重口味古人筆記 2

【注】

[1] 明經：借指官員。可參：https://zh.wikipedia.org/wiki/%E6%98%8E%E7%B6%93
[2] 貞元：唐德宗年號。
[3] 惡明：討厭光明。
[4] 頃：粵音「傾」。指好短時間。例如「頃刻」。
[5] 當心而住： 「當」，作動詞解，意思係「對住」，例如「門當戶對」。
「住」，作動詞解，意思係「停止」。例如「住手」「住口」。
全句解：啲紅色氣去到心口就停左。
[6] 幘：粵音「績」。解頭巾。《三國演義》：「孫堅披爛銀鎧，裹赤幘，橫古錠刀，騎花鬃馬。」型唔型？
[7] 聓：等同「婿」。古時專指女兒、妹妹及其他晚輩的丈夫。（恐妨有誤，希望有識者指正）
[8] 冥司：地府官員。
[9] 遽：粵音「懼」。解作驚慌急忙。
[10] 司命過人：「司命」即係地府官。「過」作名詞解，全句即係地府官而家審理人既過錯。
[11] 負門：負，作背負解。即係背對住門。
[12] 幞頭：都係解頭巾。
[13] 因拜之無數：「拜」可以指兩手扶地跪下磕頭。我既理解係佢跪低認錯就當無事。「無數」，有無聽過：俾你踢一下春袋當無數？（恐妨有誤，希望有識者指正）
[14] 上清：指仙界。知唔知道道教有三清觀？可參：https://zh.wikipedia.org/wiki/%E4%B8%89%E6%B8%85
[15] 一道之：「道」、「導」相通。一個帶路，一個催促。
[16] 苣：粵音「巨」。草既一種。
[17] 亙天：亙，粵音「緊」。意思係「延續」。
[18] 迭：粵音「秩」，秩序個秩。意思係輪流、更替。「迭謠鼓樂」，即係不斷有歌聽。
[19] 丹雘：紅色顏料。

以前有個讀書人叫趙業，唐德宗貞元年間喺四川省做清化縣令。趙業有極嚴重中二病，覺得自己唔應該做蛋散，所以佢就唔開心啦，縮埋一舊唔出房啦，後來抑鬱到唔想見到光，仲唔食飯唔飲水四十幾日。某日，佢忽然聽到自己間房打雷，好快仲有舊紅色氣體，圓碌碌，飄上佢張床，湧上佢心口……

趙業起初覺得自己1999，好似發夢瞓唔醒咁。之後有個紅衫包頭既人，帶佢行出山。出左山，就見到有流水，又見到有好多人。繼續行，佢見到一條用黃金同碧玉砌成既橋。然後過橋，就入城啦，行到城入面既衙門，又好撚多人。

咁岩趙業見到自己妹夫賈奕又喺度。妹夫一見到趙業，就講話你殺牛呀，屌你老母。趙業心諗：屌你老母，唔通喱度係城府？嗱，中國人見有事梗係走先啦，佢見唔對路，就拿拿臨走人，仲醒目到鑽左入兩道牆既夾縫。道牆黑漆漆，成幾丈高。

哩個時候，紅衫包頭人捉左趙業出黎，押埋佢入大院。側邊又有啲蛋散話：審犯啦撚屌。喱個時候，妹夫又出現，仲喺度鬧，話趙業屌牛仔無戴套。妹夫一口咬定趙業係性變態，趙業哩啲毒撚連完整句子都講唔到，就梗係駁唔到啦。

忽然天上飛來一執巨鏡，懸浮半空中。抬起頭睇，鏡入面播緊片，係妹夫屌牛仔唔戴套，趙業縮喺被竇睇直播。咁妹夫無野講啦，唯有認左佢啦。之後紅衫包頭人又帶趙業去另一度，有個類似官既屌佢話：「你做咩偷人底褲？仲有，你喺滑州既市集，偷左人三粒陽丹。」趙業拗底，即刻認錯做契弟，最後竟然無事。

審完，紅衫包頭人帶佢出返去，趙業問：「一場黎到，帶我兜個圈得唔得？」於是佢地走上山，玩滑浪飛船，跟住山上既流水衝落去。過左好耐，終於停左喺舊石度。喺石度，佢見到有青色白色兩條路。紅衫包頭人仲玩埋影分身，一分為二，一個帶路，一個喺後面催佢行。行行下，又升左上個石崖，再行多陣，見到路既兩旁有好似紅藍花既草，風一吹，就成為了花海了。又有另一種草，貼喺地面生，岩岩生既時候似蘑菇，開花之後成個盤咁大，金黃色。

