(校園、穿越、奇幻)今年我三十三歲,回到了1998年(真係結局喇)

推

咁你自己想唔想先?

推

推呀

歐國盃完結後，我把戶口的所有存款都提取出來，然後相約房侍農到東方文華慶祝。

房侍農打量了四周一眼，道：「嘩！阿志，東方文華我平時聽就聽得多，但係我咁大個仔先係第一次嚟。」

「其實我都係第一次嚟依到食飯，難得贏錢，緊係對自己好啲啦！」

房侍農悄聲道：「總共贏咗幾多錢啊？」

我把一個重甸甸的公文袋遞給房侍農，道：「始終賭錢贏返嚟嘅係偏財，我捐咗部分出去，依份你嘅。」

房侍農打開了公文袋點算鈔票，道：「四十萬？」

我以為房侍農懷疑我中飽私囊，我立時澄清道：「我同你一人拎一萬出嚟，最後贏咗八十八萬幾，啲零頭我捐咗出去，八十萬對分，每人四十萬，你唔信，我可以畀返戶口記錄同啲捐款單你睇架？」

房侍農笑道：「我幾時有話唔信你，我係話你好似陳刀仔咁叻仔，只係一個禮拜多啲，就將兩萬蚊變成八十幾萬。」

「咁依層佢叻過我，佢用二十蚊就贏到二千五百萬。」

房侍農有點擔憂道：「阿志，我都係攞住兩萬先，其他錢擺住喺你到先，我驚madam佢知道咗我賭錢，會唔高興啊！」

「吓！咁大筆錢擺喺我到？咪喇！靜間食完飯，你同我一齊去銀行入番啲錢落戶口，我驚畀人老笠啊！」

待續

如果無輸30個
呢度會有千幾萬
會唔會提早完故

其實房侍農係咪知大鳩志輸清光 先再俾錢佢去試下

其實我們當中，一而再再而三犯錯嘅人應該唔少，成皇志可以咁快振作同埋汲取教訓，其實都算好好

2000年嘅八十萬係咪差唔多可以買樓？

買到

北區 屯元天 唐樓 好多選擇

搞生意 運水貨

all In QQ 都夠啦

正常返咪幾好
係要輸過先知道要小心

輸左都仲有人幫佢翻身先好

03 年炒口罩，板藍根，fat fat 囉

即刻80萬full pay 買咗樓先
再按樓借錢搞生意
或者玩收息

緊係2002世界盃
買法國對家盤同買泡國

無文
早抖

早抖

樓主，有一日我睇到你呢post，我廢枕忘餐係紙言由頭到尾追左幾日到今日，吊書癮好辛苦，希望你出快d!!
btw 寫得好好!!樓主加油!!

無文 早抖