【科幻故 唔係科幻幻故/幻幻故】《今次一定救到你》(3)

上回講到時世一由訓導室出返嚟，勁多人講緊佢囉！
講緊乜？講緊佢一個打低晒班黑社會好撚勁吖！
時世就唔在乎～都係做返自己想做嘅事～
落去長檯搵返安哥仔佢哋～個個都好擔心喎！
有咩咁擔心？
得罪黑社會喎！實尋仇啦！
未驚過啦～
時世好輕鬆咁～大家就好擔心～
到小息完返上課室都係咁～
柔柔都係勁擔心咁望住時世：「咁你小心啲喇...」
『放心啦～返去上堂啦～Lunch見啦～』時世同柔柔揮揮手～
「嗯嗯...Lunch見...」柔柔都係皺晒眉咁向時世揮揮手...
大家都目送住柔柔行返去自己班房，然後就各自返埋位坐。
「喂唔係喇...」安哥仔連坐都未坐好，就急住講，「都係小心啲好吖...」
『屌小心咩姐？』時世都未講完...
「唔係呢...」安哥仔又爭住講，「真係小心啲好呢...」
『咁點小心呢？』時世又真係唔知喇～
「咁就梗係！呃...呃...」安哥仔諗幾諗，又答唔出口，「呃...呃...」
『咪係囉～都諗唔到點小心～咁就唔使咁小心啦～』
「唔係呢...真係...」
『得啦你唔好成個女人咁啦上堂喇～』
“叮叮叮噹 叮叮叮噹”上堂嘅鐘聲響起...
俾時世靜靜地～唔好為咗呢啲小事嚟煩住佢唔該～
跟住既劇情發展又會係點呢？



準備出文