[真人真事][校園][純愛]《兩個我加一個妳》

多謝兩位巴打

有傾下計咁囉

第三十章
第二朝返到去

其實所謂嘅文化節，

個模式都有啲似攤位遊戲

十幾個人一組

有啲落力啲嘅，

就周圍去叫人過嚟

有啲懶啲嘅

就企定定喺某一個位嗰度

有人行過就叫佢去邊度邊度

有啲最懶嘅，

就梗係好似我同Cyrus咁

就連叫都唔叫

坐定定喺個攤位度

Cyrus:「真係好舒服 」

我:「頂你咪咁大聲啦

一陣俾人聽到就大撚鑊 」

Cyrus:「驚閪咩

我地扮下野咪得囉 」

我:「點樣扮 」

Cyrus:「係咁咦講下

『快啲嚟呀快啲嚟呀』，

佢地唔覺嘅 」

跟住我同佢真係好無聊咁樣喺度叫

「快啲嚟呀快啲嚟呀。 ，

「埋嚟睇下啦 ，」

「和服呀和服呀 」，

果然跟住有人見到

就真係讚我地個落力

其中一個話事人:「你兩個好勤力喎 」

我:「梗係啦使你講 」

Cyrus:「我地呢啲算得上係咩呀

都係坐喺度叫兩聲，

你地要周圍走先辛苦

最衰我地唔係好識幫唔到手

唔好意思呀 」

其中一個話事人:「傻啦傻啦點會幫唔到手啫

你地坐喺度咁大聲叫啲人過嚟，

已經幫到好多喇

係呀miss買咗野飲


檸檬茶啱唔啱 」

我，Cyrus:「好呀唔該 」

結果我地就坐喺度一路飲住檸檬茶一路喺度吹水

真係太爽

當然都一路有叫啲人行過嚟啦

費事俾人捉黃腳雞啦

我:「頭先假撚到

講埋啲野都唔係人講

重喺度扮內疚 」

Cyrus:「唔通點呀

唔通話我地係唔郁架啦

夠薑就唔好要我地咁呀 」

我:「竟然重有得飲檸檬茶

一定係我地太勤力所以俾獎勵 」

Cyrus:「肯定係啦 」

跟住我同佢就喺度傾計同埋喺度笑

突然之間聽到有人叫我

原來芊靈過咗嚟

芊靈:「你真係識嘆

個個走晒出去，

你就坐喺度飲檸檬茶 」

我:「點解你會喺度架 」

芊靈:「頭先聽到有條友係咁喺度叫啲人過嚟

一聽就知係你把聲啦 」

我:「頂你嗰隻係咩耳嚟架 」

芊靈:「你把聲咁特別

一聽就認到啦 」

我:「過嚟有咩貴幹 」

芊靈:「呢個就係你地攤位呀 」

我:「唔好問我乜都唔知

我淨係負責看守大本營嘅啫 」

芊靈:「重好識走位添

坐喺度唔使曬兼且有得飲檸檬茶 」

跟住我就指住Cyrus

我:「佢都有飲架

唔好講到係我自己飲 」

芊靈:「得你一個揸住包野飮咋喎 」

我:「佢飲得快過我丫嘛 」

Cyrus:「係囉係囉真係唔應該

個個咁辛苦你就坐喺度飲野 」

芊靈:「咪係囉哈哈 」

我:「仆街啦

擺明係老師見到我咁勤力獎我啦 」

芊靈:「獨食難肥呀 」

我:「俾你飲喇重有一半 」

芊靈:「唔使喇有心 」

我:「咁你又行過嚟

擺到明你都係喺度hea啦

扮蟹 」

芊靈:「唔係喎

係佢地叫我周圍行下刺探敵情咋喎 」

我:「我實信你啦 」

芊靈:「我都實信你咁勤力啦 」

好死唔死跟住俾我班主任見到我地喺度吹水

班主任:「唔怪得壹仔(我班主任真係叫我做壹仔)你咁樂意坐喺度啦 」

我:「梗係啦我咁勤力 」

班主任:「咁勤力撩女仔呀嘛

芊靈你唔好理佢啫 」

芊靈:「知道喇miss 」

我:「你又識佢 」

芊靈:「早幾年miss佢教我架 」

班主任:「壹仔

我都知芊靈係靚女，

撩女仔唔緊要呀

但係要做野丫嘛 」

我:「真係有做呀

miss唔信你問下Cyrus 」

班主任:「你兩個同流合污

證供唔可信呀 」

跟住班主任就走咗，

芊靈:「傻仔

陣間放學門口等啦

拜拜 」

我:「走啦你 」

芊靈:「咩呀 」

我:「拜拜啫冇野呀 」

好甜

pish

係咩

多謝幫推

我唔想這一場美麗玩笑漂亮地觸礁

新歌
其中一個主角好鍾意呢位歌手
