【科幻故 唔係科幻幻故/幻幻故】《今次一定救到你》(3)

到魚魚皺晒眉：「真係唔驚㗎咩？」

「真係唔驚㗎～」家嘉擰晒頭，「話唔定可以保護到你添吖～」

魚魚攬住威姐：「我有威姐保護就夠喇～」

「傻妹～」威姐摸摸魚魚個頭～

『喂差唔多喇～』我同安哥仔都已經叉好啲嘢食，坐低燒緊，『邊燒邊傾啦～』

佢哋幾個女仔就邊燒邊傾狗狗～

『喂你鍾意食嘅雞翼吖～』我都有幫坐喺身邊嘅家嘉燒～

「喂唔該～」家嘉用紙碟夾走隻雞翼，「嘩好熱好熱！」

『小心啲吖...』我自己都夾一隻先～

大家圍埋一齊燒～

「喂牛丸啱唔啱？」家嘉都遞咗串牛丸過嚟～

『墨魚丸啱啲～』

你幫吓我～

「咁我要牛丸～唔該家嘉～」

我又幫吓你～

「咁我要你粒魚蛋啦威姐～」

互相分享～

「留返粒俾我吖！」

互相幫助～

「你自己成隻叉都係㗎喇喎～」

唔會吝嗇～

「咁我鍾意食魚蛋吖嘛～」

唔會計較～

「咁要唔要腸仔吖？」

呢啲都係細個先會...

「要吖要吖～我分粒魚蛋俾你啦～」

細個同Friend玩，係唔會計較咁多...

細個最緊要都係開心～唔在乎得失～

咁係由幾時開始了解到得失嘅重要性？

或者俾人搵笨得多？

由幾時開始意識到俾人搵笨呢？

對我嚟講...應該係大學嘅時候...

上堂幫人點埋名...印埋Notes...

起初都係覺得順手姐～

順順吓就好似老奉咁...

喺個Group裡面幫人做埋...差唔多自己做晒...

分呢就平分嘅...

你話有乜緊要事唔得閒...唔識做都算...唔係囉～只係去咗玩囉～

去咗開P開到第二日唔知醒...仲同條女喺床上攬緊...

吃喝玩樂你就識...正經嘢就我做晒...

不過呢啲都係踏出社會之前嘅預習姐～

「安哥仔～」柔柔拎住罐可樂搖兩搖，「要唔要可樂？」

「好吖好吖...」安哥仔點點頭，「唔該唔該...」

「唔使客氣～」柔柔帶住微笑擰擰頭～

朋友...都係中學時期嘅好～

柔柔行到去個發泡膠箱，拎起兩個可樂：「得返最後兩罐咋原來...」

『哦～咁等我去買吖～順便買多袋冰返嚟～』我諗啲咁熱嘅天氣，冰都差唔多融晒。

嘉家都企起身：「咁我陪你去～」

『哦...好吖～』

「咁你哋兩個小心喇～」

「你小心啲先啱吖安哥仔...燶喇...」

「邊...邊係燶姐？」

「都燒得幾靚吖～應該好好味～」

「柔柔啲口味都幾重喎...」

我同家嘉就行去超級市場～

一入到超級市場...

「嘩舒服晒～」家嘉扯吓扯吓自己件背心衫領～

『你都真係幾大汗...』成對北半球都係汗水...

冇錯...家嘉扯吓扯吓件背心衫領...扯到睇到佢對北半球仲見到白色Bra邊...

家嘉一啲都唔自覺嘅...好彩冇其他人見到姐...

「好難唔大汗啦！」家嘉仲要靠埋嚟我面前扯吓扯吓！「今日咁曬又唔熱！」

『都係...成個天空清到...搵舊雲睇吓都冇...』連波罅都露埋出嚟...

雖然話家嘉就未好大對...不過都總係有啲嘢睇...

我都係唔望咁多喇...一陣又誤會我𥄫佢...

「所以都係走嚟過吓冷河先～」家嘉就跟住喺我身邊行～

『原來你係為咗呢樣先同我一齊過嚟嘅...唔係真係想幫我拎嘢嘅...』我就估到㗎喇...

「一為神功，二為弟子啦～」家嘉帶住微笑點點頭～

『OK～OK～』其實都冇咩所謂嘅～

同家嘉推住架車仔行～

拎返箱可樂先～

然後就繼續行～

「喂喂～」家嘉走埋去雪櫃，「不如買啲雪米糍返去咯～」

『哦好吖好吖～』大家都熱㗎喇～買啲凍嘢返去俾佢哋都好～

「咁要咩味？」家嘉伸手落去雪櫃摷摷，「樣樣都要啲？」

『樣樣都要啲囉～揀啲低啲～凍啲冇咁快融～』當我都伸手落雪櫃...

我隻手就摸到家嘉隻手仔...

本來應該係冇咩嘢嘅...頭先扶佢起身都有捉住佢隻手仔...

之但係而家喺冇準備嘅情況之下...又好似...有啲感覺...

不過呢種感覺可能只有我感受到...家嘉好快就拎起咗包雪米糍：「呢包？」

『哦...好好...再揀多幾包低啲嘅...』我就再喺雪櫃底摷多幾包...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

揀好幾隻唔同味...

「我諗應該夠食喇～」家嘉望住我放好晒啲雪米糍落手推車，「仲有咩要買呢？」

『冰吖...』最後先買冰㗎嘛...

魚魚係咪呷醋

今晚到你咁準時

呷邊個先

唔知呢唔知呢
會唔會有驚喜嘅支線出現

後宮

要輪更咁輪先得
頂唔順啦

家嘉引誘時仔

一向都好多驚喜㗎喎

又諗色色嘢

可以一次過嘅

只係太熱姐 冇嘢嘅

個心好熱

咁咪好熱心

所以咪咁熱情

早