【科幻故 唔係科幻幻故/幻幻故】《今次一定救到你》(3)

當我哋都行去柔柔面前之時，佢都會左望望...右望望...

望咩呢？仲要咁擔心咁嘅樣？

唔單止係柔柔一個...仲有家嘉...威姐...魚魚...甚至安哥仔都探頭望出去...左望望...右望望...

大家都係好擔心...又緊張嘅樣...

搞咩吖？

我就唔理佢哋咁多喇，大大步咁行出去：『今日想食咩呢？』

大家都仲係左望右望咁行...跟喺我身後...

『喂喂…』我回頭望望大家，『想食咩吖？』

安哥仔第一個有反應：「是...是旦啦...」

『喂是旦都要俾個提議㗎～』我就行落樓梯。

安哥仔一邊行落樓梯，一邊抬頭望上樓上：「你諗啦...」

『我諗...』我冷眼望住安哥仔，『喂你𥄫人裙底吖？』

「咩呀？！梗係唔係啦！」安哥仔勁大反應！「我望緊有冇人跟住我哋咋！」

『吓？會有咩人跟住吖？』唔好搵藉口去𥄫人裙底喎...

「你話呢？！」安哥仔勁緊張！「梗係中五嗰班啦！」

然後大家都點點頭...一齊望住樓上咁行落樓梯...

『痴線嘅你哋成班都...都唔知你哋擔心啲乜...擔心自己仆落樓梯好過啦...』成班碌落去都幾震撼...

威姐都勁緊張：「點會唔擔心吖？佢哋呢啲人...實會搵機會覆桌㗎！」

魚魚都勁驚咁翹實威姐...點點頭...

『係覆都搵我覆姐～你哋又唔使擔心咁多嘅...再唔係咯...我自己一個食囉～』一人做事一人當～

柔柔擰擰頭：「我哋唔係咁嘅意思...」

我行到落地下，回望住柔柔...

家嘉都點點頭：「我哋又唔係話要掉低你一個...」

威姐都點點頭：「只係想一齊小心啲姐！」

「嗯！」魚魚都大大力咁點點頭！

安哥仔搭搭我膊頭：「係咯...大家一齊小心...有咩事都可以第一時間發現！應對吖嘛！」

『哈～齊上齊落吖？』我帶住無奈嘅微笑擰擰頭，繼續行，『你哋班人真係...』

佢哋咁多個都一頭問號咁...當然就唔知我講緊乜啦～

我就冇理咁多喇～帶住頭咁行出校門口～

一路行，我都唔多在乎～不過佢哋就提高警覺～

『喂…仲未諗食乜喎...』Lunch得一個鐘㗎咋...仲要等位...而家唔諗定會冇時間食...

安哥仔都係左望右望：「你諗啦...」

威姐就攬住魚魚回頭望：「我哋都冇所謂...」

『咁吖...米線啦不如～好耐都冇食過～』其實我都幾鍾意食米線嘅～快靚正吖嘛～

家嘉都翹實柔柔...佢哋兩個都左望右望又回頭望望點點頭...

『就咁決定啦～』

我哋唔使幾耐就去到～仲唔使等位添～

都真係幾好彩喎～

大家都叫咗自己想食嘅米線～餸～同辣度～

然後再叫豬耳吖～雲耳吖～腩肉吖～雞翼吖一齊Share啦～

不過佢哋幾個都仲係疑神疑鬼咁嘅樣...

『豬耳真係正～』我咬咬豬耳，『喂你哋專心啲食得唔得㗎？對啲食物俾返啲專重！』

「唔係呢...」安哥仔望住門口，「睇住好啲...」

『痴線使唔使吖？』我冇理安哥仔咁多，繼續食，『你慌佢哋會擸晒架生衝入嚟擘我咩？』

安哥仔點晒頭：「係都唔出奇呀！」

大家都好緊張咁望住門口！點點頭！

『咪癲啦～』我半帶恥笑咁擰擰頭，『係搞都唔係而家搞啦～』

大家都望住我...好似等我講落去咁...

『係搞都係放學嘅時候啦...』佢哋真係唔識㗎喎...

大家都係一頭問號...皺皺眉...

『佢哋啲人係咁㗎啦～都係趁你走喇～散喇～返屋企喇～先嚟搵你麻煩～』都唔係第一日嘅事啦～

大家都係唔多信...除威姐點點頭...

『唉總之而家就放心食飽先～要嚟嘅...到時就會嚟㗎喇～』今朝有酒今朝醉吖嘛～

我都講到咁白，但大家都係聽唔入耳嘅...都係咁緊張個門口嘅...

又當然啦～到食完埋埋張單都係冇事發生嘅～

我都話咗㗎啦～

不過我就唔再多講喇～反正講咩都冇用～

最有用都係實證...

返到嚟學校，大家都仲係杯弓蛇影咁嘅樣...

行到嚟班房門口，我同柔柔講多句：『咁放學一齊行街喇～』

「嗯嗯...」柔柔點點頭...

「放學見...」大家都點點頭...同柔柔揮揮手...

我唔提，大家都唔知仲記唔記得...

目送住柔柔行返入班房，我哋又各自坐返埋自己個位。

“叮叮叮噹 叮叮叮噹”上堂嘅鐘聲響起...都係千篇一律嘅校園生活...

學生生涯最無聊都莫過於上堂聽書...上堂聽書...

咁校園生活有啲咩咁值得人懷念？

或者就係情理之中...意料之外嘅事啦～

“叮叮叮噹 叮叮叮噹”放學嘅鐘聲響起...

柔柔好快又嚟到我哋班房門口...

亦都係同Lunch一樣啦～大家都提高警覺！留意住四方八面！

但係我呢...就只要留意住前路...一直向前行...一直向前望...

當我哋行到落嚟...行出校門口...就見到對面馬路有幾個金毛仔...仲有隻小強企埋一齊...

小強同幾個金毛仔講一講...又指指我...

係喇...就係呢啲時候喇...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

幾個金毛仔望住我點點頭...小強就行過嚟...

小強行到嚟我面前：「喂...過嚟傾幾句...」

『好吖～』樂意之至啦！

食食下野衝入去就好玩

唔會咁狼死嘅

鮮血的結末

睇嚟係時候打柒班老黑

都是世界的錯

今次仲唔有仇報仇

係人渣誠嘅錯

人渣誠罪該每年除夕死一次

我每年逢親情人節、聖誕節都要重溫一次

重溫完先好瞓 一定可以深層睡眠

各位早晨
又到星期一有文

唔係喎 今日星期二喇喎

木各身尚早
俾啲精神

早

瞓醒未