【科幻故 唔係科幻幻故/幻幻故】《今次一定救到你》(3)

[Day 06－改變過去] PART 01

同柔柔行到嚟班房門口...

「小息見～」柔柔同我揮揮手～

『嗯～小息見啦～』我都同柔柔揮揮手，目送佢行返去班房。

一坐返埋自己個位...

「喂時世～」家嘉就走埋嚟，雙手撳住喺我檯面，「做晒功課未？」

『做晒啦～尋日有你教我做㗎嘛～』自上次燒嘢食，都已經過咗一個禮拜...

「咁都仲有唔少要你自己返去做㗎嘛～」家嘉帶住燦爛嘅笑容點點頭～

『咁我都唔懶嘅～唔辜負你嘅好意吖嘛～』距離家嘉出事嗰日都好接近...

冇錯呢...不知不覺返咗嚟都差唔多有大半個月...

雖然都總算適應咗校園生活...但個靈魂始終都仲係廿幾歲...飽經風霜嘅成年人...

要攞返啲稚氣出嚟係難啲㗎喇～

而我同家嘉嘅關係...好似係好咗嘅～

我哋放咗學都有一齊做功課～

「呢條嘅答案...」家嘉揭揭書，「應該係喺呢度搵嘅～」

雖然話都仲係成班人一齊坐喺咖啡店...

『哦哦...呢度？定係呢度？』之但係家嘉都會坐喺我身邊～

「喂～珍珠奶茶吖～買埋俾你㗎～」而且家嘉對我嘅態度都唔同咗～係溫柔咗～又照顧我多咗～

『喂唔該晒喎～俾返錢你～』

「唔使啦～下次你出返囉～」

『好吖～』

除咗坐喺我身邊教我做功課溫書之外，食Lunch又好，食晚飯又好，家嘉都會主動坐喺我對面～

「喂喂～」家嘉俾我睇睇個Menu，「嗌呢個好唔好吖？」

『好吖好吖～我鍾意食吖～嗌埋呢個～呢個你鍾意食～』雖然都係一大班人～

「嗯嗯～」家嘉又指指個Menu俾身邊嘅柔柔睇，「我哋嗌呢兩個～你呢？」

但係都係我哋兩個傾咗先～再同其他人傾～

唔可以話當其他人冇到嘅～只係我哋有咗共識先姐～

「嗯！呢個真係好味！」家嘉夾件炸雞俾我，「試吓試吓～」

『嗯！真係正喎～呢件Pizza都好好味～好夾㗎～』我就幫家嘉切件Pizza，『你都試吓～』

「嗯嗯！」家嘉大大啖一咬！點點頭，「真係好夾吖～柔柔都試吓吖～」

『喂安哥仔～你都試吓吖～』我都夾件炸雞俾安哥仔，『不過小心啃骨吖～』

嗱～都話我哋唔係當其他人冇到㗎啦～

安哥仔大大啖咁食：「你當我小朋友咩？！」

魚魚都點晒頭：「我啱啱都差啲啃親吖！」

「咁你係小朋...咳咳！」話口未完，安哥仔就啃親！

『喂...』我幫安哥仔拍拍背脊，『都叫咗你小心㗎啦...』

「抵佢㗎...」威姐冷眼打量住安哥仔，「話魚魚吖喇...」

「Sor...Sor...」安哥仔飲啖水，「咳咳...」

「哈哈～」柔柔笑得好甜～

家嘉都關心柔柔：「你都小心吖～唔好好似安哥仔咁～」

「嗯嗯～」柔柔點點頭～好小心咁食件炸雞～

我哋成班都係好好感情～只係我同家嘉嘅感情就明顯增進咗唔少～

除咗食嘢，我哋睇戲都係會坐埋一齊～

當然又冇話單獨兩個坐埋一邊咁啦～仲係有安哥仔坐我身邊～柔柔又坐喺家嘉身邊咁嘅～

不過都已經比起之前親密咗好多㗎喇～

咁就叫親密咗好多？唔係你想點吖？

仲有冇啲親密啲㗎？有冇啲身體接觸？

呃...身體接觸呢...有！係有嘅！

我哋一齊行街，雖然家嘉都有翹住柔柔，不過都係行喺我身邊嘅！

即係我同家嘉就被安哥仔同柔柔夾住喺中間咁行！

剪

係吖～我哋四個人一字排開咁行㗎～阻鳩住晒咁㗎～

不過唔怕啦～中學生係咁㗎嘛～途人都見慣不怪～

我嗰陣返工都係咁㗎啦～見到啲中學生一大班有講有笑又手舞足蹈咁行，我都主動避開佢哋嘅～

喺大人眼中，係可以喺佢哋身上睇到以前嘅自己...

係逝去嘅青春呢...

講起青春，我同家嘉仲會膊頭撞膊頭咁行添～

呢啲咪身體接觸囉～仲好青春嗰隻添～

同家嘉撞撞膊頭咁行～跟住威姐同魚魚身後行到入書局～

我哋又睇吓書～睇吓今期暢銷～

小說又好～輕小說又好～

睇多兩睇...

「喂喂～」家嘉拎起本書，拍拍我膊頭，「你有冇睇開吖？」

『No Life No Game？』我望望家嘉手上本書，『有～』

「書？動畫？」家嘉追問～

『兩樣都有～』我都係No Life No Game嘅Fans嚟嘅～

不過...都係因為家嘉...

「唔知動畫幾時有下一季呢？」家嘉𡁯𡁯嘴，「再過多半個月就一年喇...」

『十年啦～等多十年就下一季㗎喇～』都係因為家嘉好鍾意No Life No Game...所以我就開始追...

「會唔會吖？點都唔會要等十年咁耐啦...」家嘉擰擰頭，「我就話下個月一定有消息～」

『哈～』我笑而不語咁擰擰頭～

「柔柔～柔柔～」家嘉又拉拉柔柔，「你有冇睇No Life No Game㗎？」

「冇喎...」柔柔望住家嘉手上本No Life No Game擰擰頭，「講咩㗎？」

「好好睇㗎～講一對兄妹...」

應該...差唔多...

差唔多咩？

係呢種感覺...同我家嘉嘅感覺...

呢種感覺...係我哋兩個曾經行過嘅路...

已經好強烈...可以好清楚咁感覺到...終於俾我行返原本嘅路...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

一切都好順利...

一直都再冇任何突發事...同之前大明顯分別嘅事...

我哋成班嘅感情都Keep住好好～

今日都好準時喎

今集安哥仔同柔柔應記一功啦
佢兩個都有機會咁喎
Sora 同 Shiro
唔通係暗示

梗係啦
腸用心寫
我地用心睇

一日由頭追到live 打個卡先
我嘅唯一訴求係happy ending

又同女女食飯

又去食飯女啦

神助攻
我咩都唔知㗎

慶幸有你哋

浩南哥
咁就要睇時世做化

全仔仔囉

冇女 全部都係仔

食仔添
都唔知開心定擔心好

咁增肥囉