受夠咗：你咁支持烏克蘭，上去打仗未 嘅歪理

侵粉嘅論調係：如果你咁支持烏克蘭，點解你唔親身上場打仗、點解歐洲國家唔肯落場？

其實呢種講法就我會稱為「無限升級反駁法」（原諒我搵唔倒比較學術嘅辭彙描述呢類狡辯，諗過用nirvana fallacy，但感覺都係唔太合適）

呢種歪理係：
透過將「支持嘅標準不斷提高」，否定對方的觀點。當對方達唔到他提出的極端要求，就稱對方偽善、得把口，以自己嘅真小人，指責對方道德標準/提出的美好願景

例子：
A君支持環保，所以他平時會將垃圾分類

B君好不爽，覺得A君扮曬嘢，於是舉出「政府都係送落堆填區」、「咁環保唔見你食素？」
甚至極端地要求對方自殺，B君的論點是：人類就是最破壞環境的生物，所以自殺先係對地球最好
甚至應該屠殺其他人，所以毛澤東為環保做出很大貢獻

呢種講法謬誤在於：
1.B君忽略立場從來是漸進，從來不是非黑即白。A君支持環保並不代表他人生冇其他追求。例如A君好喜歡食牛肉，滿足口福都係追求其中一樣。
假如人類只可以走一個極端，請問當年當勞侵口口聲聲話選舉被操控，連登有無侵粉過去美國國會山莊抗議？你憑乜野指責彭斯無推翻選舉結果？所以你偽善，你係假侵粉。

2.對方嘅支持 有用與否與對錯無關
侵粉指責歐洲口頭支持冇用、指責反侵人事無參軍，所以冇資格支持烏克蘭。但這種講法並不會掩蓋特朗普blame the victim、與邪惡勢力合作嘅事實。
正如支持環保係正確（我假設你並非反社會人格），即使你現實中有沒有刻意去實行減廢，並不會改變這種現實。
你會唔會因為自己平時有用開即棄餐具，所以就被剝奪批評中國工廠向河流排放有毒液體的權利？
即使只係口頭上支持烏克蘭，亦係站在人類道德底線嘅起點，比你班奶侵奶到拋棄普世價值、崇拜強權嘅fans有理據好多

算了打咗咁大段應該都無咩人睇

2022年 支持烏克蘭嘅話，嗰時親鵝5毛，小粉紅會話：「你咁支持烏克蘭，你唔嗱嗱聲去戰場？有國際志願軍比你報名。」


係咪好熟口面？

鬼佬侵粉同小粉紅同埋連登侵粉根本同一個物種，不過生喺唔同地方

兒登仔：支持美國政府派美國人民去烏克蘭打杖

如果中國政府叫香港人去幫 烏克蘭打杖，兒登仔係咪一樣支持？

係咪又變咗最強既國家要付出一切，其他人一d 都唔需要付出？

逆地而處啫

根本由頭到尾都係同一班人來

佢地而家講到總統都係前線咁



之後美國比軍援又好似分左佢舊肉咁，但現實呢班人

交緊稅未港共政府唔係美國政府

最過癮係當你反問返佢哋點解唔加入俄軍幫普京佔領基輔，佢哋就會大大聲話我有話支持俄羅斯咩

苿莉 sir 上年5月都重企係澤仔果邊，而家瘋狂出 post 恥笑澤仔

呢個方向又係另一個話題：
到底美國需要負上世界警察的責任嗎？
隨之依然可能衍生的話題：
1.簽咗備忘錄的美國有無道義幫烏克蘭？
2.美國作為民主、自由燈塔行孤立主義是否對其國家有利？（在我本人看來，美國宜家係犧牲長期利益（盟友信任、意識形態之爭）、換取短期經濟利益）

唔想討論太多其他爭論方向，因為我開呢個post嘅目的只係為咗駁斥其中一種最離譜嘅謬誤

我都唔明咩logic來 我支持科研火箭space X

唔通我要貨金加去埋space X做先可以有資格支持？

共狗=熱狗=愛侵力=小粉紅=五毛

全部立場一撚樣

受夠咗：現任美國總統，同部份歐洲國家政黨同領袖，覺得處理國內問題，比打贏俄羅斯重要，而俾某班連登仔批評為法西斯同奶俄

無人話要嘅
不過你如果話Trump唔課金就等於人奶俄嘅話
唔該你都課

我唔會叫D唔關事嘅人去打仗
但歐豬關事喇掛
美國埋單唔make sense囉

仲有就係受夠咗某班連登精神病人，屙屎唔出乜撚都扯去熱狗，同支那人乜撚都法輪功外國勢力一模一樣

當然唔係喇
但而家係人地唔支持space X唔捐錢 你地屌人老母wow
咁你唔捐 係咪都可以屌你老母先？

我都受夠返大陸就係藍

又係無限輪迴既問答
你哋個立場係唔關自己事, 緊係企係道德高地


到底美國需要負上世界警察的責任嗎？
美國需要為世界付出，但唔係唯一，全球都有責任
隨之依然可能衍生的話題：
1.簽咗備忘錄的美國有無道義幫烏克蘭？
美國有冇幫烏克蘭？比咗千鳩幾億最大份就當見唔到？再比多1000000000000000億，之後國家破產，又再屌美國唔負責？
應該要幫，但唔係傾國之力去幫，美國總統係為美國人民，唔係烏克蘭人民

2.美國作為民主、自由燈塔行孤立主義是否對其國家有利？（在我本人看來，美國宜家係犧牲長期利益（盟友信任、意識形態之爭）、換取短期經濟利益）

你認為美國係行孤立主義係你既睇法，所謂犧牲長期利益（盟友信任、意識形態之爭）、換取短期經濟利益）全部係你個人睇法
另一個角度係糾正緊世界長久積落既問題。

不過你又會唔認同，然後無限輪迴，最後罵戰。

最後回應一句：叫你去參軍幫烏克蘭打杖，並無［無限升級］既情況，因為你企係道德高地同樣要求美國人民參與一場同自己無關既戰事

屌人唔做不嬲最容易，逆地而處自己去做呢？

ALL TALK NO ACTION

由頭到尾都係50:50 咁上下

總係有人講到得美國出錢

澳洲，日本，呢d唔關事 都無嘈la

咪 9 係, 2022 年已經有, 開 post 條友白卡？

精神上支持 對烏克蘭人有咩幫助？
我嘅意見係烏克蘭接受現有嘅條件停戰 休養生息 喺呢段時間加強軍事力量以應付下次入侵

禾哋習主席要中立牙
懵撚