【科幻故唔係科幻幻故/幻幻故】《今次一定救到你》(3)

飛揚

997 回覆

4 Like 0 Dislike

揸𨋢人2.0 2025-07-13 21:10:46

你呢啲隱形富豪咁中意扮嘅

玩幻幻仲唔夠

仲想玩我地

飛揚 2025-07-13 21:13:20

隱形人就有

揚？邊度揚吖？

格躺 2025-07-14 12:18:49

飛揚 2025-07-14 12:32:11

木各身尚早

飛揚 2025-07-14 12:32:32

各位早晨

星期一又有文

揸𨋢人2.0 2025-07-14 12:58:29

早

飛揚 2025-07-14 14:52:52

揸𨋢早

小新之助 2025-07-14 18:29:15

晚

準時收工

飛揚 2025-07-14 18:32:10

小新晚

飛揚 2025-07-14 19:00:02

上回講到時世一睜開眼，就返翻去喇！
時世想睇吓係唔係返翻去佢想嘅日子…咁啱家嘉就打嚟叫佢起身！
原來一齊咗之後，都有家嘉打嚟叫時世起身～
今朝係由家嘉同時世搵位食早餐～
果然係返翻嚟家嘉出事前一個月！仲有一個月時間！
時世勁心急想見家嘉！一見到就攬到實一實添！
家嘉當然唔知咩事啦～
時世就好甜咁同家嘉搵定位～
去到金拱門坐低傾咗陣，柔柔就嚟到喇！
時世眼定定咁望實柔柔...
「係吖～」柔柔帶住微笑咁點點頭，「咁我都唔係好遠咋嘛～」
時世應該...感動...
可以再見到有如復活一樣嘅柔柔...
但同時...時世又有啲難受...
始終都係柔柔殺死家嘉...
而家望住柔柔...百感交集...
「喂時世傑...」家嘉冷眼打量住時世，「做乜望到柔柔實一實咁吖？喺我面前𥄫女？！」
『唔...唔係啦！唔係啦！』唔好亂講好喎！
「我梗係知你唔係啦～」家嘉古古惑惑咁，「柔柔係我嘅好姊妹嚟㗎嘛～」
「嗯嗯～」柔柔帶住微笑點點頭，「好姊妹～」
好姊妹...就係好姊妹先死...
跟住嘅劇情發展又會係點呢？

準備出文

飛揚 2025-07-14 19:00:48

「今朝好似涼咗喎～」

望住家嘉同柔柔...

「仲未使著冷衫住嘅～」

佢哋有傾有講...

「話唔定好快又熱過呢...」

感情好好...

究竟係幾時？柔柔對我...

又係幾時...柔柔對家嘉產生妒忌之心？

飛揚 2025-07-14 19:01:39

諗多兩諗...

「早吖...」背後就傳嚟安哥仔把聲...

我回頭一望...仲見到威姐同魚魚都一齊嚟到。

「早吖早吖～」

大家打聲招呼，就坐埋一齊。

魚魚望兩望：「好彩有你哋兩公婆嚟攞定位姐～勁多人囉～」

聽到魚魚講到兩公婆...我立即睇睇柔柔有咩反應！

只見柔柔都係帶住微笑...

飛揚 2025-07-14 19:02:53

「邊度兩公婆？！」反而家嘉就好大反應！「我先唔同佢兩公婆囉！」

『哈哈...哈哈...』我就只好尷尷尬尬咁笑笑口，『諗咗食咩先啦...』

都真係唔好講呢啲...無謂刺激到柔柔嘅神經...

「早晨全餐～」

「兩個～」

「我都係...」

「咁我要個豬柳強餐啦！」

「豬柳強同早晨全餐都一樣咋喎～只係分開咗咋嘛～」

「我唔想食炒蛋吖～」

「炒蛋唔好食咩？」

「尋晚阿媽先炒完咋...」

『咁我哋去買喇～安哥仔～行喇～』

「好好～」

飛揚 2025-07-14 19:04:06

同安哥仔一齊行去排隊...

『喂...』我撞一撞安哥仔膊頭，『識咗咁耐...有冇諗過打鳩我？』

「嘩你無啦啦咁問嘅？」安哥仔半帶恥笑咁打量住我，「無時無刻都想打鳩你㗎啦！」

『果然好兄弟...』我拍拍安哥仔膊頭...

「梗係！」安哥仔都拍拍我胸口！

雖然安哥仔口講就話無時無刻都想打鳩我...但實際上...從來都冇試過...

就只有啱啱...喺醫院...

係第一次...而且係充滿怒火...

而家諗諗都覺得痛...

我同安哥仔雖然成日屌嚟屌去...但從來都未向對方動過火...

