[Netflix] 有無人睇咗Adolescence?

我覺得你投放嘅角度唔啱
第4集係講 家人面對嘅問題 而唔係講屋企人點發癲影響到下一代

見到佢哋去到舖頭先知老豆一直話要去range

個仔發癲係想操控心理學家寫啲對佢有利嘅嘢（包括不停想知佢report寫咗D咩）
但係佢爆響口話自己有機會"touch"受害人，但無咁做，話自己好過其他人
佢唔係直認佢殺咗人，但係證明咗佢心理扭曲，佢講錯嘢就開始補救係咁話自己無咁做
個therapist都知道佢認咗所以好快就同佢講係最後一次見面
另一方面係佢對女性先會想咁做，對另一個male therapist就無呢樣操控行為，當然另一方面係佢想得到女性認同

呢集真係寫得好好有好多層面

覆錯咗comment本身想覆上一層

成套戲都唔係講因為阿爸成日失控先令個仔學到
而係講啲家長以為自己照顧得啲細路好好

有幾句對白好明顯
第一集，老豆話自己成晚都返工，岩岩先返屋企
第四集，老母話佢夜晚會問佢有無做功課，阿仔返房唔理佢
同埋，英國唔係香港，夜麻麻點會仲可以比佢自己出街玩
都係講緊佢地其實管教不善，更加係好多依家英國父母既問題

如果咁就令到個仔學壞，香港應該通街都係殺人犯

好好奇師兄係咪聖人，邊有人可以一世都無脾氣，到時谷爆咗自己咪又係另一個悲劇

成個故仔咪就係講一個普通細路喺一個普通家庭，當中冇乜壞人但個𡃁仔都去咗殺人，個阿爸係好人同埋值得同情，但唔代表佢 EQ 低係無令個仔唔識管理情緒嘅其中一個因素，最後就有嘢 tigger 令佢殺人。

另外，假設你係個心理學家，今日見完個𡃁仔話佢只見阿爸跳過一次掣，第二日就喺街見到佢跳掣，你覺得個心理醫生仲會唔會信個𡃁仔講嘅嘢？

我諗大家咁大反應唔係話個理解啱同錯，而係大家覺得咁樣怪個老豆係對個老豆好唔公平。大家都唔否認個老豆可以做好啲，但令到Jamie 殺人係有好多原因組成，而佢阿爸嘅影響一定唔係最大，因為Jamie從來無對老豆發脾氣會表示好崇拜佢，而佢殺Katie 亦唔止單單係一時衝動，因為佢一直問Ryan 攞咗刀先去見Katie。

相反，係哩啲時間去怪個阿爸就好似啲三姑六婆見人哋個仔女自殺就背後話梗係個父母唔識教啦，害死個女啦，咁樣jump to conclusion 根本幫唔到件事仲踩多啲家人一腳

其實心理學家做評估嗰時唔係諗佢父母平時係點，而係要知道Jamie 點認知佢阿爸嘅行為，更加重要係佢對女性，暴力，死亡嘅認知。如果佢咁需要知道爸爸係咪成日發脾氣，佢應該會interview 個爸爸，唔係估Jamie 有無對於爸爸嘅脾氣報細數。而且佢爸爸係點唔係最重要，好似之前師兄講，個女咪一樣好成熟面對自己嘅情緒，所以重點係Jamie 點睇使用暴力嘅對錯

個仔唔係情緒失控去殺人
佢係有預謀 揾fd拎刀 殺完仲識清走證據 算係冷靜果邊啵
完全都唔關EQ事 反而個仔個EQ可能係好高添 所以先plan 到呢個殺人事件 知道訴諸情緒係冇用

另外心理學家 唔係判斷client 誠實與否
係研究/理解佢 點理解個世界或睇到嘅事物
信唔信佢唔係佢要做嘅事

第二集個中miss喺課室有個位
應該漏咗介紹個女警，之後補返
但咁樣反而仲真實

一晚睇一集
而家睇緊第三集
Jamie係咁R痕有咩含意

通常緊張或講大話都好鍾意掂塊面

係咁的 聽左4年me daughter me乜乜乜

一鏡過除咗係撚花臣，佢都令觀眾更容易代入當時人處境

其實第三集有啲講到男主屋企啲男人係佢死穴
咩都講得係唔講得佢阿爸同阿爺
只要一講到就會跳制
唔可以排除佢認為 alpha male 就係咁

第四集佢爸都展現到其實都好暴躁但係佢都會反省同埋意識到對人唔好之後會盡力安撫返人哋同道歉
好似佢倒瀉啲清潔劑佢會不停道歉同處理返
雖然佢對媽媽同個女係命令式口吻但其實佢都會好照顧其他人感受

