連登有個叫 X多士既,屋企好有錢啦,性格就好孤寒又癡癡地,疑心重又狂妄自大。佢有晚讀書,賊仔喺窗下潛伏,聽到多士仔自己ff 話:
「我咁撚勤力,仲唔係我中狀元?今晚睇黎會有文曲星照住我啦。」
賊仔聽到佢ff ,cosplay 癮起,就油黑自己塊面,左手揸紙錢,右手攞毛筆,cosplay做文曲星,再潛去多士個位後面企。多士擰轉頭見到,嚇到仆街。文曲星cosplayer 又嚇一嚇,袖一揮撲熄盞燈。多士好驚啦,走去瞓,仲打埋鼻鼾。賊仔聽到就大肆搜掠,咁就fatfat 啦。
多士仔去到30歲,仲係青頭黎,未扑過野。有次行路,見到兩隻狗屌緊,就問其他人啦:「哩兩隻畜生做緊咩?點解要擒上對方背脊?」
人地就串鳩佢啦:「春天呀,扑野呀,春天狗公要扑野呀,好似啲人晚晚屌老婆咁呀。」
多士仔又問:「咩叫屌呀?」
人地答:「你喺老母西黎架。男女媾精,先有仔生,你讀過《易經》未?」
多士仔恍然大悟:「詩經話:『亦既見止,亦既遘止』,遘係卽交媾個遘啦。原來哩句係話見完條女之後要扑野。」
就係咁,多士仔心思思想娶老婆。
一開始,多士仔搵到個老儒生既女,都幾靚架。洞房嗰晚,兩條肉蟲除哂衫,多士仔叫老婆扒喺度扮狗仔畀佢後入。老婆就發火話:「可以付託終生既人,應該係我可以仰望既,而家你咁做同狗公有咩分別? 」就係咁,臨門一棍撻Q,多士仔第一次娶妻失敗。
多士仔毒左一年,終於忍唔住,走去搵媒人幫手。媒人就話:家陣娶老婆難呀,一個唔好彩娶左caca 返黎,你就由頭綠到腳指尾。」
多士問:「咩叫caca 呀?」
媒人答:「呃老公錢去勾佬嗰種賤貨囉。」
多士問:「咁我點算呀?」
媒人答:「好簡單姐。睇相佬話,某某個女,又靚又忠貞,不過人地屋企要好多聘禮。」
聘禮姐,多士屋企大把午餐肉,咪幾百罐幾百罐咁送過去囉。之但係,多士又驚自己娶左個賤人,畀帽自己戴。最後佢諗左條橋……
又到洞房既時間啦。我地多士仔鳩fing fing 問老婆喱條係咩黎。人地梗係唔答啦,點知佢死要人答,咁人地咪答「咕咕」囉。點知多士仔面色一沉,以為條女識答咕咕,即係淫婦啦。咁就第二次娶妻失敗。
下一年,佢娶個漁家女做老婆。又好似之前咁啦,show 鳩畀人睇,問係咩黎。今次哩個答「龜頭」囉。多士仔又嬲。咁正式既名都講得出,唔慌好女啦,又唔要。
同年秋天,再娶左個玉工既女。又問。今次人地答「玉莖」。佢又嬲啦,講得出玉莖既,即係有經驗啦,又唔要。
唉,多士仔去到三十幾歲,咩女都無。又諗起連狗公都有得後入,而佢無,真係好可憐。所以又搵人幫手娶老婆。今次真係洗幾多錢都得。有個濕鳩朋友想昆佢錢,就去雞竇搵左隻老雞,叫「黑牡丹」。「黑牡丹」都仲幾索,仲識幾隻字添。不過既要叫得「黑牡丹」自然就黑過阿嬌啦,都唔慌多人幫襯。佢一聽到有人肯埋佢單,即刻連倒貼都肯,仲要咩聘禮呀……
濕鳩朋友醒呀,同「黑牡丹」講定:洞房嗰晚,咩鳩咩撚都唔講得,多士仔點死問,都要含糊其詞。
呵呵呵,臭雞同處女最大既分別就係臭雞識扮野,you know?擺完酒多士仔趕坐入閘,又攞碌鳩出黎問咩黎。
臭雞一早有哂準備,就交足戲話:「咩黎架,未見過。」
多士仔即刻開心哂話:「嗚…我終於娶到處女了。如果唔係處,點會up唔出鳩係咩名。」就係咁,多士仔一桿入洞,正所謂單車行西隧,梗係暢通無阻啦。
9秒9後完事,多士仔叫臭雞抹精。臭雞就話啦:「邊有心情同你抹鼻涕。」
多士仔更開心啦:「明明係精,你就話鼻涕,真係娶到處女囉。」仲即刻吟首事後詩:
三十餘年娶一妻,洞房花燭問東西,而今纔識于飛樂,一陣酸麻流鼻涕。
臭雞聽完忍唔住笑,串佢話:「你連未成人都唔識,仲學咩人作詩。」未成人即係當時精液既俗稱。唉,多士仔聽完就灰左,不過由青頭仔變成綠帽俠,都係一種進步,係值得高興既。
第二日,有條粉腸貼左首詩喺佢門口:
笑柄無如皮阿獃,洞房奇計巧安排。誤將涕字平平讀,好把精兒緩緩揩。才既秀兮何太怪,妓而老矣况能乖。明年獃物生獃種,噴嚏連連滾出來。
又寫左副聯話:
女點男痴,鼻竅纔通,休斆犬。人棄我取,頭銜新換,不妨龜。
久而久之,多士仔終於敗哂副身家。咁讀書功名就梗係無佢份啦……
臭雞就同佢講啦:「你係咪無錢呀?嗱,綠帽哩家野呢,就壓唔死人既,我就唔係咩貞婦啦,你睇落都幾似龜公啦。你唔怕無面既,跟我搵食,實餓你唔死喎。」
就係咁,佢兩公婆就一個做雞、一個做龜,大家重回生活正軌,係咪好感人呢?