[真人真事][校園][純愛]《兩個我加一個妳》

加油啦
冇咩可以同你講

有咩想分享就分享

幾時有文

食埋飯打
九月左右

九月未下年先有得睇

唔好意思打錯
九點先啱

第十九章
跟住我同佢就去排隊買野食啦

芊靈:「買完之後落去運動場食好唔好

順便可以近距離打氣 」

我:「乜可以買落去食嘅咩 」

芊靈:「同prefect講兩句就得啦 」

我:「屌你原來踩界 」

人緣好真係人緣好

靚女係有著數啲

你諗下中學運動會都已經咁黑暗

出到嚟就更加

唉

咁買完之後我同佢就落咗去運動場

頂你個prefect任由佢揸住袋野食自出自入

重要係望住佢同佢傾計

傾兩句就搞掂，

正一仆街仔

我:「冇吹水喎真係得 」

芊靈:「佢易話為啫 」

我:「係咪狗公嚟 」

芊靈:「唔好咁話人啦 」

我:「講事實

有乜理由你得我唔得 」

芊靈:「咁你要檢討下喇 」

我:「靚女天生有著數

冇計啦 」

芊靈:「咁好口係咪想食野 」

我:「幾時都話你醒目

係估iq題水皮 」

芊靈:「唔好話你嗰啲iq題騎呢到冇得再騎呢 」

我:「騎呢你又估

騎呢你又笑 」

芊靈:「咁又真係幾好笑嘅

特別係你啲笑聲 」

我:「哈哈哈哈哈，

係咪咁呀 」

芊靈:「停呀唔好再笑呀 」

我:「哈哈哈哈哈。」

芊靈:「好辛苦呀 」

跟住我同佢兩條友就好無聊咁樣喺度笑

其實都唔知有咩咁好笑

只係我笑跟住佢又跟住笑，

我見到佢笑我又喺度笑

依家諗返起都幾無厘頭

我:「啲人望住喇 」

芊靈:「係呀係呀望住我地呀

最衰都係你無啦啦喺度笑 」

我:「痴線又關我事 」

芊靈:「唔係你笑我一定唔會笑 」

我:「真係 」

芊靈:「係。」

我:「真係 」

芊靈:「唔好再喺度碌大對眼望住我

問幾多次我都係咁樣答 」

我:「我見啲人話睇佢眼神有冇動搖

就知佢有冇講大話 」

芊靈:「乜係咁嘅咩 」

梗係唔係啦，

如果我唔係咁樣講，

我又點可以光明正大望住你呢

跟住就喺下面睇

老實講本身對跑步真係唔係有特別大興趣

我知有啲人話，

咁近距離睇唔會好震撼咩

唔好意思我又真係冇

同埋其實我落嚟都係陪芊靈啫，

佢話想同佢個friend打氣

亦即係之前講過嘅Michelle

我:「你同佢識咗好耐呀 」

芊靈:「中一識到依家喇 」

我:「竟然keep到咁耐 」

芊靈:「咩叫竟然 」

我:「冇

你知啦好多人都話女仔友誼極度飄忽，

鍾意就攬頭攬頸

反起面上嚟一日就得 」

芊靈:「都唔知你喺邊度聽埋啲咁嘅野

可能我同佢唔係啦 」

我:「或者啦 」

芊靈:「你唔覺嘅咩，

搵到一個同自己啱傾嘅人真係好正 」

我:「係呀 」

芊靈:「嗰個化學反應真係得自己先明

唔係好識形容俾你聽

總之真係不得了 」

我:「特別係你同某個啱傾嘅人傾計

傾嘅內容係得嗰個人先領會到，

同其他人傾成日都牛頭唔搭馬嘴

又或者唔明個笑點 」

芊靈:「係呀係呀

今次你又傻唔晒嘻嘻 」

頭先我講嗰啲野真係唔係想取悅芊靈，

的而且確係真心認為

相信各位巴打絲打都有共鳴，

啱唔啱傾嘅人其實唔需要多，

一兩個就已經夠

總之大家都明嗰下，

真係好鬼正

又講完咗返返嚟先，

跟住我就見到Michelle嗰組就嚟跑，

芊靈極度大聲喺度幫佢打氣

好少見佢咁亢奮

芊靈:「加油加油Michelle 」

我:「你估你講一兩句加油佢就識飛咩

得嘅話就冇人練跑啦

個個淨係喺度叫就算啦 」

芊靈:「你條友真係掃興 」

跟住佢喺度扭我耳仔

好彩唔係好大力，

當然亦都係因為我唔係高佢好多

所以佢先扭到

我:「做乜無啦啦扭我耳仔 」

芊靈:「冇呀，

想扭囉 」

跟住我梗係報仇啦

扭返佢

原來佢耳仔幾柔軟

我:「扭丫嗱扭丫嗱 」

芊靈:「搞錯呀咁大力 」

我:「痴線明明你扭我大力咁多

重喺度詐諦 」

芊靈:「女仔你都恰

冇品 」

我:「男仔你都恰，

冇品 」

芊靈:「邊度有恰

啱啱我好似摸我隻狗仔咁樣摸你咋 」

我:「你有養狗架 」

芊靈:「有呀

長毛臘腸，

好得意架 」

條友一講起隻狗咁興奮

我:「好得意嘅咩 」

芊靈:「得意呀有機會帶俾你睇

放心啦佢好乖唔會咬人 」

我:「好

喂你個friend就嚟跑喇 」

芊靈:「係喎係喎 」

仲有冇啊
btw又係好甜

Live

一睇就諗返起中學溝女嘅事 真係好甜

好想返去中學啊

而家偶爾係放學時候見到班學生就好懷念

live

一齊撚狗

推呀
雖然中學都溝過幾條女 但都好快得手 （可能我食開平凡style 對靚女無咩吸引力
慢慢溝返黎既過程真係未享受過

聽日

多謝巴打支持

畢咗業好耐咩

啱啱畢業頭幾年都有呢個感覺

你又想一齊撚?

多謝巴打支持
巴打你曲線笑我呢啲毒撚

巴打我都係肥醜毒
有返把狗公口平衡返