【pH值介乎於7飄浮的愛情故事】《一腳踏兩船》(7)

依依不捨咁收咗線之後，就打返俾Jeff...

「嘟...喂？我以為你瞓返著添～」Jeff仲係有啲好奇...

『唔係啦～媽咪有啲嘢要我幫佢做咋嘛～』我又同Jeff講大話...

「哦～咁去梳洗未先？」當然Jeff就唔會懷疑我...

『去喇去喇～而家去喇～』只要係我講嘅...佢都一定信到十足十...

要呃住Jeff應該唔係問題...

『嗯嗯...係吖刷...嗯唔...緊...』

唔會咁容易俾Jeff察覺到我同LB...

『洗緊面喇～』

假如真係怕會露出啲乜嘢蛛絲馬跡...

『著咩衫好呢？』

只要唔好喺Jeff面前提咁多LB...

『喂你幫我揀啦～』

一定可以一腳踏兩船...

我開咗FaceTime俾Jeff幫我揀衫～

「呢條同呢件衫好唔好？」Jeff睜大對眼睇清楚～

『長褲吖？』我拎起條長褲睇一睇，『但我想著裙多啲喎～』

「著裙吖？」Jeff又睜大對眼睇清楚，「嗰條？嗰條嗰條...係喇係喇～」

『長裙吖？』我又拎起條長裙睇一睇，『但我想著短喎...』

「短裙吖？」Jeff諗一諗，「會唔會唔係咁方便吖？」

『有咩咁唔方便吖？』我就已經拎起啲短裙睇睇～

「我哋今日去野餐喎...」Jeff又諗諗，「著短裙喎...」

『就係去野餐先要著短裙～影多啲靚相吖嘛～』呢條夠唔夠短呢？

「呃...都係嘅...」

『咁呢條好唔好吖？』

「會唔會短咗啲吖？」

『吓？短咩？我覺得唔夠短喎...』

「坐喺度會咗短啲喎...」

『咁咪可以突顯我對長腿囉～』

「仲突顯埋添底褲添...」

『小心啲咪得囉～』

我都係冇理到Jeff～都係揀返條短啲嘅短裙～加多件Tee～

當然就冇俾Jeff睇住我換啦～

唔係話唔俾得佢睇～佢想睇都可以俾佢睇嘅～只係佢喺街就唔係咁好啦...一陣俾街外人𥄫到佢個Mon咁點算呢？

『換好咗喇～』不過都仲係傾住電話嘅～

照照鏡～著得好好睇睇～盡顯我對雪白嫩滑嘅修長幼腿～

條短裙冇揀錯呢～

『執緊喇～執緊喇～』

執埋個袋仔～

『著緊喇～著緊喇～』

著埋對腳～

『而家出喇～』

出門口～

『喂喂喂？喂喂喂？收唔到收唔到...』搭𨋢落到嚟一行出大堂，離遠就望到Jeff已經喺每日等我嘅位置等緊我。

Jeff雙手拎住個野餐籃～企定定咁～

我就鬼鬼祟祟咁行快兩步...然後一嘢就拍落去：『喂～都話我準時㗎啦～』

「喂～」Jeff帶住微笑點點頭，「係喇係喇有邊次唔準時？」

『係吖呢～』我望望對面，『貓貓今日都係懶洋咩咁嘅～』

「係囉～」Jeff點點頭，「呢個鐘數都咁懶瞓喺度～Fing吓Fing吓條尾咁～」

『咁懶會唔會肥㗎？要唔要過去同佢玩吓？』

「唔好打擾佢啦～啲貓貓唔鍾意俾人搞住佢哋嘅清靜㗎～」

『你又唔係貓貓～你又知啲貓貓唔鍾意俾人搞住佢哋嘅清靜？』

「你夠唔係我～你又知我唔知啲貓貓唔鍾意俾人搞住佢哋嘅清靜？」

『唓～』

「好喇～行喇～」

『行囉行囉～』

同Jeff都冇拖手，只係一人一邊拎住個野餐籃...

咁樣行浪漫啲？

浪唔浪漫我都唔知...只係...我個心仲係未轉換到...

始終都對Jeff唔住...如果拖住手嘅話...肯定會好唔自然...話唔定好易就俾Jeff發現到...

所以而家有得借助個野餐籃...就好好借助...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

同Jeff一人一邊拎住個野餐籃咁慢慢行～行到去巴士站～

或者係啱啱走咗班車...條隊都冇人...得我哋兩個...排第一個...

輕輕手咁Fing吓Fing吓個野餐籃～望住路面上啲車駛過～

joanne條仆街必須死

幻幻仲要3p

唔使咁嬲喎
可能會有報應呢

係咪露台先

腸嗰間唔係天台複式嘅咩

希望佢俾lb趙完鬆
然後再俾jeff發現再分手
跟住再俾人公審

佢鍾意天台

真係一腳搭兩船喇

我唔睇幻幻㗎

你點知聽日係明天㗎

咩嚟㗎

我公屋喎