除咗話我哋真係好兄弟之外...我係唔覺得安哥仔會有火...

估唔到呢...

飛揚 2025-07-14 19:05:04

買齊晒早餐，我同安哥仔都拎住兩大盤咁行返埋去。

「炒蛋梗係要落啲鹽㗎啦～」

大家邊食邊傾～

「會唔會好鹹㗎？」

我都有留意柔柔...

「喂係喎～第時你哋結婚嘅話，咪就係時蔡聯婚？」

尤其係講到我同家嘉嘅話題...

留意吓柔柔有冇咩異樣...

飛揚 2025-07-14 19:05:41

「大排檔咩？時菜吖？」

只見柔柔都帶住微笑...

「幾搞笑吖～」

就好似平時咁...

「結婚咁大件事邊可以搞笑㗎？！」

冇乜異樣...

究竟係幾時...柔柔對家嘉產生殺意？

唔好話殺意...妒忌都Feel唔到有...

飛揚 2025-07-14 19:06:53

「時世～」而柔柔都好似平時咁對我，「要唔要黑椒吖？我用淨一半～」

『哦好吖好吖...』而我總係有少少抗拒...

每當同柔柔四目交投...我都會諗返起佢同我講...佢妒忌家嘉同我一齊...

究竟又係由幾時開始...柔柔對我有嘢㗎呢？

一諗到呢點...我又更加想縮...

「嗯？」柔柔拎住半包黑椒，「係咪要？定係我幫你倒埋？」

『哦唔使唔使！自己嚟得喇...』我接過柔柔手上半包黑椒...

但金拱門包黑椒又鬼咁細包！好容易就掂到柔柔隻手仔！

飛揚 2025-07-14 19:08:07

我真係縮都縮唔切咁！勁老尷！

但柔柔又冇乜嘢咁...帶住微笑繼續食嘢...

講真嗰句...我係唔係要避忌吓呢？

即係少啲接觸...少啲溝通...少啲眼神接觸！

之但係...如果我咁突然有啲咁嘅轉變...又會唔會好危險呢？

以柔柔呢種心理狀態...

不過假如我繼續同柔柔熟...就好似以前咁...又會唔會加深柔柔對家嘉嘅恨意呢？

除非我對柔柔比起對家嘉更好？

唔好玩啦...家嘉先係我女朋友吖嘛！對柔柔仲好過自己女朋友好撚奇怪姐！

唉呀好煩嘛！感情問題呢啲嘢真係一律建議毀滅世界啦！！！

飛揚 2025-07-14 19:08:48

或者...

「柔柔～」家嘉問問柔柔，「你哋中文而家教到去邊吖？」

而家都係乜都唔做住...

「而家教到去...」

都係觀察耐啲先...

「你哋教得快過我哋喎！」

反正仲有啲時間...有差唔多一個月嘅時間...

「咁你哋英文呢？」

飛揚 2025-07-14 19:09:28

班女仔有女仔傾都好嘅...

咁我呢...

『喂…』我撞一撞身邊嘅安哥仔，『做乜唔出聲吖？咁專心食嘢吖？』

「吓？」安哥仔密密食，「咁你哋頭先傾緊吖嘛...」

『吓？有咩？』

「有吖...」

『而家冇吖嘛...』

「哦...咁咪食嘢囉...」

大家食完個早餐，就一齊行返學校。

飛揚 2025-07-14 19:11:17

「小息見啦～」柔柔帶住微笑向我揮揮手～

『小息見…』我同柔柔揮揮手，『記得！有咩事搵我就得喇…我一定會喺你身邊…任何時候…任何事情…』

「嗯～」柔柔帶住微笑點點頭～

「小息見～」大家都向柔柔揮揮手～

目送住柔柔行返去自己班房，我哋都入返自己班房...坐返自己位...

朝早用多咗時間一齊食早餐...

“叮叮叮噹叮叮叮噹”上堂嘅鐘聲就好快響起...

都係唔專心咁上堂㗎喇...今次比起上次更棘手...

話晒上次都經歷過...好清楚咁知道家嘉幾時出事...喺邊度出事...點樣出事...

但今次...只係知個日期...知道係被柔柔殺害...咁確實時間呢？點樣殺呢？我係完全唔知嘅！

冇錯喇！我都冇問清楚柔柔...佢就跳咗喇...

所以話呢...有幾多嘢要諗呢...

仲有仲有...最最最重要嘅係今次唔單止係要救家嘉...仲要救多次柔柔！

要救晒佢哋兩個嘅話...只要阻止到柔柔殺家嘉...佢哋兩個都唔使死！

飛揚 2025-07-14 19:11:59

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～