
上回講到接住落嚟就要落操場拍鬧交戲份~
鬧咩交?
Mark導話好似平時啲情侶鬧交咁就得~
自由發揮?
LB先發制人!
Joanne都接得住喎!
佢哋兩個就鬧到七情上面咁!
好快又一Take搞掂~
大家睇返都覺得拍得好真~
仲問Joanne平時係唔係都有同男朋友鬧交~
Joanne就冇同Jeff鬧過交嘅~最多都係上次嬲鳩咗Jeff姐~
啲工作人員就爭辯男女關係~但當中唔包括LB~
LB都冇出聲~
拍完朝早啲嘢,就放飯先~
今次大家都坐喺長檯食~
Joanne就冇同LB開心Share喇~
呢種氣氛都唔算尷尬嘅...話晒成張長檯咁多人一齊坐~
「係呢Joanne~」而且Marco都主動開口,「你之前咪話有人想搵你合作嘅~有冇遇到啲咩難題?」
『難題吖?』Joanne諗一諗,『都冇咩難題嘅...因為我到而家一個都冇應承~』
「係?」Marco邊食邊問,「傾唔掂?」
『傾唔掂吖?』Joanne又諗一諗,『呃...都冇話想同邊個合作...』
「咁接Job呢?應該都有公司搵你?」
『有吖~啲化妝品護膚品嗰啲~不過都係未傾成~』
「價錢唔啱?」
『都...唔係嘅...』
同Marco邊食邊傾,佢都俾咗唔少意見Joanne。
不過佢哋傾咁耐,LB都係冇出過聲...
直頭係冇理過佢哋...只係自己靜靜咁食佢盒叉燒飯...
點解LB好似完全唔在意Joanne咁㗎呢?
點解Joanne又咁在乎LB㗎呢?
跟住既劇情發展又會係點呢?
準備出文
今晚出完
鍾意嘅朋友記得Like同Share俾身邊嘅朋友一齊追~
有咩記得喺下面留言講~我會一一回覆~