
上回講到Marco都係同Joanne傾返接Job啲嘢~
成餐飯LB都冇搭過嗲~
唔好講囉~
食完飯就話可以換咗衫先~仲叫Joanne同LB夾夾邊個換先~
都冇嘢講~夾條鐵咩~
Joanne就入去換先啦~
都係好平時出街啲衫咁~
出到嚟LB又係一眼都冇望過Joanne就入去換衫!
著咁靚把鬼咩?!
Joanne嬲嬲豬咁落去等~
到LB出返嚟同Marco傾嘢,Joanne見咁無聊點解唔Message Jeff呢?
就返去拎部電話~
同Jeff Message幾句~又自首返頭先食Lunch嗰陣有嘢傾冇Message到Jeff~
唔傾咁耐要留返啲電~Jeff就落街食嘢先~遲啲再Message~
阿Da同幾個工作人員咁啱就行到過嚟:「你喺度吖?差唔多㗎喇~搬埋間房啲嘢就出發~」
『哦哦~』原來都差唔多...
「落定去先~」
『OK~』
Joanne就落去等上車~
等到大家都放好晒啲嘢...一齊上大巴~
“依...吼~”坐好就開車~
跟住要去邊?Joanne都唔知~
唔緊要啦~有時有啲嘢唔使知得咁多~
有時缺少準備可能仲會帶嚟點點嘅新鮮感~
新鮮感...或者...就係Joanne一直所缺少...
坐咗一段時間大巴,然後就嚟到一條人流極少嘅街道。
佢哋架車泊好之後,大家都拎少少嘢放喺一邊。
Joanne都睇清楚...呢條街...
雖然條街冇乜人,但馬路兩旁就泊晒車...
而條街嘅兩旁都有唔少小店...
佢哋嚟係拍咩㗎呢?
跟住既劇情發展又會係點呢?
準備出文