【pH值介乎於7飄浮的愛情故事】《一腳踏兩船》(7)

飛揚

1001 回覆
4 Like 0 Dislike
飛揚 2025-03-06 12:33:34
究竟係你選擇愛情？定係愛情選擇你？

逢星期一至五，準時七點正有文出。

鍾意嘅朋友記得Like同Share俾身邊嘅朋友一齊睇～

有咩都可以留言同我講～有你哋嘅意見，我先會有進步～

下面係Penana嘅Link，想睇返之前嘅章節都可以Click入去。

Penana
https://www.penana.com/story/168592/一腳踏兩船

鍾意我呢條廢腸寫嘅故可以Like Facebook同Follow Instagram～

感激大家長久以嚟嘅支持～在座各位都係讓我光合作用嘅陽光～

Facebook專頁
https://www.facebook.com/whirlingdancer

Instagram
https://www.instagram.com/whirling666/

Penana
https://www.penana.com/user/122935/飛揚/stream


第一個Post 第1, 4, 5, 7, 8, 14, 17, 19, 21, 23, 25, 27, 28, 30, 32, 35, 37, 38, 39頁有文
https://lih.kg/3820256

第二個Post 第2, 8, 10, 12, 13, 15, 20, 22, 24, 26, 30, 33, 35, 37頁有文
https://lih.kg/3834466

第三個Post 第2, 4, 8, 9, 13, 16, 18, 27, 29, 31, 34, 36頁有文
https://lih.kg/3845692

第四個Post 第2, 4, 7, 10, 14, 17, 19, 23, 25, 27, 33, 35, 37頁有文
https://lih.kg/3855712

第五個Post 第2, 3, 10, 13, 18, 21, 24, 29, 31, 34, 36, 39頁有文
https://lih.kg/3866602

第六個Post 第7, 9, 11, 14, 16, 21, 23, 25, 27, 29, 34, 36, 39頁有文
https://lih.kg/3876070
小新之助 2025-03-06 12:44:21
飛揚 2025-03-06 12:46:07
小新
41樓大王 2025-03-06 13:26:45
飛揚 2025-03-06 14:23:44
大王
揸𨋢人2.0 2025-03-06 14:34:48
飛揚 2025-03-06 15:31:31
揸𨋢
熱檸茶走冰 2025-03-06 17:29:03
Lm
飛揚 2025-03-06 18:28:41
走冰
飛揚 2025-03-06 19:00:05

上回講到Joanne諗住著得靚靚見LB～
點知自己早到俾唔到LB睇～
唯有換套校服吸引LB啦～
有人話過女仔著校服係有吸引力啲嘅～
換好晒成套之後，Joanne想落去睇睇喎～
咁啱Marco同LB就嚟到～
但LB只係望咗Joanne一眼！點點頭就冇然後！
搞錯吖？都唔理人嘅！
LB就去換衫先～Joanne就去化返個妝先～
Joanne諗到少嬲！化妝師都要等佢冇咁多面部表情先可以繼續化～
專業啲啦唔該～
Joanne盡量放鬆...唔好有咁多表情喺塊面上...
但最好嘅方法都係唔好諗啦！
原來Joanne嘅表情管理都唔係咁好...咁樣好易俾人察覺到佢有心事...
俾其實人察覺到都冇乜所謂吖～最緊要係唔好俾LB察覺到吖！
LB...又係LB...
男化妝師見Joanne冇晒面部表情，就繼續掃完又搽～搽完又掃～
望望塊鏡～睇清楚左右～又打打陰影～
都係同上次一樣，男化妝師幫Joanne化返個淡妝～
望住塊鏡嘅自己...除咗都係純情學生妹之外...仲多咗少少...諗樣？
咩係諗樣？有嘢諗嘅樣囉～
死啦...係唔係Joanne諗得太多，搞到個妝都有少少出入...咁樣對拍MV會唔會有影響？
Joanne就唔知有冇影響喇...男化妝師望住鏡中嘅佢點點頭～應該就冇乜問題掛...
可能都係Joanne諗多咗姐...唔諗咁多就冇乜嘢嘅～
之但係人就係咁，越係叫你唔好諗...你就越係會諗...
即係點？就好似Joanne叫你唔好諗大笨象，咁你而家諗起啲乜？
跟住既劇情發展又會係點呢？



準備出文

飛揚 2025-03-06 19:00:21
[Day 15－戲裡戲外] PART 02

化好個妝後，就到女髮型師幫我Set頭。

我都係坐定定咁望住鏡中嘅自己...但其實我都冇留意鏡中嘅自己...

甚至我見到鏡中嘅人...係LB...

諗得太多係會出現錯覺...

錯覺會令自己更加胡思亂想...

呢種係惡性巡環...而且會嚴重影響思緒...

思緒受影響...判斷力同決定性都會有影響...

但人往往係唔會意識到會帶嚟幾大嚴重性嘅後果...
飛揚 2025-03-06 19:01:24
女髮型師左梳右梳...前梳後梳...我都唔知梳咗幾耐...

噴兩噴再梳兩梳...貼貼服服...一手紮返個高馬尾！

我都仲係成個木頭人咁...郁都唔郁...眼都唔多眨...

紮好再梳一梳...睇清楚...執執個前陰...再望望塊鏡...

髮型師搞掂我個頭，化妝師又走過嚟睇睇個妝...

髮型師同化妝師都望住塊鏡點點頭...

搞掂喇？掛住諗嘢嘅我都冇留意過自己個樣...

