[真人真事][校園][純愛]《兩個我加一個妳》

亦都好彩呢個活動原來唔多人揀



咁就順理成章入咗去啦



其實我原本想問芊靈嘅，



不過真係唔知點開口



同埋每次上到車佢淨係喺度同我估iq題



所以就一路都冇問到，



最衰佢又唔係同我同一班



冇得去偷睇佢



跟住落嚟嗰個禮拜二就開始呢個活動，



因為嗰日我放學就去咗樓下買包朱古力奶飲



所以就遲咗入去



一入到去班房，



就咁睇好似得四五個人



因為本身多活動揀



所以啲人其實分得散，



當然啦某幾個熱門活動會多啲人玩啦，



但係桌上遊戲呢啲活動就唔係熱門



所以就唔多人



跟住就出現奇景喇



因為我見到芊靈行咗入嚟



跟住同我視線對上咗



之後就坐我隔離，



芊靈:「你又係呢個學會呀 」



我:「唔係就唔坐喺度啦 」



芊靈:「問一句啫



有個識嘅點都好過冇 」



其實嗰陣我同佢嘅關係都勉強可以叫做係朋友



有時喺學校見到都會點一點頭



多數佢都會帶著微笑嘅



可能佢記得我話過我唔鍾意同人打招呼掛，



又或者其實係唔想叫我啫哈哈



邊度會記得呢啲咁無聊嘅野丫



不過人梗係鍾意諗啲自己鍾意諗嘅野架啦，



常情嚟嘅



我:「係呀



我班啲男仔走晒去打波、踢波同埋砌模型 」



芊靈:「你唔踢波嘅咩



我有時見到你喺學校踢下架 」



唔通我同你講我係想睇住你幾時走先至踢咩



呢啲野點可以俾人知



我:「比班仆街足球隊搶晒啦



好心佢地本身都係足球隊就唔好同我呢啲毒撚爭啦



早知一早去排隊 」



芊靈:「鬼叫你慢



哈哈 」



我:「唔使咁串嘅



咁你又嚟呢度



唔係話啲女仔個個去晒家政嗰邊咩 」



芊靈:「我唔鍾意喺學校煮野食呀



miss好多限制 」



我:「係咪驚你喺度整毒藥 」



芊靈:「有得整我實整俾你食



唔使咁擔心 」



我:「屌



佢唔係淨係得煮野架嘛下話 」



芊靈:「我唔識裁縫架



一樣唔鍾意一樣唔識咁我咪唔參加家政囉



喺度捉棋輕鬆啲哈哈 」



我:「你識嘅咩 」



芊靈:「你真係睇少我 」



我:「波子棋制唔制 」



芊靈:「你大鑊喇我最叻就係波子棋 」



我:「輸咗請野飲



玩唔玩 」



芊靈:「梗係玩啦



反正都係你請 」



我:「就剝你棚牙 」

芊靈好似對男主已經有少少feel

發展得幾好

開始有甜

芊靈:「有得整我實整俾你食

唔知遲啲有冇機會發生呢

今個故嘅女主角有一個特徵同之前嗰啲女主角好唔同
跟住落嚟應該會留意到

還可以啦

睇埋落去

整毒藥嘅話到時就sad ending

聽日

唔整應該都會sad ending

拭目以待

唔通係收兵

去到中後段就知

又唔係
嗰個特徵又冇話係好與唔好

好似啱啱先開咗個頭
仲要呢個故係長故

多謝巴打幫推

我自己估啫
應該會長過上次嗰個
希望每日出到文

加油 十卜你

推到出文

之後我同佢就喺度玩波子棋

講起上嚟原來芊靈真係幾勁

睇得出唔係亂咁跳

不過我點講都係由細玩到大

又點會輸俾一個女仔

所以第一鋪我贏咗

我:「搞掂喇 」

芊靈:「點解你咁勁架 」

我:「其實你都好叻架喇

對手太勁啫

唔係你問題嚟嘅

多謝你杯野飲 」

芊靈:「等陣先呀 」

我:「做咩呀 」

芊靈:「三盤兩勝喎 」

我:「你條友咁賤格

依家先嚟講 」

芊靈:「頭先有講呀

你聽唔到咋嘛 」

我:「頂你用埋啲狗招

好就聽你講，

睇下你輸多鋪有咩藉口 」

芊靈:「你真係好人啫 」

結果第二鋪都係我贏啦

芊靈:「搞錯呀唔讓人嘅 」

我:「讓下讓下就讓埋杯野飲

同埋其實我有讓架喇

都重係有啲啲差距 」

芊靈:「好願賭服輸

話咗請你飲就請你飲 」

我:「多謝喎芊靈姐 」

芊靈:「唔好咁串下次實贏返你

呢杯野飮俾你袋住先咋 」

我:「不如咁啦，

既然你叫我袋住先

最多呢杯買完返嚟我唔飲

擺喺度一個禮拜，

跟住俾返你好冇

講明先我係唔會雪 」

芊靈:「唔要呀

一定唔好飲嘅 」

我:「又係你話袋住先 」

芊靈:「我地逢禮拜二禮拜四都會喺度，

後日再玩過咪得

行啦無聊鬼 」

我:「嗯 」