【pH值介乎於7飄浮的愛情故事】《一腳踏兩船》(7)

上回講到拍咗好多個Take都仲係未搞掂～
Mark導話差少少差少少咁～
差少少咩呢？又唔講清楚～
LB就叫Joanne真打落去～
咁Joanne就真打啦！仲打得好應添！
今次就收貨喇～
Joanne有啲唔好意思～打到LB塊面紅晒～
不過LB就唔介意～仲要繼續拍添～
拍埋最後嘅鏡頭，大家睇返OK晒就大功告成～
執晒嘢上大巴，睇唔到LB塊面仲紅唔紅，只係睇到佢同Marco傾唔知乜～
返到銅鑼灣散水～Marco就問Joanne一唔一齊食埋飯先～
見LB都點點頭咁，Joanne就唔客氣～
成餐飯Joanne都係同Marco傾未來合作啲嘢咁～
其實Joanne係想可以同LB相處多啲～
到走嗰陣LB問Joanne送埋佢返去好唔好～
LB開到口，Joanne就上車喇～
又係車咗上山，LB話其實個心仲有Joanne！
呢個時候Joanne錫埋去LB度！
佢哋兩個仲打晒茄輪！
Joanne呢一時衝動就同LB開始地下情喇！
又攬又摸，但Joanne就唔俾LB摸下面住...
咁LB都唔心急嘅～
送Joanne返屋企，佢哋兩個都依依不捨咁～
返到屋企行入間房...Joanne個心都仲係卜卜！卜卜聲咁跳！
Joanne同LB...
就喺呢個時候...
“很感激 喜歡我十年仍不休”
電話一響！
Joanne嚇咗一嚇！拎部電話睇睇...係Jeff！
都聽咗電話先：『喂～』
「喂～返咗屋企未吖？」
『返到啦～』
「咁你又唔打俾我嘅？」
『頭先冇晒電吖嘛～啱啱先叉滿～你知我叉電唔用電話㗎～』
「知～梗係知啦～咁點吖？順利嘛？」
『順利～好順利～』
冇錯...Joanne又講大話...
再一次對Jeff講大話...
而且...會越嚟越多...就只會越講越多大話...
同時...LB DM Joanne...Joanne就一邊同Jeff傾電話...一邊同LB DM...
TO BE CONTINUED
跟住既劇情發展又會係點呢？



準備出文