【科幻故 唔係科幻幻故/幻幻故】《今次一定救到你》(3)

『究竟...』我望返住面帶燦爛笑容嘅家嘉，『點解會咁？』

「嗯？」安哥仔同魚魚都一頭問號咁打量住我。

『點解...』我凝視住面帶燦爛笑容嘅家嘉，『家嘉會離開咗我哋...』

「吓？」安哥仔皺皺眉，面帶尷尬嘅笑容，「你講咩吖？你點會唔知吖？」

我好認真咁望住安哥仔同魚魚...

只見魚魚對眼已經載滿淚水...

「嗚...嗚嗚！」已經忍唔住喊出嚟！

我同安哥仔兩個大男人都唔知點樣安慰魚魚好...

平時都係有威姐喺魚魚身邊...有威姐照顧魚魚...

但而家...

威姐唔喺度...我哋就只好任由魚魚爆喊...

魚魚都真係好喊得...

「嗚嗚...家嘉...家嘉...嗚嗚！」

喊咗勁耐都仲未有想停落嚟嘅跡象...

「嗚嗚！嗚嗚嗚！！！」

“嘀嗒...嘀嗒...嘀嗒...”喊到雨都開始大...

「嗚嗚...嗚...」

雨聲都開始蓋過魚魚嘅喊聲...

“嘀嗒...嘀嗒...嘀嗒...”

因為魚魚都差唔到喊夠...

「嗚...唔唔...」

我俾張紙巾魚魚...再放低束黃玫瑰喺家嘉墳前：『而家可以講喇嘛？到底發生過咩事？』

安哥仔仲係難以理解：「我先唔知你到底發生過咩事會咁問！」

我冷眼打量住安哥仔...

「唔唔...」魚魚印印眼淚，「係柔柔...」

柔柔？！

「係柔柔殺咗家嘉㗎嗚嗚嗚！！！」魚魚一講完又爆喊！

『點解...點解柔柔要咁做...』點會...柔柔點會殺死家嘉㗎？！

嗰陣時...柔柔同家嘉好Friend...

明明就情同姊妹！

魚魚同安哥仔都擰擰頭...

我真係改變咗...改變咗過去...但改變唔到家嘉都係要死...

點會咁㗎...點解會咁㗎...我都係救唔返家嘉？！

「講開...」安哥仔望住面帶燦爛笑容嘅家嘉，「柔柔今日出獄...」

『柔柔今日出獄？』又會咁啱...

「嗯...」安哥仔點點頭，「又會咁啱喺家嘉生忌...真係天意愛弄人...」

『我要搵佢問清楚...』究竟點解要殺死自己嘅好姊妹？！

「你...」安哥仔諗一諗，「我同你一齊去！」

『你知佢喺邊個獄監？』呢點好重要...

「嗯...」安哥仔點點頭...

我同安哥仔都打量住魚魚...

「我...」魚魚諗一諗，「我自己返去得㗎喇...」

『嗯...咁你小心喇...』或者咁樣係最好...

我都唔覺得魚魚可以面對到柔柔...

我哋三個同家嘉再鞠個躬...帶住依依不捨嘅心情離開墳場。

『返到去打俾我哋...』我同安哥仔送埋魚魚上車...

「嗯嗯...」魚魚點點頭...

“吼！吼～”目送住架Uber離開...

“嘀嗒...嘀嗒！嘀嗒嘀嗒嘀嗒！”雨都越落越大...

“我快樂有時 我叫悶有時 也算上天的恩賜”

同時電話響...

“回頭是憤慨 看不到未來 於年月裡比賽”

我拎部電話出嚟睇...

“時光機永未及發明 哪裡覓證明”

係經理...

“轉季讓半山結冰”

冇錯呢...差啲都唔記得...

“這嘀嗒 又嘀嗒 時鐘似簷篷滴雨聲”

唔想聽都要聽㗎啦...

我就滑動解鎖：『喂呂經理...我今日唔得閒返去頂周小姐。』

「喂咁醒嘅你？我都未講你就知要頂周大姐嘅？」呂經理繼續講，「不過醒都冇用啦～都要去頂㗎喇～」

『我咪話咗我唔得閒囉...』我同安哥仔一路行，『你聽唔到㗎？』

「你而家咩態度吖？」呂經理冷冷放下一句，「我而家唔同你計！你好立即同我返去1881！」

『我唔撚得閒...』我都仲未講完...

「我理鳩你得唔得撚閒吖？佢個肚唔舒服！又話要走去產檢喇！你有冇肚呀？使唔使產檢呀？唔使就立即同我...」今次我冇等呂經理講完...

『我唔撚撈喇...』我就截停呂經理...

「你...你講咩話？」

『我話我唔撚撈喇！你挺執笠啦！』我一鳩Cut柒咗呂經理線！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 06－改變過去] PART 03

安哥仔有啲驚訝咁打量住我：「得唔得㗎？」

『有咩唔撚得？』我袋返好部電話...

已經將[Day 06－改變過去] PART 02 Upload上Penana

獄監

監獄 監獄 監獄 監獄 監獄 監獄 抄返六次
謝校對

晚
今日居然有文

無論打風落雨死人冧樓 都係星期一至五每晚七點
除非偽毒揚又双叒出街食

女

飯

睇嚟係我追得太疏

特倫斯晚
一至五都有文㗎嘛

上面完全正確 下面差少少喎

咁就要追多啲

時仔好型
柔b果然太愛時仔
今次直情要辣手摧花

晚

時仔而家乜都唔理 搵出真相最重要

揸𨋢晚