[Netflix] 有無人睇咗Adolescence?

真，用老竇第四集嘅表現去判斷佢點教Jamie意義不大。第四集正正講緊佢精神健康已經出現問題，加埋案件本身，已經同佢哋成個家庭日常生活形成一個循環。

老竇一開始係選擇完全信任個仔，正因為咁，睇埋CCTV後佢先更加無辦法反應，繼而迴避咗Jamie。
係劇裏面佢第一個失望。

矛盾在佢冇改變選擇，繼續支持律師為Jamie辯護，貫徹自己一開始選擇咗嘅責任，繼續支持Jamie。然而最後一刻Jamie選擇認罪，即直接承認自己有殺人。依次係劇裏面第二個失望，老竇自然hang撚晒機，消化唔切。

呢句根本係講緊睇緊嘅我

差佬個仔好似李尚正

小朋友演技當然勁抽
但老竇 演技都好撚勁。。
最後一幕。。。睇到勁心痛

得罪講句，睇你咁講有啲躁，成集好似白睇咁

第四集成集家庭視角，唔止講件事對家庭嘅影響同佢哋正視問題
呢集優秀嘅地方，就係角度唔狹隘，唔會講到未成年犯罪一定係家長嘅問題（打通哂第二第三集嘅脈絡）
以為個仔閂埋門喺自己間房就最安全，其實社交媒體年代下，個𡃁仔單憑一個螢幕已經睇哂成個世界

老豆講到佢童年都係比佢老豆用皮帶狂抽
某程度上佢既燥狂/心理都係比再上一代搞壞，就算佢幾盡力唔會打老婆同對仔女都好，都係唔可以完全控制正anger

開頭睇唔太明
淨係集中睇有無乜plot twist，係咪又講咩bully / 家暴影響
但睇到第3集真係mind blown
其實就係講一個小朋友點樣被錯誤既價值觀影響，果種迷惘而不自知，一個好真實好立體既角色

再回睇返第一集個男仔扮無辜
呢個角色個層次幾深
心理學家既內心矛盾，老豆既自責，成套劇既後勁好強

個feel好似

其實就係講一個小朋友點樣被錯誤既價值觀影響，果種迷惘而不自知，一個好真實好立體既角色

好似上面位巴打講
13歲呢個界線定得好
開始識諗嘢但唔識分好壞
有啲psychological approach 講緊呢個時期嘅青年係搵緊Identity
男女角色 仔女角色 學生角色等等
例如Jaime好想知點樣成為一個男人
搵嘅過程唔順暢
加上俾人恰同自己bipolar (似老豆)
搞到做錯事

某程度上老豆因為自己既trauma唔打仔，反而縱容左個仔既rage問題
但無得講，打唔打都可能造今日既後果
套劇就係想講，唔係你覺得對佢好，就唔會有問題
老套講，都係要關心與關懷，溝通

無人會準備好先做老豆
每個人都係一路做一路學
當小朋友發生d咩事，父母一定會諗係咪自己做錯乜野

點解我睇到嘅係男人好恐怖嘅？ 隔離條保安係度發情又唔L識讀空氣人地send 哂signal 叫你收手仲係度左L住哂

我講得有啲想講連大人社會都係咁無界線...所以女心理學家感受到死者面對得唔到就反面嘅威脅

係

我覺得老豆情緒爆煲之前，喺超市遇上撐jamie職員段對話對佢係一場震撼教育（呢場戲好絕）

趕頭趕命買油漆，老豆根本唔知/唔識乜嘢係incel
佢為jamie感到羞恥，打從心底為𡃁妹嘅死感到痛苦
但係世界上竟然有班人會為呢啲事情獲得愉悅，所以聽完職員講嘢佢係完全俾唔到反應

再連接之後收到認罪call，對jamie嘅信任完全崩潰
但係偏偏因為咁樣，之後先同老婆交心正視現實

同意你講角度唔狹隘
呢集描寫老豆性格都幾明顯係交代緊細路既成長環境
而之前已經表達左細路對老豆既崇拜同男尊女卑
至於家長有冇問題或者幾大影響就大家自己理解

心理醫生位演員訪問時，話睇 CCTV 係一班工作人員抺朱古力奶

依個仲要係好傳統既家庭問題

果下心理學家都唔知點答佢

如果依個細路上庭，係咪應該會判20年左右監禁，唔洗終身？

香港個啲仲癲過呢啲
睇套嘢都係把口特別賤，恰下毒撚
唔攝衫

最尾一集點解老豆俾人話NONCE?
仲以為超展開講佢同個仔有咩特殊關係

Max嘅Euphoria中，青少年嘅生活仲恐怖同邪惡，但不排除因為係荷里活拍多好多味精。

我覺得哩套劇所選取嘅偏偏唔係一啲極端學校，反而比較貼近中間偏差，更加表現到實際情況往往比大人係表面見到嘅更差。

我一開始都有咁嘅疑惑，仲要個超市職員細細聲話知道佢嘅嘢會支持佢，以為原來係個阿爸做或者阿爸係啲咩祕密邪教話事人