男主同阿爸相反係佢唔會反省自己嘅錯
覺得女人就要聽佢講
佢控制唔到人哋就係人哋問題
同埋佢會嘗試用情緒勒索掌控個情況
例子係個佢同心理醫生嘅對話同佢諗住係個女仔情緒最低位就可以乘虛而入一樣

心理醫生覺得佢無得救係因為佢睇穿咗佢本身係pure evil
而唔係因為原生家庭影響或者其他外力導致佢行錯路
所以佢最後好快咁叫佢日後一定要搵心理醫生同接受䒧木方治療

講最後一次見面應該係佢意識到佢本身心理就扭曲
唔係因為外力導致
根本係有心理病
同埋佢應該好錯愕原來一直俾一個年紀咁細嘅人操控咗而不自知

點解可憐
因為佢既係加害者，又係受害人嘅身份
套劇唔係淨係講佢有幾壞/有幾好囉

就係衰在佢冇反省/唔覺得自己做嘅野有問題所以唔值得人可憐

搭單問吓
第三集一時時有雨聲有冇特別意思？
代表男主嗰刻情緒嚟料？

師兄你睇嘢都幾單一，現實唔會單一個原因就導致一個咁嚴重嘅後果，呢套戲正正講緊社會，學校，家庭都有影響，而且個影響仲要係對個個都唔同，例如，佢地個女就好乖，明明一樣咁教
做父母唔係聖人，只能夠做到最好，佢地都避免唔到小朋友接觸到啲咩

恰恰相反，反而覺得套劇好intense
淨係拍攝手法已經令人抖唔氣

一鏡過唔係噱頭/炫技（當然技術含量好高），係有意義
一鏡過令到觀眾同發生緊嘅故事同步，簡單同粗暴既手法凝聚到高壓氣氛（我知道拍起上嚟一啲都唔簡單），臨場感非常強，所以呢個拍攝手法係有意為之嘅事情
更容易感受到劇入面角色短時間內承受嘅視聽壓力，同佢哋同情共感

套劇短短四粒鐘夠哂窒息，而且訊息量又多，所以之前我覺得一個禮拜一集會更容易消化

利申：深夜一炮過煲完之後訓唔到覺

點會唔完整同冇下文

1 套劇好明顯唔係刑偵片/法庭劇，否則就唔會第一集曝光指控jamie係兇手嘅直接證據（cctv片段）
而且案件唔係草草了事，只係佢嘅重心唔同，唔係講點樣破案、點樣開庭
殺人案只係個愰子，而係圍繞住jamie睇青少年犯罪問題

2 ryan係jamie嘅豬朋狗友，jade激動情緒下嘅洩憤同指控

3 第三集有講，ryan條罪輕過jamie，所以被困喺屋企等上庭
呢點jamie係好不滿，有同心理專家呻

佢唔係講老竇就跳掣
佢好聰明，佢知道個therapist咁問係想chok佢係咪屋企人搞到佢咁
佢唔想被套話，同埋佢好鍾意佢老竇，佢阿媽第四集講"he idolises you"，第一集睇完段CCTV都即刻挨去老竇度話佢無做過，好似個小朋友咁
雖然佢哋喺套戲無實際提及過佢哋大個咗嘅關係係點，但個阿爺兩個禮拜就會見一次，大時大節都會一齊過，細個可能打過個老竇（小朋友未必知），但係大個咗可能已經修補咗關係，喺佢眼中可能就係一個阿爺，但又唔係特別close咁掛
反而阿媽嗰邊斷聯就真係完全斷咗

therapist角度係要確定佢明白咩叫masculinity（左膠鍾意講toxic masculinity）
佢套戲提及嘅red pill, Andrew Tate都係始祖嚟，Tate仲叫佢自己做king of toxic masculinity
個老竇toxic masculinity方面喺佢身上我覺得唔係情緒失面方面，佢toxic個點反而係鍾意收收埋埋，男人係唔可以show太多emotions
同埋要做breadwinner養家呢類型特定嘅男性角色
Masculinity個topic好大好闊都好難講得完
傾呢個話題都係想睇吓佢點睇男性 女性 同兩性關係
佢跳掣係想操控人多啲佢覺得咁樣會拋塞佢，會令到個評估會favour佢
不過佢好專業無俾佢影響到，最後完咗先喊出嚟