【科幻故 唔係科幻幻故/幻幻故】《今次一定救到你》(3)

「嗄！」安哥仔就死咁嘅樣坐喺凳上，「熱死人喇...攰死人喇...嗄嗄...」

我係唔係要照顧埋安哥仔？

之前就係冇好好照顧佢，搞到佢變咗條肥毒...

不過呢啲唔係我嘅責任嚟㗎嘛～我對安哥仔冇責任㗎嘛～理鬼得佢啦～

「可樂可樂！」家嘉吹住手上把風扇仔，喺一袋二袋摷摷！「我要可樂吖！」

『喂...』我拎一罐可樂遞俾家嘉，『可樂吖...』

「可樂呀！」家嘉一手就拎走我手上罐可樂！「熱死人要飲可樂...喂唔凍嘅？！」

『想凍就浸浸冰先啦～』咁心急～

我拎晒啲可樂去浸冰先～

家嘉都只好勉強飲住罐唔凍嘅可樂：「大熱天時嚟燒嘢食...痴線㗎...」

都真係幾痴線㗎～而家都仲未到中午都已經有成三十度～

仲要鬼咁曬喎～呢度又冇瓦遮頭喎～

就算我同安哥仔短袖短褲...班女仔直頭背心熱褲都好啦...都係出晒汗...

一陣烈日當空之下都唔知我哋會唔會燒埋一份添～

不過當期時家嘉都係好似而家咁嘅反應～

冇錯！呢次BBQ喺原本嘅時間線都係有發生過！

我就係好記得！大熱天時走嚟BBQ！

雖然家嘉嗌晒救命咁，但我好記得最後大家都係玩得好開心嘅！

就係要開開心心...就係要跟返住條路嚟行...

威姐搞掂晒個爐，就行過嚟：「幫手拎啲嘢出嚟先啦～」

『OKOK～』

大家都夾手夾腳咁喺一袋二袋裡面拎啲嘢食出嚟～

「有魚蛋～有魚蛋～係呢隻牌子喇！好多好多吖～」

『我買嘢你放心啦～』

「係我提你咋！唔係嘅話實買錯！」

『啲冇發生到嘅嘢就唔係事實～假設嘅都只係假嘅～』

「蜜糖有喇...個掃呢？」

『個掃喺度～呢隻啱唔啱用呢？』

「仲諗住你會唔記得添...」

『冇咁易有位俾你入到嘅～』

「啲膠叉紙碟夠唔夠用呢？」

『膠叉就一定夠嘅～你話紙叉就難講喇...』

「咩紙叉吖？紙碟吖你聽咩㗎？」

『係係係～』

「係喎！」威姐拎起束燒烤叉，「啲叉未洗㗎喎！要過去海灘嗰邊洗！」

「去海灘嗰邊洗叉吖？」家嘉拎咗威姐手上束燒烤叉！「等我洗～等我洗～」

「要插埋沙喎...」威姐提多一句...

「得啦得啦～插沙吖嘛～海吖海吖～唔使咁熱吖～」家嘉就跑住過去海灘嗰邊～

有海風就冇咁熱？

話唔定啲海風吹埋嚟都係熱風嚟㗎啦～

我哋就冇理家嘉咁多喇～繼續拎好啲嘢食～

拎好晒～又放到靚靚仔仔咁～

『搞掂～』我拍拍手，望望大家，『唔...家嘉呢？仲未返嘅？』

「係喎...」威都望左望右，「咁耐嘅...」

係咯...洗叉插埋沙姐...要咁耐咩？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

「呢度離沙灘...」威姐望向沙灘嗰邊，「都唔算話好遠...」

大家都跟住望過去...點點頭...

『等我過去搵佢啦...』我就向住沙灘嗰邊行過去...

晚

晚

亦唔排除呢道有人講大話扮毒

睇嚟就係救咗家嘉，跟住感情劇烈升溫！

有 不過唔係我

關鍵鑰匙出現喇

早

已經講左大話啦

揸𨋢早

從來唔講大話

各位早晨
又到星期六唞唞先

午

早

走冰午

大王早