再繼續行，趙業見到有大火，直噴上天，成座山咁。等到啲火熄，佢又繼續行，去到一座大城，街道兩旁種滿果樹，仲有一隊仙女喺度表演吹簫，個個都樣靚腰幼長腿大波，癡撚線。

再連行三道門，每道門都紅當當，閃閃亮，高到見唔到頂。正殿又有三重，全都陳列住神像。喺入面，趙業見到一個道士，好像以前相識。趙業想做人契弟，人地唔肯。

好快又要審，紅衫包頭人帶住趙業去另一座大院。中間有個戴絳冠、帔紫霞袍，兩邊有著紅衫既陪坐。佢地話check 下《戊申錄》先。本野同人間既檔案記錄差唔多。最上面寫人既生辰，之後就寫人既姓名、年紀，再下面寫出生年月日。另外一行，寫六十甲子，再分年月日寫唔同發生過既事。每個人既功過，都寫哂喺上面。如果咩事都無，嗰日就寫無事。趙業偷攞自己本野黎睇，入面姓名、生辰日期，全部岩哂。被檔案記錄既人超過億兆。紅衫包頭人話，《過錄》每六十年出一本，用黎考校人間善惡，個天就會跟據哩本野，計算人間福禍。

最後，紅衫包頭人帶趙業，同佢講：「喺度行既，係你既靈魂。你沿住喱條路行就可以返屋企，千祈唔好回頭望呀！」趙業聽佢講，一路快快腳行，仲行到仆街，一跌佢就醒左了。屋企人話，佢已經死左七日。後來，趙業寫左一本書，叫做《魂游上清記》，記返低喱件事。

新年收禮物，我祝大家收到壽桃牌喇沙拉麵

新年放張愛麗詩圖賀賀佢

摩牙

原來有2
留個名先

留名

頹廢中文：「中意」「鍾意」「鐘意」定「中二」

究竟「中意」「鍾意」「鐘意」定「中二」先岩，連登舊登嘈過幾次，我地睇睇literature review。

https://lihkg.com/thread/58538/page/1 (2016年12月29日)

#9張松溪
鍾意同中意係兩個意思嚟
鍾意(zung1ji3) 鍾=喜歡，例: 一見鍾情
中意(zung3ji3) 係合心意咁解，”中”字意思類似 “正中下懷” 個”中”

#19 power_off
「鍾意」是廣東話, 意思是喜歡, 愛. 書面語無此詞語. 但查辭典(台灣教育部國語辭典 http://140.111.1.22/mandr/clc/dict):
「鍾愛」 = 特別疼愛。[北史˙卷十二˙隋煬帝本紀：上美姿儀，少敏慧，高祖及后於諸子中，特所鍾愛。三國演義˙第十六回：惟嚴氏生一女，布最鍾愛。]
「鍾情」 = 專情愛慕。如：一見鍾情。
至於「中意」, 也是一個正確的書面語, 意思係合意、滿意。[漢書˙卷四十五˙江充傳：奉法不阿，所言中意。初刻拍案驚奇˙卷三：老身虛心冷氣，看他眉頭眼後，常是不中意，受他凌辱的。]
意思類似「啱聽」.
所以要真的要寫的話, 「鍾意」比較正確. 而且「中意」的「中」讀「種」音(同「中獎」「中傷」, 「中規中距」等情況), 不是讀「鍾」音.
2006–05–22 19:11:02 補充
以上只適用於口語廣東話, 考試不可以真的寫「鍾意」. 而且如果是考辨認錯別字, 「鍾意」是別字,「中意」才是正確.
來源: http://hk.knowledge.yahoo.com/question/question?qid=7006052201558

仆你個街，copy 咁大段野，來源係yahoo 知識。我地再睇返高登

https://forum.hkgolden.com/view.aspx?message=4642817&page=1 (2013年8月16日)

再仆多你一次，成個討論原來就喺Yahoo 知識度黎。

合理懷疑舊登會員 飛. = 新登會員 power_off

「意」
成個討論最緊要係「意」字，唔明點解無人講。



紅線係原文，黃線係注譯。得啦，我知你無睇到張圖。

《說文解字》話：「意，志也。从心音。察言而知意也。」

「察言而知意也」，即係話留心聽人講野，就知人想點。

段玉裁注話：「《大學》曰：『欲正其心者，先誠其意。』誠謂實其心之所識也。如惡惡臭。如好好色。」

「欲正其心者，先誠其意」，即係話端正自己之前，必先要充實確定自己既想法。譬如你討厭惡臭，喜歡靚女，哩啲都係可以肯定既。

登登燈鄧，我地得到阿媽係女人既結論：

「意」=「想法」

1.「鐘意」



《說文解字》話：「鐘，樂鐘也。」

Musical instrument you know?

