【錯譯】
鬥雞呢,就有「芥肩」同「金距」兩招,《左傳》早有記載,不過我就未見過。有此我離開廣西,路經番禺終於見到。番禺人中意鬥雞呀,其他外國人都係。番禺出產既雞,係雞中之霸。番禺人養雞,又特別零舍唔同。開波嗰陣,各有招式,而周圍啲仆街就開賭,成棚人喺度hi 。
雞呢,毛要又疏又短、頭要又高又細,腳要直而大,身要瘦而長,眼要夠深眼皮要厚,步伐唔急,眼神要沉,剛毅又唔輕舉妄動,呆若木雞嗰啲呢,攞出黎就一定贏。
番禺人養雞呢,會將啲草編織做墩,擺隻雞上去,咁隻腳就會練到企得定。擺啲米上佢頭上面,令佢挺起胸膛,咁就會練到頭高嘴利。將雞冠上既纓毛剪走,咁敵雞就啄佢唔到。再剪就雞尾既毛,等佢落場轉身易啲。每日用羽毛攪入雞喉嚨,刷走雞口水先喂佢食米。又有啲人會用水噴佢兩翼咁訓練,各師各法啦。
到鬥啦,一定係死鬥架啦。勝負一分,就死一隻。因為雞一鬥輸左,就垂頭喪氣,成世都無撚用,煮左佢食算。不過,常勝既雞,都係好快玩完,日日搵命搏呀屌你。
一場鬥雞分三次,第一場鬥一陣,邊隻雞失利,主人就會抱佢抖抖,整走啲口水,同佢回下氣。
第二場如果另一隻雞失利,主人又會抱佢抖抖,好似第一次咁。
去到最後一場就黎真啦,兩邊主人都唔幫得手。一開打,就用「金距」互毆,打到無力就開始盤旋互啄。一下啄中,就死纏唔放,再用「距」打落去,咁就多數贏硬,主人就happy啦。
番禺人鬥雞,無咁簡單。以前讀書見到「芥肩」「金距」,以為班古人吹,點知班人真係做。「芥肩」呢,即係將啲wasabi 抹去雞膊頭度,當兩隻雞互啄既時候,啄左落wasabi度,咁敵雞就盲撚左啦,贏硬。
「金距」呢,即係將啲刀片,戴上雞爪度。當隻雞一揮既時候,雞頭都劈得甩呀。所以用「金距」就係想一開波就贏,用「芥肩」就為持久戰準備。咁仆街惡毒既野,夏、商、周既時候已經係咁。中國人係咁上下架啦。