[Netflix] 有無人睇咗Adolescence?

個心理學家真心覺得佢可憐，因為Jamie唔係天生就係一個壞人，不過被個世界同身邊嘅人令到佢諗嘢咁極端同扭曲（其實扭曲嘅係個世界）。我特別鍾意個心理學家最後連想執返Jamie食過嘅三文治都唔想因為覺得成件事好可怕，好嘔心

13歲依個界線set得好好，仲好有童真，但某d位又成熟，但腦筍都未生埋，不過又有生育能力

真，如果黑人做主角我唔會睇，除非danzel Washington 呢個級數

套嘢其中一個point就係想講
青少年罪犯可以係出自一個好「平常」嘅背景(instead of 問題家庭/指定某類人)
從而令大眾反思自身嘅家庭教育 各樣

唔係話黑人家庭唔平常
但唔難想像如果揾黑人做, 個焦點好易畀人拉咗去種族度
所以咁樣設定算幾合理

其實心理學家最後流眼淚個到有啲心酸。
佢嘅角色唔係話佢有冇做，而係梳理佢成個人。
發現個小朋友嘅思維係扭曲曬，
但當中家庭、同輩、學校文化種種made him。
最後個小朋友嘅呼叫，都係想知有冇人愛我。

今次係佢第一次演戲
而成套劇第一日拍就係第三集

咁真係天才

一口氣睇完,
係英國生活左2 年, 有一個year9既細路,
感受有D 深, 套劇一集探討一個社會問題,

第一集提到警察做野好公式化, 有冇濫權, 拍得出做錯事比警察拉左果種好繃緊既氣氛

第二集講教育問題, 以我親身觀察, 套劇係有D 誇張左, 但唔排除banding 差既學校真係咁, 有個位都好貼近現實, 個老師叫學生攝返好件衫, 我個細路最近都開始唔攝衫返學, 佢話個個都係咁啦, 英國既教育就係咁, 比相對多既自由, 但有時太過鬆就收唔返

第三集講年青人既價值觀念有問題

第四集去返家庭倫理, 一個人做錯事, 係成個家庭去承擔, 某程度有少少教育成份, 等D 人做壞事之前諗諗先

仲有講下英國人平時生活果種抑壓, 表面好有禮貌, 轉個面就背後屌鳩你

理解得同你有少少唔同

我覺得套劇重點側重於 用唔同切入點去探討青少年犯罪一個issue，多過借一單青少年犯罪case去講唔同issue

第一集主要係帶出個故事

第二集從學校、peer、網絡生態角度 依啲表層近因去講

第三集深入少少 從心理層面、社會對性別嘅觀念/風氣 等等角度去分析

第四集寫原生家庭嘅影響 亦係構成男主現時人格嘅遠因
不過設計上好巧妙地唔直接寫返男主細個點點點成長
而係借佢屋企人點應對當下情況 就令觀眾明白男主喺一個咩家庭背景之下長大

當然講嘅時候都會捉碰到唔同issue，但係主要都會環繞住同一個命題去探討，分析依類悲劇係何以釀成

再睇返第一集警察點做嘢嗰個部份
某程度上係對照住成件事：
有時候即使每個持份者都合理地完成咗自身嘅職責 有啲問題卻仍然無法制止
屋企對門被撞爛好難追究 如是；青少年犯罪 同樣如是
而依個可能就正正係 要思考整個big picture發生咗咩事嘅時候

英劇水準一直好好

邊忽合理？
左膠戲最鍾意誇大啲小眾例子製造假氛圍
以英國人口分布為基數去計
黑人謀殺嘅機率係白人同亞洲人嘅4倍以上
而侵害其他種族嘅比率亦係黑人高據榜首
明顯嘅事實就偏偏唔敢拍
呢套現實改編劇將犯人種族由黑改白
相反另外有啲講述英勇偉大事跡嘅就白變黑
依家啲影視 blackwash 到離晒譜

由間鋪頭跟到上van
無逢接軌

我都好憎DEI，同埋夾硬加入女權，黑人就一定係好人同強大，白男人就又廢又賤哩啲情節嘅影視作品。但哩套真係係咩哩種特登讚頌黑人踩低白人喎。

有驚喜。英國版《爸爸》。
不過啲英文好難聽

英國d學校係咪真係咁恐怖

度度都有學校係咁恐怖嘅啦

British accent 好好聽喎

有無人覺得第三集個男仔喺度扮聲個感覺好邪惡

第四集最入心
睇得出家人要承受好多野

好高質 第1同3集最精采
男主咁細個就咁好戲

以前媒體冇咁勁
而家個世界真係太複雜太多資訊
想簡單啲都唔得

唔通你expect 一個doncaster 嘅家庭有rp accent 咩

開頭我聽都覺得似北部口音, 但套劇冇明確講係邊個地區, 最尾果集有提好唔好搬返去利物浦, 利物浦口音出名難聽.

第三集 Jamie 話心理學家講 posh 口音, 咁都解釋左 Jamie 一家都係重口音既, 唔係 London / 南部人

睇 reddit D 鬼佬講呢套劇, 都話要開住字幕先明.

好似係doncaster doncaster 係警局 其實第一集已經好密切hint jamie 係working class family 出身 由口音 甚至個律師問jamie 佢history 最鍾意咩 佢答industrial revolution 同brunel

咁公道講<爸爸>單case難處理好多
兇手受害人同時係自己最愛，嗰個心理狀態我諗冇乜人代入到