[真人真事][校園][純愛]《兩個我加一個妳》

我睇咩故都好投入

係咪樓主嗰個年代嘅女神先無咁注重男性嘅外在美

多謝

真心壹仔唔錯
同埋佢話佢自己面皮厚

壹仔係咪好靚仔

唔錯架
白白淨淨
利申唔係gay

聽落幾正咁

你咁嘅表情即係

多謝巴打幫推

live

等出文

執緊好快出

第二十章
跟住我地就近距離睇Michelle跑

芊靈:「一齊打氣啦 」

我:「好

我話唔打你條友咪喺度煩 」

芊靈:「你真係醒嘅啫 」

我:「加油加油 」

芊靈:「咁hea架 」

我:「不知幾認真

加油跑快啲 」

芊靈:「起步喇 」

睇唔出原來Michelle真係幾鬼快

最後跑第二輸少少

睇外表睇唔出添

因為佢望落去唔係運動型嗰種

即係唔係典型嗰啲古銅色肌膚，

手腳出晒肌肉呢啲

當然身型係修長嘅

至於靚唔靚就

我覺得芊靈靚啲囉哈哈

所以問我都冇乜說服力

因為我一定答芊靈嘅

講開又講

芊靈極度落力打氣，

投入過我好多

我:「你個friend幾勁喎

竟然輸少少 」

芊靈:「係呀 」

我:「老老實實你係咪有份賭外圍

竟然咁落力打氣 」

芊靈:「所以話你個腦都唔知裝乜野

點會聯想到呢啲野架 」

我:「買咗幾大啫 」

芊靈:「不如買起你先好冇 」

我:「好呀好呀我唔拘呀

我識去廁所，

又識做家務

重要唔使高消費娛樂

快啲買起我啦 」

可能佢都知講呢啲野尷尬

塊面都紅埋

我:「點呀

唔係話要買起我咩 」

芊靈:「死人頭又喺度整蠱人 」

我:「你自己講邊個整蠱你 」

之後佢就走咗，

咁我梗係二仔底跟住佢

原來佢去搵Michelle

芊靈:「好勁呀 」

Michelle:「哈哈好彩啫 」

我:「唔係講笑你真係幾快

分分鐘我同你跑都輸 」

Michelle:「係真唔係呀 」

我:「講堅 」

之後原來Michelle又要準備跑接力

所以就唔返上去喇

喺運動場hea一陣就算

佢有個地方係俾準備跑嗰啲人休息嘅，

我同芊靈自然唔入得去啦

芊靈:「係喎點解你唔玩嘅 」

我:「講真落到去都係做炮灰

班田徑隊日日喺度練跑，

我就連巴士都追唔到

獻醜不如藏拙 」

芊靈:「竟然係咁

我重以為你又喺度作大添

講到自己幾勁幾勁 」

我:「我點會係啲咁嘅人呢

啲人成日都話我誠懇 」

芊靈:「唔係下話嗰條友收咗幾多錢 」

我:「講心唔講金嘅 」

芊靈:「無聊鬼

上返去坐啦

我都係今日先知原來你都係紅社 」

我:「好你話點就點囉 」

上返去看台嗰邊

先發覺原來都幾多空位

因為原來我地嗰個社好q多運動健將

咁我地就話不如坐高啲傾計啦

講起上嚟我同佢喺巴士傾計就傾得多，

喺運動場就真係第一次

其實冇乜特別嘅，

都係講下咁解啫

我:「幾有興趣你有養狗呢個話題 」

芊靈:「有咩咁出奇

唔可以養狗嘅咩 」

我:「買架 」

芊靈:「唔係呀領養返嚟架

嗰陣佢得五個月大

話佢原本俾佢主人遺棄咗，

跟住拎咗去動物協會，

咁樣嗰陣本身諗住養隻狗

經過見到佢好似好慘咁樣

咁咪領養囉

