好喇，一致公投西方國家邊個最強
你講整體國力定個體質素先
主要國家來講我覺得
整體國力：美>法>德>英>意
平均個人質素應該：德>法=北意>英=南意>美
法國排咁前
巴黎臭到仆街喎
嫁陣係比國力 唔係比衛生。
法軍應該係西方國家除美帝外最勁，世上有能力突破美航母戰鬥群嘅應該只有日本同法國。軍事科技陸海空論技術都一線，有同中國差唔多嘅核武能力，重點重工業水平歐洲第一，世界第二。你睇下Airbus，技術上應該排到世界第二同三，僅僅落後過外星人級數嘅Lockheed Martin。
農業上係大國，歐洲少有嘅糧食出口國，可自足。
金融上規模無英國咁大（因為高稅），但論人才體系水平都高，HEC Paris畢業生係倫敦隨時仲興香過LSE果d，而且brexit之後應該倫敦部分業務會轉去巴黎同法蘭克福，展望上樂觀。
外交上成個北非同西非都係佢勢力範圍，連美帝都唔敢插手西非。
而且法德軸心主導歐盟，基本上德國主內，法國主外。歐盟反美反俄反中嘅立場基本上係法國一貫外交政策嘅延續。經濟上歐羅有德國交持，德國馬克嘅信譽幫左法國好多。
藝術科學成就唔使講，美術音樂建築數學樣樣都唔錯。法文流通範圍僅次於英文。
德國受制於和平條約，無咩海外影響力。英國就成個英聯邦都俾美帝收編左，單獨海外影響力低。而且英國工業水平大不如前，thatcher之後工業政策都係去蕪存菁，留返少數重要產業，例如佢地斬哂成個航空制造業，主力做propulsion (Rolls Royce)，好處係做到一樣精品，但失去自主制造成架飛機嘅能力，變相好依賴全球產業鏈，搞到要睇人面色，你睇下大英帝國依嫁同歐洲反面，美國又唔想理佢，搞到要投共
所以毫無疑問法國綜合國力歐洲第一。