應該差唔多會講到

中學雞係咁

加速

鬥咀

唔知係咪我錯覺
今個故無以前嗰啲咁sweet

未到高潮姐

第三十一章
芊靈走咗之後

Cyrus:「進展幾快喎

你地陣間去邊呀 」

我:「冇

陣間同佢隻狗散步啫 」

Cyrus:「你幾時做咗佢隻狗 」

我:「屌

佢本身有隻狗嘅，

好撚過癮架 」

Cyrus:「頂原來佢本身有養狗架 」

我:「係呀

長毛臘腸 」

Cyrus:「醒喎你識用呢招同佢拉近距離 」

我:「嗰次傾開咁啱啫

跟住佢就問我一唔一齊去咯

唔通唔去呀 」

Cyrus:「你都有道理

咁重等咩呀

去馬啦 」

我:「佢話唔想再拍拖住喎

邊有得急

你啲線人有冇收到佢消息 」

Cyrus:「我啲線人契鳩弟嚟

唔係成日收到風 」

我:「真係冇撚用 」

Cyrus:「咪就係囉 」

傾完一輪之後我地就走得

咁我梗係即刻喺學校門口等芊靈

跟住我就醒起，

係喎頭先佢個樣好似好想飲檸檬茶

咁我就拿拿臨去飲品機嗰度買包檸檬茶

跟住收埋喺個衫袋度

陣間拎出嚟俾佢睇，

重唔嚇到佢含家產

等咗一陣跟住佢就出現

喺佢隔離重有佢啲friend

Michelle同埋一兩個女仔

芊靈:「咁快嘅 」

我:「梗係啦心急見你丫嘛 」

芊靈:「痴線你喺度講咩呀 」

跟住佢班friend聽到

就喺度wow wow

Michelle:「唔怪得你今日唔同我地食晏喇

原來約咗人 」

芊靈:「係你地約咗男朋友囉 」

朋友a:「你都係呀 」

芊靈:「喂呀 」

之後芊靈對住我講，

芊靈:「唔使理佢地呀

佢地成日都亂咁講 」

好彩一向都厚面皮

所以呢啲場面都唔尷尬

如果唔係真係死得

我都係嗰陣先知，

厚面皮都有用處

之後我地就離開咗學校

芊靈:「不如今日唔好搭巴士

慢慢行返去好冇 」

我:「我話唔好係咪唔行 」

芊靈:「今日啲天氣咁舒服，

同埋又唔係真係咁遠

行一日啦 」

我:「睇死你都係想行啦

我話唔想行你咪又係逼到我行 」

芊靈:「叻仔呀 」

我:「不過我都真係未試過行呢條路

天氣咁涼就行下啦 」

芊靈:「嗯 」

跟住行行下我就喺衫袋拎包檸檬茶出嚟，

芊靈:「點解你會有多包架 」

我:「買咪有囉 」

芊靈:「自私鬼啱啱飲完又飲 」

我:「邊個話我買俾自己飲 」

芊靈:「下 」

我:「俾你架

望 」

芊靈:「咁好死 」

我:「頭先見你牛咁眼望住

知你想飲啦 」

芊靈:「咁多謝喎 」

我:「其實我頭先想飲剩半包俾你

不過你知你幾麻煩

所以都係算啦

嘥幾蚊就嘥幾蚊。」

芊靈:「唔麻煩囉好冇 」

我:「明明我頭先飲緊嗰包可以俾你飲

你又唔飲 」

芊靈:「我先唔飲你口水尾丫 」

我:「痴線我本身冇病

成日食香口膠個口亦都唔臭

點解唔飲 」

芊靈:「飲你口水尾咪聽你講野

點知你會做啲乜 」

我:「小學雞 」

芊靈:「我好信架哈哈 」

我:「咁又係呀對住你真係乜都做得出 」

芊靈:「你個樣好衰呀

你想點呀 」

我:「你知我想點嘅 」

芊靈:「如果同你唔熟真係即刻走

好奸呀個樣 」

我:「明明我就咁善良

檸檬茶都請埋你重要咁話我 」

芊靈:「多謝你囉 」

諗返起我先發覺，

以前其實真係好簡單，

只係俾幾蚊

就可以見到我想見嘅野，

反而依家經濟能力好咗，

可以俾好多個幾蚊

但係就見唔到自己想睇嘅風景，

真係好諷刺。

今晚會再有多一章

中學雞

係咩
希望遲啲可以令你改觀

或者啦

係
可能因為今次個男主你以前嗰啲咁毒

以前其實真係好簡單，
只係俾幾蚊
就可以見到我想見嘅野，
反而依家經濟能力好咗，
可以俾好多個幾蚊
但係就見唔到自己想睇嘅風景

真 以前冇咁科技冇咁發達，簡簡單單已經好開心