重口味古人筆記 2

推

你特登解錯最後個路人句野做咩春

你唔留言我又點知你有睇

推 樓主仲會唔會更新

乜我更新得好慢咩

有架，放心啦，肯定有

〈古代匪語：漢子〉



今人[1]謂賤丈夫曰「漢子」，蓋始于五胡亂華時。北齊魏愷，自散騎常侍遷青州長史，固辭之。宣帝大怒曰：「何物漢子，與官不就！」此其證也。

承平日[2]，有宗室名宗漢[3]，自惡人犯其名。謂漢子曰兵士，舉宫皆然。其妻供羅漢、其子授《漢書》。宫中人曰：「今日夫人召僧供十八大阿羅兵士；太保[4]請官教點兵士書。」都下鬨然，傳以為笑。

【注】
[1] 今人：陸遊係南宋人，當然係講緊南宋。
[2] 承平日：北宋時期。
[3] 宗漢：宋英宗細佬，濮王。
[4] 太保：官職黎。王二代，梗係一出世就有官做。

【錯譯】

今日我地南宋人叫低賤既男人做「漢子」，喱件事大約就由五胡亂華嗰陣開始既。北齊魏愷，由散騎常侍外派去做青州長史，佢唔肯做。北齊宣帝高洋發哂老脾話：「邊條漢子，有工唔開！」哩單野就係證明啦。

北宋嗰陣，有個宗室叫做趙宗漢，唔俾人叫佢個名。佢逼宮中既人叫「漢子」做「兵士」。佢老婆供奉羅漢，佢個仔講《漢書》。宮中既人就話：「今日夫人召僧人供拌十八大阿羅兵士；大公子請老師教點兵士書。」當時汴京既人都笑鳩佢。

【按】

據呂叔湘《筆記文選讀》：

漢魏之時多以『漢』『胡』對舉，分别漢族和兄弟民族；若有貴賤可言，亦當貴漢而賤胡。迨後北朝政柄歸於胡族，『漢子」遂為賤稱。

即係以前我地叫大陸哩，今日我地被人叫港燦，同樣道理，明唔明？

--- 宋　陸遊《老學庵筆記》卷三


打漏左，自

睇完又得閒既，麻煩幫手推去第6頁