同埋本身想養一啲體型細啲嘅狗

樣樣條件都好夾 」

我:「仔定女嚟架 」

芊靈:「男仔 」

我:「原來真係狗公 」

芊靈:「無聊鬼你又諗咗去邊 」

我:「你諗去邊我咪諗去邊囉 」

芊靈:「唔知你喎 」

我:「我都唔知呀 」

芊靈:「有時我都唔明白點解咁得意都棄養 」

我:「係囉 」

芊靈:「養唔到咪唔好養囉

一條生命嚟，

話養就養話唔要就唔要 」

我:「睇嚟你好錫佢 」

芊靈:「係架哈哈

成日同佢傾計 」

我:「佢會明你講咩 」

芊靈:「其實明知唔會

不過唔知點解講慣咗哈哈，

一見佢平時喺度R野食就覺得好好笑

係咁拂尾，

對眼又碌大望住你

同埋對住佢講有樣野好，

就係一定唔會出賣你先

佢又扮到好似知道咩事咁樣，

好搞笑 」

我:「我都明

其實以前我都係好鍾意同我隻狗傾計

學你話齋明知佢唔會聽得明，

但就係會同佢講 」

芊靈:「你又有養

咁我地可以一齊散步喎

我隻狗好乖唔會咬人亦都唔會咬其他狗 」

我:「年半前死咗嚕 」

芊靈:「唔好意思呀

唔知你咁樣添 」

我:「冇野啦

不過唔會再養咁解

接受唔到死嗰下，

可能我對於生與死都重係好水皮 」

芊靈:「其實我都有驚過呢個問題

不過有時覺得又諗唔到咁多嘅，

唯有盡量珍惜同佢相處嘅時間

始終今日真係唔知聽日事，

咁你嗰陣咪好唔開心

係咁爆喊囉 」

我:「話冇就呃你啦

有時夜闌人靜你會諗多啲囉，

不過狗死不能復生

唔通真係日日喊住咩 」

芊靈:「um

你都幾犀利 」

我:「唔使擦我鞋 」

芊靈:「真心話呀

你又諗得咁衰 」

我:「有咩要求啫 」

芊靈:「死人頭你真係

係都要諗到我咁衰 」

我:「又唔好咁樣話自己 」

芊靈:「不過咁

下次同唔同我隻狗一齊散步

我屋企有多條狗繩，

可以拖埋你哈哈 」

我:「不如我拖住你好冇 」

芊靈:「乜依家啲狗咁犀利咩

識拖返住個人 」

我:「咁就問要你

你熟啲 」

芊靈:「一係咁囉

見你都唔算好曳，

唔洗狗繩拖住我諗都ok嘅 」

我:「咁我要捉實你喇 」

芊靈:「點樣捉實 」

我:「捉實你對手好冇 」

芊靈:「唔好

狗仔你隻手有冇咁長呀 」

我:「我隻手梗係冇咁長

不過小姐你矮丫嘛 」

芊靈:「死人頭又玩人 」

我:「你係真先好呀 」

芊靈:「放心啦我每個禮拜都會帶佢落去

原本想帶佢落多啲去嘅，

點知原來佢都係好懶

落到去成日都唔願行

之後就改咗一個禮拜一次 」

我:「咁你得就叫我啦 」

芊靈:「你唔好得個講字呀 」

就係咁，

去到最後望返轉頭，

我都估唔到以前我係因為一隻狗，

而成功同芊靈拉近距離

有時有啲野真係好莫名其妙

契機永遠都係咁意想不到。

啲青春回憶返晒黎

我:「不如我拖住你好冇 」

好sweet

講到好曖昧

多謝你支持
咩回憶呀

好sweet

講到好曖昧

佢地傾計個模式係咁

中學試過好鐘意一個男同事 由暗戀變成明戀
最後都係得唔到佢

加速

犯晒規啦，講啲咁嘅嘢
好sweet

原來係絲打
暗戀變成明戀咁特別
你地依家點呀