而家所謂鍍膜舖咁多,千幾銀又有成皮野既都有,十鳩幾層鍍膜又有 ,好多間都比人鬧過,良莠不齊,唔想比人呃就要識多啲,真係想做翻好呢行既風氣
直接啲大家都想知
1, 鍍膜點先叫做得好?
鍍膜施工好唔好主要睇兩樣 , 首先係漆面既處理,研磨拋光,第二當然係鍍膜本身既質素
研磨呢部份好重要,要做得好,令漆面光滑,鍍膜先可以附係漆面上,鍍膜既功效先發揮到亦可以維持得更耐。更重要,清除花痕及污積,咁鍍膜後就唔會顯露出漆面既瑕疵,如果唔係會好顯眼。至於拋光,可以帶回車漆既光澤同顏色,做出鏡面的效果。
以上步驟都要用打蠟機去打,用手搽又得唔得?我用例子去答你,打蠟機最少一分鐘幾千轉,加藤鷹隻手都唔得啦
第二講解一下鍍膜,鍍膜好多種,出面好多都賣硬既,9H 10H 12H 乜都有,其實H係講緊鉛筆硬度,指被幾H鉛筆畫過都冇事既意思,並唔係咩莫氏硬度,同鑽石一樣硬。
硬既鍍膜可以對抗行車時外來物的物理性傷害,但如果唔好既料,佢雖然硬,但如果份子排列較薄,反而會好易剝落,好既料就唔會。軟性鍍膜主要對抗天然的傷害,如紫外光及高温,呢啲功能當然硬性鍍膜普遍都會有。
撥水性方面,主要分撥水同親水,撥水性的水珠接觸角度較高,水落到漆面就會把上流走,打理起來如洗車時更方便。親水性就需要較多水珠集合起來才可以流走,但可以帶走更多污染物,但普遍唔耐久。
2,施工唔好會點
見過有啲車身仲有一個個打蠟既圈,啲膠件打蠟打白左,上鍍膜上到一撻撻,乜都有
唔好得我講,大家仲有咩想知或者問我會再答