春泥
2018-11-18 23:59:40
Chapter 125 男兒志
謝師宴散席,郭左杰等人提議唱K作為餘興節目,可是我以明天要上班為由婉拒。
姚智風道:「喂!難得今日咁人齊,唔好咁掃興啦!下次咁齊人都唔知要等到幾時喇。」
「我同你都仲係住喺石梨,以後大把機會啦!」
我拒絕姚智風的原因,除了明天要上班外,另一個原因是我要送布正麗回家。
我與布正麗一同乘搭小巴回石梨,我道:「宛琳珊係咁,妳又係咁,係咪個個女仔都會係謝師宴扮到鬼火咁靚出席?」
布正麗嗆道:「咁女人係咁架啦!依啲日子緊係要打扮下,你身上嗰套ARMANI咪又要成皮野。」
布正麗的回應,讓我感到有點尷尬,我轉移話題道:「係呢!妳份工做得慣唔慣啊?」
「啲野開始上手,都OK啊!」
我們沉默了一會,布正麗才道:「係呢!聽madam講,湯仲謀單案過幾日就要上庭,你準備成點啊?」
經布正麗提及,才記起數天後,我要出庭作證。
「依啲野都係講返當時嘅情況,唔駛點特別去準備嘅!」
下車後,我打算送布正麗回家,布正麗道:「唔駛啦!我老豆會嚟接我架喇!」
我看見布正麗的爸爸在車站,想起那次她爸爸以為我佔了她便宜的事情,不禁覺得好笑。
「哦!咁好啦!再見。」
我轉身離去,布正麗從後喊道:「成皇志!」
我別過頭回望,有點奇怪地打量著她。
布正麗問道:「頭先你話依兩年入面,認識到好嘅人,我係咪其中一個好人啊?」
我聞言笑了笑地點頭,道:「係啊!我好慶幸認識到妳啊!」
布正麗笑道:「我都一樣啊!」
(待續)