[Netflix] 有無人睇咗Adolescence?

其實老豆純粹普通大男人
佢都好努力唔用自己老豆個套體罰教仔
主角成長環境根本唔算差
甚至家姐幾生性同識諗
所以青春期一諗歪少少真係好鬼易出事

如果擺落呢套劇度，我覺得要教仔/同到個仔相處要好叻同好花時間
eg 識得擺時間去學新一代嘅 social media同埋解讀堆hidden message
(諗起個心理學家想講ig但講錯左facebook俾jamie話)
識得直接表達愛意(好似個男警探第二集尾對個仔咁)
識得欣賞個仔同埋成日同佢有有效溝通(平時)

但睇返套劇就知，老豆有心但無力
一黎自己都忙住打工賺錢養屋企(返6收8仲要收入都未必穩定)
二黎generation gap真係好難突破(我睇住第二集男警探個仔講解啲hidden message先發現自己好似個老豆咁呆左，唔認老都唔得)
三黎老豆自己都有自己嘅黎自原生家庭嘅創傷無醫過

我覺得教仔呢家野，不分年代時間都係好撚難

如果係香港背景劇
個男仔應該成日上連登

係，好多時原生家庭末必有關

電影＜爸爸＞都係，入面劉青雲都叫有盤小生意，生活安穩

學校同網絡有時影響仲大

明白老豆已經盡力俾最好既仔女
所以話係一個悲劇
但同時見到老豆仍然係會失控暴燥同埋全家女人都要聽晒佢講

我覺得Adolescence最尾老豆都話自己盡力唔將體罰嘅一套，放落個仔到。依個係好好
但佢都認自己可以再做好啲。
而我覺得導演有比到少少方向，就係黑人警長
佢本身都好忙，但最後都嘗試抽空陪伴，了解年輕人文化，同啲傾談。

而「爸爸」我覺得都係好無力，
劉青雲真係做曬一切自己能力嘅野
但「病」一到，人就好無能為力。
爸爸所找個原因，但病可能就係冇原因
人只可以諗著相處、共存。

唔同嘅係通常連登仔都係自嘲，喺其他地方好少見人笑其他人係連登仔黎表達呢啲意思
但(最少劇入面)incel係jamie俾人喺ig話佢係黎bully佢

可以咁講
加上同佢三唔識七，癡身癡世癡到咁埋唔知想點
即時見到個心理專家面部表情係有明顯調整

相信會有女性觀眾會睇到有不適感，心理專家算好好禮貌

睇到第四集老豆提議不如搬返去利物浦住
我即時心諗：屌 唔怪得咁重口音

佢哋成家口音好重
但都算聽得明

第4集比《爸爸》更貼題，講嘅係表達手法。
先從Jamie老豆對家人處事方法及對話，反映出佢性格。然後剖白佢對Jamie嘅所作所為反思。其實係好淺白，說教得嚟但又不俗套。就算Jamie今集只係短短嘅phone call，都表現到呢一家嘅連繫。最後係感人嘅。

當日我睇完《爸爸》，有種說不出的欠缺。覺得套戲應該叫《老公》《茶記老闆》。

而警長個仔Adam同Jamie都有啲對照位
一樣係學校都被人bully
但諗野未至必咁極端，
藉住單案都識得揾同老豆傾，
令佢唔洗盲鍾鍾揾IG線索

但Jamie自細因運動唔叻，而老豆又無認同佢
係學校又無被愛感，種種原因搞到出事
出左事後都同老豆講無做

睇到呢度諗起第三集jamie回憶自己踢波表現唔好，老豆即時反應係會另轉面唔望佢
睇見老豆對老母反省返件事，好懊悔同無能為力個心好撚痛

認同認同！
我覺得佢爸爸好masculine，
然後好想佢仔仔一樣，但Jamie本身就中意靜態活動，例如畫畫。
最慘嘅係，當小朋友迎合咗大人嘅意願，但做得唔好嘅時候，爸爸連眼尾都唔會望佢一眼。
嗰一種失落、缺乏認同，諗起都幾sad。

Lm

真
尤其而家資訊發達
太多新奇social media
generation gap只會越嚟越大

唔評論專唔專業，但比起同情個𡃁仔
我覺得一個表面上望落去弱勢嘅細路，只係對佢輕手

不過我覺得打從爆門入屋，到差館落口供，成個過程係好行雲流水好好睇
緊湊到去差佬食蘋果先有少少抖氣位

個女冇咩口音啦

反而我覺得單憑第四集話老豆容易衝動暴躁，當佢經歷咗咁重大嘅變故，生日當日仲要承受唔同嘅刺激、甚至受到威脅，佢情緒爆煲完全係一個普通人正常不過嘅反應

睇第三集 直程有窒息嘅感覺！ 完全比男主角嘅失控，嚇親，都明白點解心理學家最尾會流眼淚，如果我係嗰個心理學家，我都會頂唔順嗰種高壓 ，眼淚忍唔住流
男主角good job

阿爺、老豆、阿仔佢地性格都似, 都係好暴躁, 分別只係老豆呢代唔再打仔, 但3代父子都唔識溝通, 不過又唔可以怪老豆或阿爺, 因為佢地自己阿爸都係咁對自己, 佢地又點會識得父子應該係點樣相處

香港要用自己嘅方法，外國就peacock同amazon

好似都有提過佢地以為殺人犯一定來自複雜家庭, 即父母離異、吸毒、入獄, 但原來可以來自一個好普通家庭, 甚麼仲可以話算唔差嘅家庭

笑對方驚13歲細路 同埋
「睇下你個樣 一副期待我爆出啲咩料嘅樣子」
依兩句都好深刻 勁manipulative

懷疑中段老豆有句對白甩咗，阿女同媽媽提佢