「鐘意」一定係錯既。唔關事既唔討論。

2.「鍾意」

上面#19 會員 power_off 所引用既yahoo 知識話：

「鍾愛」= 特別疼愛 。
「鍾情」= 專情愛慕 。
所以要真的要寫的話，「鍾意」比較正確。

屌你老母。

「鄭月娥」 = 公正無私既行政長官 。
「鄭若驊」 = 誠實守法既律政司。
所以「鄭子誠」絕對無陰謀，只係想播歌。



《說文解字》話：「鍾，酒器也。从金重聲。」

段玉裁注話：「古者此器葢用以宁酒。故大其下、小其頸。自鍾傾之而入於尊。自尊勺之而入於觶。故量之大者亦曰鍾。引申之義爲鍾聚。」

可見「鍾」係裝酒容器黎。



安邑下官鍾。
Source : https://zh.wikipedia.org/wiki/%E9%8D%BE_(%E5%AE%B9%E5%99%A8)

段注最後一句好緊要：「鍾」引申之義爲「鍾聚」。


「鍾聚」，即係「聚集」，即係「儲埋一齊」。你見到「鍾」係用黎裝酒啦？

可以積累、可以分多與少既野，先用「鍾」。

中學讀過杜甫〈望嶽〉：「造化鍾神秀，陰陽割昏曉」。

講泰山聚集大自然既秀麗景致。

愛情、情感可以積累、可以分多少。

成語有「一見鍾情」，即係一見就沉船啦。

霑叔 黃霑寫既〈為你鍾情〉，第一句話：

「為妳鍾情，傾我至誠。」

就係話同最愛嗰條女結婚呀。你估佢只係愛過一條女咩？

上面yahoo 知識引《三國演義》話：「曹氏先亡無出，貂蟬亦無所出，惟嚴氏生一女，布最鍾愛。」

呂布大細超，最愛生得出嗰個嚴氏 ，而唔係生唔出既貂蟬。

點解唔用得「鍾意」？

上面講左，「意」=「想法」。譬如：你討厭惡臭，喜歡靚女。

咁「想法」，可唔可以「鍾」，可唔可以「聚集」，可唔可以「大細超」？

合唔合你意，其實係yes/no question 黎。

譬如：

(1) 我中唔中意食壽桃牌喇沙米線？中意。

梗有仆街話：我話我最中意食屎。

嗱，有個「最」字，即係「意思」、「想法」可以分程度，可以分大細啦。咁即係「鍾意」係岩啦！！！

好神奇。如果可以分程度：

「最中意」係100%
「幾中意」係75%
「中意」係50%
「少少中意」係25%
「唔中意」係0%

一樣野，你得50 %中意，仲係咪中意？
一樣野，你得50 %中意，仲係咪中意？
一樣野，你得50 %中意，仲係咪中意？

所以「最中意」、「少少中意」、「幾中意」都係錯誤用法。

好多人詞彙貧乏，中文停留喺小一水平。咩野都加個「最」字黎表達，其實好可悲。

記住哩個例子：我中意睇AV，女優之中我鍾情於美雪ありす。

3. 「中意」



《說文解字》話：「内也。从口。上下通。」
上同下之間，就係「中」。

段玉裁注話：「中者、別於外之辭也。别於偏之辭也。亦合宜之辭也。」
中，唔係外面，唔係側邊。即係唔多唔少，岩岩好咁解。

「中」，即係「合宜」，即係「岩岩好」。唔係「中」就係「偏」/「外」。

頭先講左，中唔中意係yes / no question。所以唔係「鍾意」，而係「中意」。

題外話：所以中國以外，就係外國，唔關民族主義事，純粹係語義問題。

---

見過有人話：佢知「中意」先係岩既。但係佢用開「鍾意」，所以就用「鍾意」。

咁其實好中二，明知「中意」先岩，筆劃又少啲，點解唔改正自己？

總之：

「中意」先係正確用法。

hi, 有無人喺度呀？

二月考試加拜年出少左。三月會努力寫多啲

可唔可以幫我推去第4 頁？ 哩頁太多字

出聲就得