[Netflix] 有無人睇咗Adolescence?

根本就係個阿爸嘅倒模，個阿爸平時都正常人一個。

我覺得你有少少扭曲咗

佢老竇係自責多過要遷怒喺屋企人身上

審犯果陣鏡頭係咁轉有d 暈

無話佢遷怒屋企人
一直講緊佢唔識控制情緒
而個仔又不知不覺學咗佢
套劇本身就係講緊唔係壞人家長先會教出殺人犯
阿爸本身唔係壞人，甚至好錫個仔
但最終佢嘅惡習害咗個小朋友

好難直接比較 老豆同個仔喎
老豆揹住個仔係殺人犯, 被d𡃁仔搞部車, 鄰居食花生嘅生活壓力
再加上某程度嘅自我懷疑 例如點解個仔會咁 我教錯左d咩 點解我會發現唔到之類
佢係唔識應對而情緒崩潰

個仔係有d小聰明用呢d情緒招數去影響/控制人
帶有d邪念

第4集老豆個反應其實都好正常姐
比人噴漆
鄰居既眼光
店員不斷重提件事
單車細路既嘲諷
扯火都好正常

只係大家覺得重要嘅嘢唔同，對一個初中生嚟講，校園生活、溝女、social media 就係佢嘅大部份生活，佢一樣覺得俾條女拒絕同欺凌好無面，只係大人覺得呢啲好小事。

同埋你留意返阿爸發癲嗰陣控制欲都好強，迫個老母同個女一齊出去，嚇到兩母女唔敢逆佢意，當然個仔再邪惡啲就可能係佢再 develop 出嚟，但情緒失控呢點係承襲個阿爸。

人有情緒係好正常
佢嘅反應全部都係正常
佢當時係極度悲痛當中
個細路話最勁一次係整爛個shed，佢都係發洩落死物度
有情緒然後爆完出嚟收返已經係control，嗌完一下好快就轉換咗心情
控制唔到嘅意思係一直沉淪喺某一種情緒，或者有意圖去傷害自己或他人
個仔唔係學佢..係social media睇好多Andrew tate red pill blue pill incel嘢，信以為真
第三集佢仲話原本可以性侵佢但佢無咁做...都係睇得多呢啲垃圾影響咗
同高登/ 連登仔以前成日講嘅不要戀愛去強姦咁
正常人知道係講笑，諗歪咗嘅就真係去行動

最後講嘅唔係佢嘅惡習影響佢，而係俾得唔夠多關懷佢，即使佢以為好錫佢好愛護佢，都仍然係唔足夠
佢喺房睇咩做咩，父母都唔知道，學校發生咩事又唔知，佢覺得如果有同佢傾多啲計知佢諗緊咩就唔會咁，而且唔係關佢返工long hour事，個老母多啲時間喺屋企都係咁
第二集個警員早啲意識到，佢哋上一代連啲internet lingo都唔識，最後邀請個仔去食嘢同佢傾計就係個solution囉

係咁用me黎當my用

重睇啦
成套戲就係想講呢單野幾complex
你一野就話因為老豆eq低搞到個仔咁
臨尾咪講左，同樣既教法，佢地可以教到個好既女出黎
根本唔可以單一咁搵原因

個仔話只見過阿爸跳過一次掣咁大把
但下一集就講個阿爸喺老婆同個女面前跳掣
唔能夠排除個阿爸經常跳掣但無炒到咁大
而個仔唔覺得咁樣有問題
即係個仔十幾年只見過一次嘅事
轉頭就發生咗，呢度真係有好大想像空間

如果最嬲都係整爛圍欄就=會教到個仔唔識控制情緒
咁既因果應該做乜都錯
同埋你睇既全部係佢發現個仔殺人之後既事
你就用講推返去個仔殺人前當係原因

我幾時有話單一原因？導演用咁大篇幅去寫個阿爸跳掣，反而話俾條女欺凌都無講咁多，個用意已經好明顯。

師兄
個仔話老豆果一次跳制係殺人前
佢呢d反常行為係個仔殺人後，咁都可以類比？
拜托你唔好再撈亂好嘛
試下認真d睇多次唔好咁biased先

個𡃁仔夠一直話自己無殺人
本身已經唔係一個誠實嘅人啦
你又點可以信晒佢講嘅嘢？

其實你係真係唔明架喎
佢果d叫跳制咩？正常人個仔殺完人俾人咁噴法，都會好似佢咁嬲
另一次佢嬲係個sales話撐佢仔，而佢心知個仔係有做，所以先有咁既情緒
每樣野都有原因，唔係叫跳制
依家佢個仔殺左人，唔係考試唔合格

點解唔可以咁推理？一來個仔已經有講大話嘅前科，二來出於阿仔好祟拜個阿爸，佢講嘅嘢未必係事實嘅全部，三來個仔一講個阿爸只跳過一次掣，下一集佢就再跳一次，有無咁橋？你嘅觀點只係建基於你信晒個𡃁仔講嘅口供，但忽略咗佢 even 對住個阿爸都講大話。同埋，唔使下下叫重睇，你有 points 歡迎你反駁

如果淨係將殺人嘅原因歸咎於個老竇嘅情緒控制可能會太簡化成個問題。現實上一種米養百種人，做好一個‘good dad’ 唔可能就確保個仔唔走錯路。成套劇不停帶全部都唔同嘅元素例如social media / peer pressure 等等潛在因素。

冇人係完美的，個老竇上一代俾人abuse 佢已經盡咗力去以佢嘅方法去教jamie. 同埋Jamie 亦都唔係幾歲小朋友，冇可能所有佢犯錯嘅責任pin落佢老竇.睇佢同個心理學家嗰啲互動, 佢係聰明同埋對social power 有一定程度嘅理解

呀爸係真係情緒失控

第3集個仔果d 唔係失控喎
佢自以為聰明 當手段嚟用 佢自己操控㗎喎
係真係由呀爸到學返嚟 點會去到殺人 咁冷靜而冇發哂癲大吵大鬧

我再重申返，我無話個阿爸唔識控制情緒係令個仔殺人嘅單一原因，但絕對係其中一個重要嘅原因，否則個故事唔會用 1/4 篇幅去寫個阿爸發癲。

講大話前科
邊個細個冇講過大話？
打爛嘢 整唔見嘢 呢啲濕碎嘢你唔想俾人鬧
你都話唔係你做啦
講到Jamie 講大話當食生菜咁

個 point 係得佢同阿爸兩個人佢都仲否認殺人
去到呢度你覺得可以用平日啲濕星嘢去比較？

唔係唔俾你有自己意見
但你講既野好多就係套野本身就駁左
但你照樣自說自話
除左叫你重睇冇咩可以討論

同埋我估男主角都係想拗水吹，又有朱古力飲，覺得心理學家關心佢，先搞到睇5次先輸

另外失控 同 謀殺已經兩回事

相反男主心計好叻就真