【科幻故 唔係科幻幻故/幻幻故】《今次一定救到你》(3)

威姐呆一呆：「時世...安哥仔？」

『你做乜吖？』我望實威姐！

威姐諗一諗...又想衝出去！

『喂！』我再捉實威姐隻手！『你癲咗呀？！』

「唔！唔！」威姐Fing兩Fing！再掉低把刀！雙手撳住自己個頭！踎喺地上！

我執返起把刀...踎喺威姐身邊...

「十年喇...」威姐擰擰頭，「十年喇！我等咗呢一日足足十年喇！」

十年...又係呢十年...

「點解呀？」威姐雙手捉實我！「點解當年你冇好好保護家嘉呀？！」

我...我冇好好保護家嘉...

「你冇保護家嘉...」威姐怒視住我！「呢十年...我就係等呢一日...等柔柔放監殺咗佢幫家嘉報仇！」

威姐係想...幫家嘉報仇...

「但係...但係...但係原來我自己係好脆弱！根本就唔敢殺人！嗚嗚！」威姐抱頭痛哭！

威姐...唔係話脆唔脆弱...

正常人都好難做出殺人嘅行為...

一條生命...喺你手中消失...

「威姐唔好咁啦...」安哥仔搭住威姐，「都過咗十年啦...唔好怪時世...亦唔好怪柔柔啦...」

「嗚嗚！嗚嗚！」威姐喊得好厲害！

「最重要都係...」安哥仔搭實威姐膊頭，「唔好怪你自己喇...」

「嗚嗚！嗚呀！！！」威姐喊得更加厲害！

從來都冇見過威姐喊...更莫講話喊到失控...

威姐一直都好堅強...佢細細個所面對嘅經歷...磨練咗堅強嘅性格...

真係會殺人都不出為奇...

之但係而家...

十年...我唔知點解我會保護唔到家嘉...亦唔知呢十年自己有冇恨過柔柔...

對我嚟講呢十年嘅記憶就只有家嘉遇上交通意外...

呢十年...今次呢十年...

『我要去...』我企返起身，『搵柔柔...』

安哥仔都企起身：「我陪你...」

『唔好...』我擰擰頭，望住仲抱頭痛哭嘅威姐，『你睇住威姐...』

安哥仔都望住威姐...點點頭...

我都點過頭後，就喺雨中尋找柔柔嘅蹤影...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

“啪啪啪啪”雨水打在遮上...

行入人群之中...喺一把又一把雨傘之下搵...

見到個似嘅就上前拍一拍...

時仔不嬲講雷

咁益我

掂㗎啦，每日八杯水，記住供給空氣，要有飯食吖嘛
跟住最好俾個輪佢運動下

威姐都好雷

著住大褸嘅黑色身影
仲要有把刀

一見到呢句仲以為係spirit亂入添

應該係，可能威姐入咗傭兵

木各身尚晚

咁都要睇安哥仔做化嘅

我都係好人嚟㗎

咁似養倉鼠嘅

你睇威姐平時幾咁照顧魚魚

話唔定係冇精神液喺手咋

咁就要狠回啲 切J切足一集

錯覺嚟

而家照顧埋柔柔

冇錯，尤其係飛揚嗰條

早
而家先準備瞓

呢個錯覺好真實