【科幻故 唔係科幻幻故/幻幻故】《今次一定救到你》(3)

出街都係，一齊行都係好少同家嘉有接觸...

「喂喂喂！」家嘉拉住柔柔！「係呢間喇～」

同之前都係一樣，家嘉會黐住柔柔～

「買三送一喎～」

威姐都係同魚魚一齊～

「咁我哋四個夾咪得囉～」

佢哋四個女仔又圍埋一齊～

『男仔啱唔啱用㗎？』

咁又冇話孤立咗我同安哥仔嘅...

「男仔用呢隻！」家嘉拎起支Cream，「好似話幾好用㗎！」

都有幾句嘅～

不過都仲係未到...未到我印象中嗰種熟落...

究竟差啲乜呢？

一路行一路諗...咁啱就行過...

『花店？』又咁啱俾我望到有黃玫瑰，就指住堆黃玫瑰，拍拍家嘉膊頭，『有你最鍾意嘅黃玫瑰吖～』

又會咁啱嘅～

講真黃玫瑰都唔係咁易搵到～

家嘉冷眼打量住我：「你點知我鍾意黃玫瑰㗎？」

『吓？』我點知？你自己講嘅...

我有好好記住㗎！

大家都一頭問號咁打量住啲黃玫瑰：「乜家嘉鍾意黃玫瑰㗎咩？唔聽你講嘅？」

大家都唔知家嘉鍾意黃玫瑰㗎咩？又好似係喎...

好似係得我知㗎咋喎...

家嘉仲係冷眼打量住我：「我就係好奇點解時世會知...明明我都冇同人講過...」

『吓？咩吖？你之前講...』唔係喎...之前...好似係喺本身嘅時空嘅之前喎！

「我好肯定冇講過囉...」家嘉一面討厭咁打量住我，「都唔知你喺邊查到...話唔定仲對我唔知想點添...」

『咩唔知想...』我都未講完...

「變態...」家嘉拉住柔柔退後幾步，「死變態...」家嘉再拉埋威姐同魚魚退後幾步，「死變態唔好行咁埋添吖！」

死喇...係唔係有咩誤會吖...家嘉好似又再嬲多咗我喎...

大鑊...好似仲差咗好多...會唔會走咗去另一條路㗎？！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

一路上都困難重重咁...好似同原本嘅路越行越遠咁...

唔係掌握之中...總係怕會有難以預測嘅變數...

難以預測嘅變數又如何？話唔定咁樣都可以改變嘉家嘅死亡？

晚

「變態...」家嘉拉住柔柔退後幾步，「死變態...」家嘉再拉埋威姐同魚魚退後幾步，「死變態唔好行咁埋添吖！」

做得好呀
對住啲變態就係要勇敢說不

飛揚啲男主角最後都係做變態搞自己親人
都係遠離為妙

揸𨋢晚

一定係有好大誤會囉

唔關我事㗎 唔係我想㗎

喺家嘉心中，時仔變咗跟蹤狂變態佬！

係，最鍾意搞自己個妹同個女

打打鬧鬧先做到情侶既

開始都仲好似忍得住
去到後面就會用好多藉口去合理化自己嘅諗法同行為

增進感情

明明時仔做咁多嘢都係想救返佢

係個妹同個女獻身姐

因為鍾意對方先做返啲反行為

你又講得好似幾啱喎

唔俾對方知自己對佢有意思

就係哄騙佢哋
捉心理

冇啲咁嘅事
完全係出自真心㗎