[Netflix] 有無人睇咗Adolescence?

個阿爸係套劇監製+編劇
都幾撚癲

佢阿爸冇打過小朋友 又勁錫老婆同仔女
反而我覺得係想帶出 即使盡力做好父母角色
都唔代表可以制止子女所有負面行為
仲有網絡 校園 男女關係 朋輩關係
都係影響小朋友成長既重要因素

我覺得成套戲最慘係佢老豆
個仔殺左人 想相信個仔但親眼睇到cctv條片
明明努力做好老豆角色 但最後陷入自責當中
身為一家之主仲要顧好老婆同女感受
抑制住臨近崩潰既情緒
面對咁多野佢都係兇9噴油個o靚仔
同埋發洩係架車到啫
已經比正常人冷靜好多
佢阿爸咁都叫跳掣咩？

成套嘢最大訊息就係叫人千祈唔好生仔

同英國人一齊住緊 我好肯定話你知 佢哋人前人後完全係兩個樣 唔敢喺人哋面前屌鳩人 但背後屌到你上天 我成日講笑問佢話點解唔敢同人正面衝突 哩點同我哋香港人真係差天同地 曾經俾個英國人話有啲羨慕我哋哩種敢直屌人嘅勇氣 我：

我覺得係有跳掣, 佢老婆都話過老公係燥底.
不過係可接受範圍以內, 起碼無家暴先, 而且仲要考慮埋佢既壓力.

其實我覺得第三四集都有種令人懷疑jamie仔響第三集既跳掣係咪黎自佢老豆既傾向, 即係令人覺得係咪典型既老豆暴力影響到個仔呢?
但ends up原來係個misleading黎: 老豆係有D燥底大男人,
不過從來都無打過個仔, 早出晚歸努力工作, 各方面都睇得出同屋企人關係唔錯, 出左事亦都好自責, 價值觀都好正常係個好人黎.

但因為個仔殺左人, 往往都會令人(亦即係我地觀眾)用有色眼鏡去睇佢地一家人, 而且往往會放大D缺點, 覺得係咪佢地家教出問題先會搞到咁, 但事實其實未必係咁.
我覺得導演都有想帶出呢樣野既意思響度.

第三集之後我仲諗個男仔真係殺咗個女仔
但係接受唔到自己係咁嘅人做咗咁嘅嘢
所以唔記得咗(正如第一集話唔記得自己前一晚著咩衫), 自我防衛性失憶
去到第四集佢話認罪先確定原來一直講大話
第四集後半part 睇到勁心酸

老豆最後大爆發睇到我

家姐個鼻環真係好un 眼

https://www.instagram.com/itvcalendar/reel/DHdSN-atiqg/
演員接受訪問都係穿住鼻環
似係個人style 而劇組又同意

最好睇第三集

啱啱睇完，想問點解會話個老豆係戀童癖？

普通料 吹大咗

睇緊第三集：
1.啲女校裙好短 點解香港咁長
2.差佬個仔話中式薯條（椒鹽薯條）好正 搞到我好想試
佢講有幾好食果陣好似rap咁
3.差佬追學生果幕擺明慢跑
4.個黑妹好煩好情緒化

事實個老豆老母同個仔都唔係真係咁close
如果唔係都唔會唔知個仔思想扭曲成咁 返學又唔開心
老豆又唔aware個仔勁自卑 仲要佢係咁參加運動活動

睇左2集。
好癲 第一次睇套成集都一鏡到底既戲。
第二集仲要有成班學生走火警同打交，咁多人都控制到件事。好勁。最尾大合唱果度影住黑妹慢慢拉高空鏡再轉到老豆大頭都很撚順

呢d成集一鏡到底，淨係係打機god of war見過

諗住喺屋企間房都係打下機打下fifa 頂盡睇下咸片 應該冇咩問題
點撚知互聯網有班人日日同你個仔講女人係臭雞喎😅

網上睇過條片講, 個仔話想認罪個陣老豆崩潰出唔到聲, 然後老母出聲先知成家人係度, 跟住老母又拉開話題, 其實都見到佢地溝通得唔太好

老豆一開始就應該講全家人都係度聽到, 崩潰都要講句你俾啲時間我消化諗吓之後再同你講番, 又或者老母同個仔講句老豆有啲混亂俾少少時間佢, 都好過扯開話題

咪即係D仇女既連登仔

上到庭控方要講清楚來龍去脈 俾個官同陪審團知，會影響判決

例如佢一直俾所有人恰最尾俾條女笑終於爆發
定係佢有精神病神神地 都影響佢判幾多年

咪證明咗佢地唔close，至少思想上唔close
佢地以為個仔係咁，但依家個仔就係唔係佢地咁諗
連個仔喺房入面做緊乜又唔知，喺學校俾人蝦又唔知，個仔鍾意畫畫又逼佢學運動
同埋阿爸阿媽都唔多時間陪個仔，好多父母都係咁，好明顯套戲都有呢個msg帶出嚟

如果唔係佢地都唔會話自己可以再做好啲

啱呀 好明顯親子溝通有問題
同埋個老豆對母女都dominant，個仔一樣有樣學樣

想知其實英國有幾大比例嘅學校係咁差？
啲學生可以自出自入，喺正老師面前bully人冇後果，仲叫miss shut up
咁樣嘅學校算係英國差嘅學校定常見係咁上下？

重睇好嗎？

1. 好common，尤其係state school，重要係戲入面果間d人咁，btw佢哋都好興摺裙頭，雖然老師係會捉

2. 睇果陣心諗：唔𨶙係呀，平時見d chinese takeaway成堆local排隊幫襯，連peppa pig都有集食chinese buffet，完全理解唔到

3. 我哋都發現，估係要就cameraman

有無移英撚講下d high school bully係咪真係咁嚴重
覺得好似仲癲過韓國咁
亞洲人始終無外國人咁癲，都會忌下老師唔敢做到咁出面，但外國d學生好似完全唔當老師係一回事咁