[Netflix] 有無人睇咗Adolescence?

其實會唔會係臨時發揮無對白，大剛比演員做。第三集好癲，個張力好勁，個細路真係好似白卡仔咁，跳黎跳去啲情緒。

第二集尾唔知點拍拍下變航拍angle

又未到教畜下話
d學生咁頑劣 根本唔會聽人講

making of有拍到個鏡頭點接，本身handheld跟住旁邊有2個人幫手將個航拍機駁上個鏡頭，全程一路拍緊。

另外有個鏡頭又係好正，第4集本身影住阿媽大頭，跟住佢行樓梯上樓上，部機就又下面嘅攝影師遞上去俾樓上嘅攝影師繼續拍

就係殺完人都冇認咪已經係衰
佢嘅對白成日出現 I did not do anything wrong
俾我嘅感覺係 佢個思想就算咁樣殺人都唔係錯

而佢喺鏡頭入面 展現脆弱嘅時間好少 亦唔想其他人去理解佢

我好欣賞佢個拍攝手法
但有無人都覺得套野有啲悶

第三集仲要係個細路仔第一次接戲第一次上鏡，係拍咗呢一集先拍其他嘅集數，真係異想天開，黐撚線
佢啲演技直頭影帝級，完全捉到嗰種神髓

呢種劇本係會悶啲，因為有一啲時間正常嚟講普通電視劇係唔會咁仔細
但係其實佢已經將好多應該要用多10倍時間發生嘅嘢，濃縮咗一齊
例如第一集基本上成個程序冇可能咁快
第三集以正常心理咨詢嚟講係唔應該咁短

一定有啦，無咩故事性又唔娛樂（無女無打鬥無特技），比較寫實同著重角色間嘅情感交流同令人反思，睇慣爆谷電影一定頂唔順。

Stephen Graham 係 creator 同 writer，老逗呢個主要角色一定係佢自己做，個仔自然就一定係白人。況且佢搵到個咁勁嘅 Owen 完全 carry 到個角色，我覺得無第二個演員比佢識合。

經過睇完 line of duty 同 bodies 嘅洗禮我已經習慣咗佢嘅口音

警察果然鐘意朝早6點幾捉人
英國定香港都係

網上評分最多係5分，第二多就係1分。啲批評主要係故事唔完整。講到就黎上庭又唔講埋落去，主角由話自己無做過變成想認罪中間又無著墨。第二集捉咗個朋友Ryan 又無下文，死者好朋友打左Ryan一下話佢殺咗死者，之後又無follow up。唔知係咪因為要就一鏡到底而要犧牲故事完整性。唔知係咪有第二季講埋落去。

其實我想要故事完整性多過一鏡到底呢啲高難度嘅拍攝技巧。特別呢啲探討社會議題既主題。

我覺得個問題係 個故事本身係悶 所以冇計
本身個案件唔係d咩驚天動地嘅事
而且本身好多人都已經理解係咩事
依家係探討個過程

唔駛同佢辯論啦，佢講嚟講去都係攞啲stat跟住就話黑人至上，如果哩個世界有左膠，咁佢哩啲就係右膠。

不過我同意你嘅論點。

最易人齊掛

好似睇唔到Ryan 同Jimmy嘅存在係有咩意思

但如果拍哂哩啲就會變返係一般犯罪片嘅套路。而今次咁拍，你當然一個橫切面去睇Jamie 同佢身邊嘅環境。係犧牲嘅傳統嘅故事性，不過就睇到更多面向，好似Jamie 嘅內心世界，佢每日面對嘅同學老師係咩人，被人拉個程序係點，身邊嘅人點被單案影響。每個面向都提供咗一定嘅資訊俾人去理解感受，再俾空間去思考。至於某啲細節我覺得佢哋就係經過取捨後無加落去，因為唔係佢哋想帶出嘅重點。

我反而幾鐘意咁多留白位，同唔講到去上庭哩一點
講埋上庭的話好似太陳鋪直述
俾人多啲想像同討論空間

好似“爸爸”咁，點解唔講多啲單案，唔講多啲阿爸同個仔嘅相處，但部戲其實主要就係想講爸爸喺案件之後嘅生活同埋以佢嘅視覺去回想究竟點到出錯，同懷念幸福嘅日子。哩啲都係觀眾嘅期望落差，但如果進入到個作品嘅世界，就係感受到佢想帶俾你嘅係咩，而唔係我要求佢俾咩我。

用嚟說明Jamie仔唔係獨家村冇朋友(雖然係豬酒朋友)

如果講上庭就離晒題, 呢套劇集係講青少年問題, 如果講上庭的話就變左一般查案劇
而且亦無必要有法庭戲, 第一集CCTV都影到晒, 查案上嘅劇情已無野好再寫, 不過我都見到有D人問咁定罪未, cctv都唔算清楚(咁都唔清楚?)可以繼續打wor 呢D人錯晒重點, 不如去返睇csi啦

聽過清晨係人心理最脆弱時間
所以香港popo雪糕佬都興揀清晨上門

Google咗NONCE係孌童犯嘅意思, 完全唔關事純粹想整9佢地

第二集勁快放學添