香港拉麵集中交流區(4)

首先個湯唔係為你就咁飲
其次係個麵凍 爽口好多同埋可以食得快好多
又唔會俾湯浸淋

個人偏好啦， 我本人對於個麵爽唔爽， 淋唔淋唔係好介意。 我淨係鍾意食麵個時湯要掛麵， 食到個湯既味。 沾麵就咁點下就好難做到呢樣野。

你都係食過一間
食多幾間先啦 淨係賣沾麵係海老名定隱家

學倪匡話齋， 年紀大， 樣樣野quota 都有限 。 食左呢樣就食唔落第二樣。
食過唔啱食就算。

本身個湯都唔熱
最尾似食冷麵咁

個人黎講，幾鐘意係葵芳嘅丸京

入面同外面都好撚臭
麵ok 但份量偏少

前幾日食完， 真係好撚臭 。 但係心諗咁遠黎到就試一次。 好似坐耐左會慢慢變得唔覺 （身體自然防禦機制 ）

講翻個麵， 好似得沾麵， 我叫做個蝦湯， 其實係幾好味既。 如果攞個個湯黎做湯麵我會好歡喜。不過好似上幾個post 講， 我個人唔係好鍾意食沾麵， 所以試一次就夠。

麵同湯係OK既， 但係個環境真係

香港沾麵我只會覺得周月係過到關，其餘就過日本啦
最簡單fing水都fing唔乾，仲要有舖頭竟然得熱麵熱湯
日本沾麵名店，例如道，真係做到麵條有小麥香、爽滑彈牙之餘，仲要好掛到湯

我要開名吊灣仔麵豉湯真武咲弥 （入面條靚仔）

利申： 麵係OK 既

之前食過， 餸會有一塊薄叉燒+2～3舊豚角（四四方方好似燒腩仔咁大既叉燒）， 尋日去食， 食完塊叉燒撩下撩下發覺無左2舊豚角， 叫左條4眼仔過黎話無豚角， 佢行開左一陣， 問下另一個靚仔， 之後走翻黎話我聽“賣晒”。

我望住佢， 佢又望住我。

“賣晒？”
“係呀， 賣晒”
“咁點呀？”
“唔好意思”

之後就行撚左去， 我望住佢呆撚左。

後尾埋完單， 我問個店長， 話我碗麵無豚角， 佢話執漏左， 咁即係唔係賣晒啦， 我話你條靚仔話賣晒架喎， 條死靚仔仲要駁嘴 “我地影出黎幅相都無豚角架啦”， 連個店長都啤撚住佢。 我之後吊9佢， 你賣晒係唔係應該換翻隻蛋或者叉燒俾我？ 唔撚係一句“賣晒”就無下文行撚左去掛， 吊撚到佢無聲出。

建議大家幫襯呢間要驗清楚貨。

食左呢間唔知咩山 , 係apm

d 汁好濃又夠味 , 麵質都幾好

不過最好味都係舊五花腩 , 但真係太少太少啦

埋單一舊水 , 之後去側邊食多個kfc 餐先夠飽

呢d 餐廳冇咩意思 , 味道唔錯但一舊水都食唔到一半飽 , 其實下次都係唔會再去

唔係想講乜
個碗都寫住係咩山
依間乜山好普通炸喎其實個人覺得

神山好似即係麵屋武藏

食過一次沾麵垃圾到極
完全係嘥錢

係wo , 寫住神山自己都冇留意

唔計價錢 , 你畀呢碗野我食我會好ok

舊五花腩唔柴夠味 , 大啖d , 每啖都肥膏連肉一齊咬d 入口 , 都幾正

不過一舊水得半個出前一丁咁既飽度 , 我就唔係幾接受到

女仔應該會夠飽 , 男仔最至少都加碟餃或者雞翼先好d , 不過會變到好重皮 , 拉麵又唔係幾值得$150左右食一餐

原來一樣架 ?

我食過麵屋 , 呢間神山好味好多wo

其實自己去食嘅感覺先係最真，成日聽人講黑龍一虎周月好正，自己又未試過，根本做唔到評價。
所以最近把心一橫去食，叫嘅嘢都係一樣
冷麵，中等份量
講真沾汁黑龍係數一數二，又濃又香，又掛湯
周月太油，又一味好似死咸咁，祗帶少少魚香味
但不得不讚周月個麵質，係香港屌打所有麵；反而黑龍個麵質同大門真係差唔多，純有蛋香味


黑龍


周月

我都覺得幾好

黑龍唔使排隊
周月要

隱家真係難食到仆街
食黑伝, 個陣蒜味濃到好似去打邊爐咁
食唔到其他味
最大問題係到第二日都係咁, 仲食口味精

TW間台風又係難食, 點解咁多人推介

個人黎講周月>黑龍>赤橋

有冇巴打試過米g蓮蔦？