【pH值介乎於7飄浮的愛情故事】《一腳踏兩船》(7)

Jeff都攬實我...靜靜咁坐呢程巴士...

感受住Jeff嘅心跳...感覺到佢嘅心裡面有我...

唔知Jeff又感唔感覺到我嘅心跳呢？會唔會察覺到...我心裡多咗一個人？

我有啲驚...但又唔想逃避...只好再攬得Jeff實啲！攬得緊啲！

緊緊咁攬實Jeff...坐咗成程車...

落車之後，我哋都係一左一右咁拎住個野餐籃慢慢行...

全程都冇拖過手...全日都冇拖過手...

直到行到返嚟屋企樓下...

直到行到返嚟屋企樓下...

「返到上去唞吓先喇～」Jeff一面溫柔咁向我揮揮手～

『嗯～』我有啲唔係咁敢直視Jeff，『返到上去打俾你吖～』

「嗯～咁好啦～」Jeff點點頭，「小心啲喇～」

『嗯～』同Jeff揮揮手之後，我就行入大堂等𨋢...

Jeff都仲係喺出面呆呆咁望住我...一如既往咁目送我入𨋢...

返到上去，我都第一時間打俾Jeff...

『喂～去到邊吖？』

「啱啱先行緊去搭車咋嘛～你咁快嘅？」

『係吖～一入門口就打俾你喇～每次都係㗎啦～』

或者係因為...我自己都覺得今日冷落咗Jeff...

「但你今日咁攰，使唔使唞唞先吖？」

『一邊傾一邊唞都得啦～』

「唔使執嘢咩？」

『咁加埋執嘢囉～』

同Jeff一邊傾，一邊執返個袋啲嘢出嚟～

『今日個三文治好正吖～下次可以再買～』

「好吖～支果汁呢？得唔得吖？」

『都得吖～唔太酸～』

「就係知你唔飲得酸～呢間啲果汁唔太酸～又唔會太甜～」

將個袋啲嘢拎返出嚟後，又拎部電話出嚟睇睇～碌碌IG～

「而家真係冇乜人去野餐喎～」

『而家度度都冇人㗎啦～』

好多心心～又好多留言～

「少人啲都好吖～」

『係吖唔使同人迫～』

再開埋個DM嚟睇...果然LB有DM我！

“LB：返咗屋企喇？”

“返咗喇”

我就一邊同LB Send Message…

『下次可以再買多啲生果添～』

一邊同Jeff傾電話...

“LB：好想見你吖”

“有冇咁掛住吖？”

「食多啲生果都好～」

『係影相影出嚟會靚啲吖～』

講到一心二用，我都OK嘅～

“LB：係好掛好掛 而家就要見到你”

“睇相咪見到囉”

“LB：睇相邊夠㗎？而家親眼見到你”

“咁㗎咩？”

「今日都影咗唔少靚相吖～」

“LB：係㗎 你唔想咩？”

『係吖～想再影多啲～』

“想㗎”

“LB：咁而家見啦”

“而家？有啲夜喎 聽日先啦”

「一齊影多啲～」

『嗯嗯...一齊影多啲...』

“LB：我到咗你樓下喇”

吓...咁突然？

“LB：落嚟啦 好想見到你”

咁突然...

“LB：好想立即見到你”

我都好想...

“好啦 我而家落嚟啦”

『吖！電話冇電喇～我...叉電順便沖埋涼先～』

「嗯嗯～咁你去沖涼先啦～」

『嗯嗯！咁你返去都小心啲喇！我...叉完電打俾你啦～』

「OK～慢慢沖喇～」

『嗯～Bye～』

「Bye～」

收咗線之後，我就著返對鞋出門口！

搭𨋢一落到樓，就見到LB架跑車泊咗喺出面！

我就快快手手咁走過去！開門上車！

一坐低...LB就打量我一眼：「係今日套衫...」

『係吖～都未換衫...』我都未講完...LB就錫埋嚟！

LB好肉緊咁錫咗我兩啖，然後情深深咁望住我：「淨係睇到啲相都覺得你今日好靚...好吸引...」

LB摸住我隻雪白嫩滑幼髀...想錫多啖...

『去第二度先啦...』我推一推LB，『怕俾人見到吖...』

「嗯～」LB點點頭～

“吼！吼～”一俾油！跑車就衝住去！

剪
剪你個賤人

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

坐住喺LB身邊，佢不時都會摸吓我隻雪白嫩滑幼髀...

我都俾佢摸到有啲怕羞...

“吼！吼～”然後唔使幾耐又駛到上山...駛到上嚟一個冇人嘅地方...

剪得啱啱好