定係怪人會做巴膠


上回講到喺圖書館Set好晒場,就拍Joanne先~
都係好似一般學生咁坐喺圖書館睇書~
又拎部電話出嚟想Send Message又唔Send~
期間LB完全冇望過Joanne~只係同Marco傾嘢~
Joanne好快就拍完,因為佢個心情都同個劇本一樣吖嘛~做返自己係容易嘅~
跟住就到LB~都係好似Joanne咁啦~
LB都好快手搞掂喎~果然係明星~好識做戲~
「好!好!非常好!Cut!Good Take!」Mark導拍晒手!「嚟睇返Playback先~」
Joanne都走過去一齊睇~不過就冇企埋喺LB身邊...
佢哋中間都隔咗阿Da同Marco...
個距離感就更加大...
望住個Mon...望住LB睇書嘅樣...
心不在焉...心不在焉...
諗緊Joanne咁心不在焉...
然後就拎起部電話想Send Message俾Joanne...但係打完又唔Send...放返低部電話繼續睇書...
Joanne係唔係諗多咗吖?都冇話係諗緊佢又冇話係Send俾佢!
又唔係咁講喎...而家拍緊MV㗎嘛...係要投入啲㗎啦~要投入啲就自然要諗多啲先投入到㗎啦~
係咯好合邏輯姐~
「好好吖!」Mark導又拍晒手!「都係一Take搞掂!你兩個真係好專業呢!」
Joanne同LB對望一眼...然後笑笑口...
終於都有眼神接觸喇!
呢一刻嘅眼神接觸,好似等咗幾個世紀...而且仲有...久違嘅觸電感覺?
跟住既劇情發展又會係點呢?
準備出文