【科幻故 唔係科幻幻故/幻幻故】《今次一定救到你》(3)

上回講到時世一覺瞓醒…
係發夢定係返翻嚟吖？
一睇個電話…又係約一齊去拜家嘉…
原來只係一場夢…
唔係喎！今次係魚魚約唔係威姐約嘅？
仲話買花由時世呢個男朋友買添！
咁講法時世真係改變到過去！但都係改變唔到家嘉要死！
時世要知個真相！就跟返之前咁，做返之前做過嘅事！
都係去剪頭髮！今次雖然變咗係第一個客，但同之前嗰次分別唔大！
連No Life No Game都要開始連載！
果然呢！時世有返翻過去改變！但改變唔算好大！
剪完個髮，然後就係行去花店...
「歡迎光...」老闆娘一見到時世，就帶住親切嘅笑容點點頭，「嚟咗喇？」
『嗯！係吖～』時世就行過去一堆黃玫瑰面前...
「啲黃玫瑰新返㗎～」老闆娘都行到嚟時世面前，「好新鮮～我幫你㨂？」
『唔使唔使～』時世帶住微笑擰擰頭，『我自己揀得喇～』
「都咁多年喇...」老闆娘帶住疑惑嘅微笑，「都仲係唔信我啲花？」
『唔係唔係～』時世都帶住微笑擰擰頭，望住一朵朵黃玫瑰，『只係我比較鍾意親力親為～』
「哈哈～」老闆娘帶住古惑嘅微笑，「你女朋友真係幸福呢～」
『哈...』時世好認真咁喺一堆黃玫瑰之中...揀返十一支...
女朋友...安哥仔話...男朋友負責買花唔使提啦...
好用心咁揀返十一支最靚嘅黃玫瑰，老闆娘都幫時世包返靚束花～
「多謝晒～」老闆娘帶住溫柔嘅微笑向時世揮揮手，「下年再見喇～」
『嗯...下年再見...』下年...究竟點解...因咩原因？
跟住嘅劇情發展又會係點呢？



準備出文