士，

重要任何時間都係

呀水都知有問題啦

所以今日我就急步透過捷徑行去巴士站先，

睇佢上次行都唔會行得好快嗰種人，

我好肯定我快過佢到巴士站

果然冇估錯，

當我去到巴士站之後真係見唔到佢，

咁就梗係喺度等啦

點知等咗四五個字都重未見到佢嚟

我心諗唔係咁大鑊呀嘛，

咁樣都撞唔到，

明明睇住佢出嚟，

亦都隱約見到佢行呢個方向，

咁都炒粉

再等多兩三班之後都重未見到佢

唉谷鬼氣，

等多一兩班唔鬼等喇

早知就唔好懶醒啦，

一路跟住咪算數囉做乜自己一個行去先

依家出事喇，

不過咁，

皇天總係不負有心人(至少今次係啦)，

當我喺度埋怨緊自己嗰陣，

我就見到芊靈喺遠處行緊過嚟

當佢愈嚟愈近嗰陣見到我，

先係好驚訝

跟住再微笑咁樣打招呼

等咗咁耐其實就係等呢一刻。

犀利

㩒F5㩒到有文

Btw芊靈呢個名好特別

芊靈呢個名幾好聽

希望今次都唔好係sad end ，上個故sad q到

你個個故都咁講
但係你個個故嘅女主角名都好好聽好特別

其實我都覺

莫非你係男主角

之前嗰啲係咪真名
Btw你知係靚女就咩名都好聽啦

巴打睇落去就知

可能今次真係

只能講今次係
其他就唔透露了

我毒撚黎

兩個我=多重人格
cyrus同主角其實係同一個人

第一下睇都估係人格分裂

直覺同我講芊靈呢個名同個故應該好有關係

正常出真人真事無咩理由要咁強調真名
應該係有啲嘢

主角鍾意芊靈鍾意到痴左線
不過睇樓主嘅反應似係嬲字中左多啲

嬲字呢樣嘢，過程真係曲折離奇