[真人真事][校園][純愛]《兩個我加一個妳》

等左成年終於有文

等咗好耐啦

咁誇張呀

好耐冇見呀巴打
希望繼續支持小弟

之前仲係CD-rom嘅時候已經追緊你啲故
咁而家梗係要入黎支持下啦

LM

第七章
跟住我就喺後面慢慢跟住佢地

直至去到一個分岔口，

佢個朋友就去咗商場嗰邊

而佢就行去巴士站個方向

咁我當然係行去巴士站啦，

係咪好痴線

我都唔否認嘅

不過有時有啲人就係咁，

我唔係將自己呢個舉動合理化

但係當你試過好想見一個人又成日都見唔到嘅話，

就會不自覺喺度諗埋啲非常手段去見

我正正係呢個階段

講返當時先，

果然冇估錯，

佢真係搭返之前嗰架巴士

不過嗰陣架巴士就未嚟，

咁佢就梗係喺度排隊啦

呢個時候我又見唔到有其他人排呢條隊，

咁我就二話不說排佢後面

跟住佢可能feel到後面有人，

就擰轉頭望住我，

跟住就好驚訝咁樣

咁我就扮晒野話「你好」啦

嗰個女仔:「又見到你嘅 」

我心諗其實冇咩出奇啫

我又唔係啲乜野通緝犯

放學搭巴士根本係平凡到唔平凡

我:「我搭巴士咪見到我囉 」

嗰個女仔:「喂係喇

快啲開估呀 」

我:「開估啲乜 」

嗰個女仔:「上次你條iq題

邊個區成日水浸嗰條呀，

莫非你未諗到哈哈 」

我:「痴線點會未諗

你都要估先得架

咁快開估邊度好玩 」

嗰個女仔:「其實我真係有諗

車嚟喇上到去先講你知，

一定啱 」

講完之後佢重單一單眼，

呢個樣真係冇得頂

真係好少見到一個女仔我係覺得咁靚

同埋亦都好似好平易近人，

你話我ff都係咁講

雖然真係同佢唔算係好熟，

起碼第一印象比我感覺係咁先啦，

你知你啲靚女恃住自己靚啲，

就喺度鬆毛鬆翼

呢個女仔真係清泉

我係主觀架喇，

吹呀

上到去佢坐返之前嗰個位

亦都因為我呢架巴士次次都係唔多人坐，

特別係上層，

所以成日都大把吉位任人揀

之後我梗係順理成章坐佢隔離啦

咁樣證明我放學留喺度踢咗個零鐘波而冇返去打aoe，

係絕對值得

投資正確呀

我:「又話一定啱

講嚟聽下先

我就唔信你諗到

問過咁多人都冇人答到 」

嗰個女仔:「係真唔係呀 」

我:「梗係啦我自己諗

搵唔到答案架喇

快啲講嚟聽下 」

嗰個女仔:「九龍塘

因為狗仔同埋龍成日都去嗰度玩水塘，

咁咪水浸囉 」

如果係男仔咁同我講，

一定問佢瞓撚醒未

21世紀重喺度講龍

戇鳩仔有樣睇

不過係靚女就梗係話可愛啦

係雙重標準架喇

不過當然我冇當面讚佢可愛，

咁咪成個狗公咁樣

雖然嚴格嚟講我都係

我:「呢個係咩答案

梗係唔啱啦 」

嗰個女仔:「點會唔啱呀 」

我:「我嗰個好過你

你搵到條龍出嚟我就信你 」

放心嗰陣未出巨龍呢個term(應該係)，

所以各位唔使諗錯隔離

嗰個女仔:「我知喇

係牛頭角

因為牛唔飲水唔撳得牛頭低 」

我:「搞錯呀係咩答案嚟 」

嗰個女仔:「其實我都知好牽強

不過諗住博懵哈哈

咁樣究竟個答案係乜 」

我:「九龍灣 」

嗰個女仔:「點解唔係九龍塘呀

水塘啲水點都多過灣啦 」

我:「梗係唔關事啦 」

嗰個女仔:「解釋呀 」

我:「你知唔知九龍灣有啲乜 」

嗰個女仔:「megabox，德福囉 」

我:「重有一個商場呢 」

嗰個女仔:「淘大 」

我:「你講中咗 」

嗰個女仔:「關淘大咩事 」

我:「陶大宇呀，

哈哈哈哈哈 」

唔好意思我又要扮阮兆祥

請各位體諒

嗰個女仔:「好無聊呀 」

我:「無聊你又笑 」

嗰個女仔:「其實原本想忍住唔笑

但係聽你啲聲真係忍唔到

真係太好笑

唔好再笑呀 」

我:「笑到咁即係服啦 」

嗰個女仔:「我認輸喇嘻嘻 」

我:「話說你邊班 」

梗係乘機問佢邊班啦，

我做咁多無聊野，

無非都係想了解佢多啲啫

嗰個女仔:「唔·話·俾·你·知

除非有多條iq題，

而我又答唔到

咁就考慮下 」

我:「咁你講定都得

我真係有第二條 」

嗰個女仔:「唔係呀話你講真架

點解你成日有咁多我未聽過嘅iq題 」

我:「我個樣似吹水咩 」

嗰個女仔:「似 」

我:「搞錯呀你都唔配合劇情嘅 」

嗰個女仔:「嘻嘻

有條件呀，

如果我估到咁就到你講你咩班 」

我:「驚都未驚過

因為你一定估唔到 」

嗰個女仔:「睇下點 」

我:「打邊爐嗰陣，

有一樣食物唔可以淥落去(各位放心唔係淥死誰手)

知唔知係邊種 」

嗰個女仔:「簡單啦 」

我:「下次見到嗰陣開估，

你等住講啦

事關我依家要落車喇 」

嗰個女仔:「你等住講先真

今次實估到 」



「唔係呀話你講真架，

點解你成日有咁多我未聽過嘅iq題。」



唔通我同你講

我為咗撩你傾計，

日日喺度諗咩，

的而且確男仔就係咁無聊

為咗氹到自己想氹嘅人哈哈大笑，

再低b嘅方法都會做

好幸運咁樣我係成功嗰個。

多謝巴打你

好耐冇見

留名
follow咗果然有用

遲咗留名
btw 巴打有無得分享下其他主角嘅近況
包括你自己

係咪出前一丁
碌丁

依排成日翻睇你啲故 係紙言一見你個名就狗衝入嚟 有故仔追有返啲寄託

多謝你支持

好耐冇見呀巴打
我自己就冇乜特別
呀行聽日正式做老襯
今晚我地成班會同佢食飯傾下計咁樣
所以今晚應該要遲啲先有文
一陣喺公司打多啲先

唔係

多謝你支持

聽日
代我講聲恭喜哂

循例講句勿相認
佢地多謝咁多位
聽日都可能要手機出文

好故留名

留名先

多謝巴打支持

多謝絲打支持
我都有睇你個故
我呢個故用字同埋文筆肯定冇你嗰個咁靚
多多包涵