而家望住塊鏡睇得清楚啲...都係純情學生妹啦～
飛揚 2025-03-06 19:02:28
「搞掂喇？」阿Da行到嚟我身邊睇睇。

『嗯嗯...』我就企返起身。

阿Da幫睇清楚冇乜嘢需要執漏...點點頭：「OK～咁我哋出返去先～」

『嗯～』我就跟住阿Da行返去出。

就喺我哋行出房門，咁啱Marco就同LB一齊行到過嚟！

LB已經換好咗套校服。

Marco同我點點頭，但LB就連一眼都冇望過我就同我擦身而過...

呢一下無視...我個心好似插咗一刀咁！
飛揚 2025-03-06 19:03:16
阿Da帶我去到長檯：「坐陣先～」

『哦哦...好好...』我仲係痴痴呆呆咁...坐低...

望住阿Da行咗去同Mark導講幾句...

把刀仲好似插住喺我個心咁...

點解會咁㗎呢？

點解呢種無視...充滿住陌生嘅感覺㗎呢？

我唔會話係變返...因為係更甚...

一種相識嘅陌路人感覺...比起唔相識嘅陌路人更陌生...
飛揚 2025-03-06 19:04:14
就算點諗都好...靜靜自己一個諗...點諗都諗唔明...

過咗唔知幾耐...好似迷失喺思緒之中...

「Joanne～」阿Da就行到過嚟，「可以過嚟傾傾喇～」

『哦哦...』傾傾？要傾MV啲嘢喇？

阿Da帶住我行到嚟Mark導...仲有Marco同LB都喺度！

LB都已經執好個妝，梳好個頭。

Mark導見齊人，就開始講：「好～今次個MV係要講你哋拍拖耐咗，開始有意見分歧...」

都係啦...之前係冇人同我講過個MV點拍嘅...亦都唔知首歌係講咩嘅...

之但係話要我哋拍拖耐咗...開始有意見分歧...
飛揚 2025-03-06 19:04:53
我偷偷望一眼LB...佢仲係好專心咁聽Mark導講...

最重要都係半眼都冇望過我！

唔係鍾意我㗎咩？唔係因為我有男朋友就咁快死心掛？

咁樣嘅話可以有幾鍾意吖？

「好～」Mark導拍拍手，「大家明喇嘛？」

明？明咩吖？明就明，唔明就黎明吖？

死喇掛住發夢都冇聽到要做啲乜...

「OK～」LB點點頭。

『OK...』唔OK都要OK㗎啦...
飛揚 2025-03-06 19:05:40
首先我哋要喺走廊遇見對方...

「啱喇！」Mark導一邊講，「保持住直線！」

我就Keep住向前行...

其實我係冇乜點聽到Mark導嘅指示...

「保持速度！唔好望對方！」

唔使聽Mark導講我都唔會望LB一眼...

當然LB都冇望過我一眼...一直向前望...

直到我哋迎面咁擦身而過...各有各自己行自己嘅路...
飛揚 2025-03-06 19:06:32
「Cut！Good Take！」Mark導拍拍手，「我哋再補多幾個唔同角度吖吓～好似頭先咁就得㗎喇～」

然後Mark導帶住Cam Man行去唔同嘅角度...

「好...準備...Action！」

拍完一個...

「Cut！Good Take！再補埋LB嗰邊...」

再拍一個...

不論前後左右...LB嗰邊定我嗰邊...每個鏡頭都係一樣...我同LB完全冇交流！眼神交流都冇！

自己有自己...不論心中...就連眼中都沒有對方！
飛揚 2025-03-06 19:07:22
「Cut！Good Take！」Mark導又拍拍手，「嚟睇睇先～」

大家都行埋去睇返頭先我哋拍過嘅鏡頭...

我同LB企得好開囉！就算中間冇人，都可以放個大肥佬落嚟！

「好好...好好吖...」Mark導點晒頭，「個Feel出晒嚟！」

梗係有Feel啦！我而家真係唔想理LB吖嘛！

明明話鍾意我！知我有男朋友就完全唔理我？

男仔可以咁㗎咩？控制感情方面可以唔係一就係零㗎咩？

有啲女仔Friend（唔係Crystal）知到個男仔有女朋友，口講就話放棄，實際又要生又要死咁啦！
飛揚 2025-03-06 19:08:09
即係我就唔係話明知人哋有男朋友都仲要死纏爛打...都唔係可以一下子就放低晒掛？

放得咁低即係唔係好重啦？

咁唔重就唔好隨便講話鍾意啦！

我係有少少嬲！但其實又唔知嬲啲乜...

應該話理性好似唔應該嬲...但感性又控制唔到...

「好喇咁我哋轉轉場...」Mark導睇睇份劇本，「去圖書館～」

我哋一行人就由阿Da帶住咁行上樓梯，行上圖書館。
飛揚 2025-03-06 19:09:35
冇人嘅圖書館就只有圖書...書卷味特別重...

「咁Joanne就坐呢度先...」Mark導指住張長檯，「阿Da幫我拎啲書嚟～」

我就坐低先...其實個感覺都好似平時咁～

早排都係唔想俾咁多人見到，一小息就同Crystal走嚟圖書館避避。

係呢排開始習慣成為焦點...又公開咗我同Jeff拍緊拖...所以就唔使點避囉...

聽過一句話“習慣其實係好可怕”...

我暫時都未體會到習慣嘅可怕之處喺邊...或者體會就係要埋到身先會體會到啦...
飛揚 2025-03-06 19:10:01



今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～



三句預告

阿Da拎咗堆書過嚟放喺檯面。

再執幾執...同Mark導研究點樣擺好個場景...

「Joanne～」Mark導向我招招手，「你坐呢度先～」
揸𨋢人2.0 2025-03-06 20:23:36
衰妹依家已經魔化左
成日想draw LB attention
熱檸茶走冰 2025-03-06 20:57:01
晚
揸𨋢人2.0 2025-03-06 21:26:08
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