進擊的巨人 105 凶彈 中文 集中討論

萊納想做榮譽馬萊人係希望老豆老母團聚，彌補自己負累老母既愧疚

但係假碧係真心想做馬萊人，覺得做戰士好威，做榮譽馬萊人真係有榮譽，係兩回事

點都好，萊納細個被洗腦係好傻鳩好剋人憎同假碧剋人憎根本冇衝突，唔通a剋人憎，就會顯得b冇咁可惡咩

講左好多次 賈碧今年幾多歲呀
細個已經比人洗腦既話可以點
好似吉克咁大個之後反CUP馬萊咩
莎夏死左大把人都好心痛
但點解講到對於賈碧就乜事都無發生咁
佢咪又係死左2個摯友

同埋如果你地認為打仗之中 過程必須符合道德 唔可以用陰險手段既話 咁艾倫萊納都一樣係仆街黎咋喎

睇返102話19頁,莎莎見到手無寸鐵的加碧但無射佢
104期的調查兵圑 唔同 弗洛可的調查兵圑 的價值觀

另外
想知加碧點先可以從洗腦的生活中清醒??
法爾可都係聽到艾倫同萊納的對話先開始醒

所以嘉碧一上船認返莎莎先射佢先瓜....

讀者用住上帝視覺 屌啲角色嘅行為思想真係好反智
大佬你唔代入佢立場黎諗 咁緊係你啱哂佢錯哂㗎
話咩識諗嘅話就知跟住馬萊無出路 屌佢地如果要做反唔止自己無得屈係收容所 係冚家都要打把
到時自己同屋企人都保唔住 仲點幫艾爾迪亞人？
佢地作為馬萊嘅戰士後補生 幫馬萊有咩出奇
離撚哂地

繼承鎧巨
睇到記憶之後應該會好衝擊 原來世界同自己一直以黎嘅信念有咁大衝突

見到吉克叛變已經夠衝擊

跟艾倫上埋島應該成個人唔同哂

我表達唔好,唉
句野係反問
我想講加碧一直都無接近真相的機會(唔知有無記漏,如有請補)
我理解佢被洗腦先咁,所以我無大家咁憎佢

如果巨人用馬萊篇做第一話
應該會當阿倫係破牆的超巨,再展開復仇的連鎖

btw thx解答

鳩估下回袁生回顧 講佢點做25

反而想知法爾可依家咩諗法
聽到哂艾倫周萊納對話
依家仲見到吉克做25仔

其實憎gabbge有咩問題？
如果你覺得佢殺白薯係因為對佢黎講
島民係殺佢朋友親戚既兇手所以憎島民而殺人係合理
咁佢殺左我地鐘意既角色
我地憎佢都合理

有人話有問題唔比你憎賈碧咩
多人憎就證明諫山創成功左啦
艾倫同萊納做嘅嘢本質惡劣過賈碧好多
但讀者已經代入哂落牆內主角個角色到
所以憎佢係合理

老老柒柒
萊納已經受緊佢親手造下嘅罪孽所折磨
艾倫就講撚到明唔會有好下場

咁garbage呢

單純咁憎無問題啊 主觀情感上呢個人一啲都唔討好 就同以前嘅艾撚差唔多
只係覺得用好多好多離地論據反復證明佢係仆街 用一種「所有艾爾迪亞人都俾佢搞彎哂」嘅論調去指責戰爭中其中一方嘅戰士 我就覺得咁好撚無謂
打緊仗 同人講咩道德 贏咗就有道德

萊納一向剋人憎，n期之前已經係咁屌佢死唔去冇天理，諫山亦唔見得係幫佢洗白，佢一向中立敍事，帶出唏噓無奈為主要目的，好似凱尼咁，下場仍然係慘，該仆街既仆街，唔該仆街既偶然會仆街，無論個角色背景係點，都係同故事服務

而艾倫反而唔惡劣，殺平民？屌佢老味邊個攪人先，唔好同我講戰爭唔會死人，我認同上面有巴打講打仗用卑鄙手段係冇問題

假碧最仆街係被洗腦到冇哂自我判斷，呢點同萊納比係好唔同，萊納本身係一個軟弱善良既人，做戰士為老母，破牆係人格承受唔到因為自己而犧牲左隊友而分裂，雖然唔係咩藉口，佢軟弱都係仆街架啦，假碧同佢兩個仆街形式唔一樣，亦唔見得諫山日後會幫假碧洗白，唔好用普通寫法以為佢會用假碧洗白帶出互相理解既角度去睇佢

萊納其實都重有自己嘅思考喺入面 雖然正確與否就見仁見智

佢堅持要執行計劃一嚟係求自保 二嚟係想保住佢老母個地位

是為小義

我完全唔否定小義 亦唔覺得為大義犧牲小義係高尚嘅行為 所以萊納以做孝順仔為動機嘅舉措可唔可恨 就見仁見智

假碧同阿撚既最大分別係邊個先係對佢衰都分唔到，馬萊人高佢一等，榮譽由馬來人施捨，為馬來人盡忠係深植左佢個腦，阿撚一直憑自己意願行事，佢睇清每一個勢力，唔好將假碧同阿撚混為一談，背景完全唔同

上咩帝思維，濫用呢d詞唔見得有point

大把順從既艾爾迪亞人一向知馬來對佢地係仆街，包括車力同顎都明呢個道理，漫畫講到明有演出黎，我講返漫畫有講既野都上帝視角？

賈碧=入青少年軍既香港細路
以為自己做緊榮譽中國人,實際上做緊賣國賊而不自知