上面幾張圖係我地用左六個月開發既遊戲Raid of Regions，係一隻嘗試將「運氣/隨機」既影響減到最低既多人混戰射擊遊戲，可以理解成係一隻以「情報戰」為主，改左大部份玩法，而且加入埋一啲戰術Gadget既大逃殺遊戲。詳情會放喺2樓，歡迎大家睇下，都會解釋埋遊戲既獨特之處同埋同現時大逃殺類型遊戲既分別。
係前幾日我地亦都將依個遊戲放左上Kickstarter，希望可以用籌得既錢黎加入更多我地原先想做既要素，例如係更好既聲音畫面同埋香港既地圖。不過值得一提既係，就算籌唔到既話其實我地都會照樣係年尾放上steam行early access，同埋經過半年以上既開發時間，有不少既功能我地都已經開發左。KS條片都係用in-game footage 黎拍，個遊戲已經大致成形，所以絕對唔係啲咩眾籌騙局。
我地現時都係半職工作（半日係各自公司工作，夜晚翻到屋企就繼續整game），只係憑著一點點既熱血支持落去。 如果我地可以眾籌成功，我地就可以全職工作，投身落去整game，創造更好遊戲體驗。
如果大家有咩意見或者問題，都歡迎大家留言提出，甚至係動漫節過黎搵我地傾下計。
好似幾好
